mánadagur 16. oktober 2017síða 10

Mánadagur 16. oktober 2017 · Nr. 120 10 Sosialurin Hugskot og viðmerkingar – send sms til 225000 Umsóknarfreistirnar at søk­ja um upptøku á hægri út­búgv­ingum til Bachelor eru rættiliga ymiskar frá landi til lands og viðhvørt eisi­ni í landinum frá einum út­búgvingarstovni til ein annan. Her er nakað av kunning um vanligastu londini. Men minst til at altíð kanna freistirnar í góðari tíð, t.v.s. eitt ár áðrenn lestrarbyrjan, og gloym ikki at kanna upptøkukrøvini samstundis! Føroyar Freistin fyri kvotu  2 á Fróðskaparsetri Føroya er 15. apríl á midnátt. Umsóknarbløðini til kvotu 2 eru tøk á leið 1. mars. Søkir tú gjøgnum kvotu 2, er tað samstundis ein umsókn gjøgnum kvotu 1. Freistin fyri kvotu 1 á Setrinum er 1. juli á midnátt. Danmark Freistin fyri kvotu 2 er 15. mars kl. 12.00. Søkir tú umvegis kvotu 2, er tað samstundis ein um­sókn umvegis kvotu 1. Um­sóknar­ bløðini eru tøk einar 5-6 vikur undan umsóknar­ freist­ini, t.v.s uml. 1. februar. Freistin fyri kvotu 1 er 5. juli kl. 12.00. Umsóknarblaðið kann útfyllast online á: www.optagelse.dk Um tú ikki hevur danskt NemID, skal tú undirskriva og senda eina váttan við posti ella e-mail til hvønn einstaka stovn/útbúgving, ið tú søkir inn á. Henda váttan kemur fram, tá tú endaliga hevur góðkent tíni út­búgvingarval. Fyri at tín umsókn skal vera viðgjørd, skal váttanin vera frammi innan 15. mars klokkan 12.00, um talan er um kvotu 2 og innan 1. juli kl. 12.00, um talan er um kvotu 1 Noreg Vanliga er freistin 15. apríl. Les meira á www. samordnaopptak.no Svøriki Vanliga er freistin 15. apríl. Les meira á www.antagning. se Finnland Umsóknarfreistirnar eru ymisk­ar frá stovni til stovns. Vanliga eru um­ sókn­ar­freistirnar til hægru útbúgvingarnar (kandi­daa­ tti/kandidat) millum januar og mai. Umsóknarbløð fáast á lærustovnunum. Stóra Bretland Føroyingar hava síðan 2007 verið roknaðir sum EU- íbúgv­ar í Stóra Bretlandi. Til ber at søkja gjøgnum UCAS. Tað er møguligt at søkja frá 1. september árið fyri lestrarbyrjan og mann søkir sum einstakur lesandi og IKKI gjøgnum ein skúla. MINST TIL at um­sóknar­ freistirnar til Oxford og Cambridge um­framt lækna, djóra­lækna og ein­stak­ar aðrar út­búgv­ingar eru 15. oktober árið fyri, sum tú ætlar tær at byrja. Lesið meira á www. ucas.com. Harafturat krevja fleiri lærustovnar inn­an læknavísindi í Stóra Bret­landi, at nýggj lesandi hava meldað seg til eina eyka roynd (BMAT ella UKAT) ella at lesandi hava søkt og fingið dispensatión fyri eina tílíka roynd í seinasta lagi september árið fyri lestrar­byrjan! Vanliga umsóknarfreistin fyri hægri lesnað í Stóra Bretlandi er 15. januar, men fleiri lærustovnar velja at umhugsa umsóknir fram til 30. juni, um pláss eru tøk. Aftaná hetta er “clearan­ ce”, har tað ber til at søkja tóm pláss fram til stutt áðr­ enn lestrarbyrjan í sept. Onnur lond Ofta verður umsóknin send beinleiðis til útbúgv­ ingar­stovnin og oftani kann tað vera eitt hálvt ár fyri lestrarbyrjan, men tað kunnu vera tøk pláss heilt fram til lestrarbyrjan. Einstøk universitet, millum annað tey heilt kendu og virdu í USA hava umsóknarfreist næstan eitt heilt ár fyri lestrarbyrjan. Set teg í samband við lestrar­veg­ leiðar­ar, International Office ella Admissions Service á staðnum, sum tú ætlar at søkja til. T.d. er umsóknarfreistin til lækna- og tannlækna­út­ búgv­ingar í Póllandi opin frá vári til einaferð um summ­ari, tað er ymiskt frá stað til stað. Fleiri staðni ber til at søkja gjøgnum umboð í Noregi ella beinleiðis á út­ búgvingarstaðnum. Ella set teg í samband við Altjóða Skrivstovuna – www.setur.fo/ASK - so kunnu vit hjálpa tær at fáa greiðu á umsóknarfreistum, upptøkukrøvum og øðrum, um tú ivast í onkrum. Spyr og fá svar um útbúgvingar. Allar. Allastaðni. Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, vegleiðir teg um tínar møguleikar innan útbúgving og um tey fíggjarligu viðurskiftini. Holger arbeiðir dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svarar Holger tær her í Sosialinum. Umsóknarfreistir – Nær skal søkjast? ÚTBÚGVING Spurningur 1. Hvat skal havast í huga viðvíkjandi vali av hægri útbúgving? Svar: Minnislistin til val av útbúgving. Týdninarmikil ting at hugsa um, tá útbúgving og lestrarstað skal veljast: Hvar skal útbúgvingin vera? Hvussu long skal útbúgvingin vera? Umsóknarfreist og -tilgongd? Fígging í samband við útbúgvingina? Samspælið millum teori og praksis í útbúgvingini? Hvat er endamálið við útbúgvingini? Hvussu er bygnaðurin í útbúgvingini? Hvørjir eginleikar og hvørjar fortreytir krevjast? Hvørji eru tey útbúgvingarserstøku upptøkukrøvini (atgongdsgevandi prógv, meðalúrslit, lærugreinar)? Hvørjir møguleikar eru fyri upptøku, um mítt meðal er ov lágt? Hvussu langt er innleiðsluskeiðið og er tað tvinnað inn í frálæruna tað fyrsta árið? Hvørji sosial tiltøk eru, so tað er skjótt at koma inn í lestrarumhvørvið? Kann eg gera lesturin lidnan á fleiri stigum? Hvørjir frálæruhættir verða nýttir? Og hvussu valfríir eru hættirnir? Hvørjir eru próvtøkuhættirnir og hvussu kunnu teir veljast? Verða nýttir lesibólkar, lestrarferðir og tvørfakligar verkætlanir? Eru lesandi sett í starv til at hjálpa og vegleiða, partvís við lestrarbyrjan, partvís gjøgnum útbúgvingartíðarskeiðið? Hvørjar møguleikar havi eg fyri eftirútbúgving? Spurningur 2: Nær verður enska málroyndin í Føroyum næstu ferð? Svar: IELTS royndin er ein av góðkendu málroyndunum, sum útlendsk universitet krevja. Nú ber til at taka IELTS-roynd­ina í Tórshavn leygardagin 19. mai 2018. Tú teknar teg til royndina við at fara inn á https://ielts.britishcouncil.org/edu. Far til breddan til vinstru "Find Test Date" og útfyll upplýsingarnar har, og fylg so vegleiðingini á síðuni. Prísurin er 2.425 kr. Melda teg til í góðari tíð, í seinasta lagi 8 dagar áðrenn royndina. Úrslitini koma 2-3 vikur aftaná royndina.