týsdagur 17. oktober 2017síða 6

Mikudagur 18. oktober 2017 · Nr. 121 6 Sosialurin Hugskot og viðmerkingar – send sms til 225000 Tað eru meira enn tvey ár farin, síðani hendan sam­gongan setti seg á taburettirnar í Tinganesi. Eyðkenni fyri samgonguna er, at tá ið mál av týdningi hava verið til viðgerðar og atkvøðugrediðsla hevur verið í tinginum,, so hevur sam­ gonnggan staðið saman, sum ein maður. Hetta hóast almenn vitan hevur verið, at ikki øll vóru samd. Í hesum døgum sígjast ávís tekin um, at broytingar henda í sam­gonguni. Samgonguleiðarin, Aksel V. Johannesen, løgmaður, er meira sjónligur enn hann hev­ ur verið leingi og hann hev­ur í seinastuni nakrar ferðir víst, at tað er hann sum situr á hægstu taburettini. Stríð tók seg upp, tá ið tað kom fram, at fyri­tíðar­ pen­sjonistarnir fara at fáa túsund krónur meira at liva fyri næsta ár. Hetta skuldi gerast soleiðis, at tað endar við, at hetta fer at kosta kommununum 25 milljónir krónur, meðan lands­kassin sparir nýggju milljón­ir krónur. Øði kom í hjá kom­mun­un­ um og tað sama í Kom­munu­ felagnum. Tey funnsut øll at, at tað er lætt at gjara pening út, tá ið ein sjálvur ikki skal gjalda. Málið hoyrir undir lands­ stýris­kvinnuna við fíggjar­ mál­um, men í seinastu viku boð­aði løgmaður frá, at hann sjálv­ur í dag fer á fund við Kom­munufelagið fyri at loysa hetta málið. Á ein ella annan hátt fer løgmaður inn á málsøkið hjá landsstýriskvinnuni við fíggjar­málum. Eitt sindur óvan­ligt. Nakað líknandi hendi við málinum um mangl­andi pengar á Lands­sjúkra­húsi­ num. Málið kom fyri á landsstýrisfundi og tá ið tað var avgreitt, var tað løg­mað­ ur, sum boðaði frá, at Lands­ sjúrkahúsið fær pengar, so virksemi kann halda fram árið út. Tað var ikki tí, at lands­ stýris­kvinnan við heilsu­mál­ um var ímóti, at peningurin var játtaður, men tað var løg­ maður sum fyrst og fremst bar almenninginum boðini. Onki er at ivast í, at tað er trupult hjá løgmanni at fáa øll í samgonguni – og Sonju Jógvansdóttir – at hava áralag, tí áhugamálini eru so ymisk. Men tað kann ikki takast frá samgonguleiðaranum, at tað hevur hann megnað higar­ til. Onkur hevur sjálvandi skot­ið á, meðan onnur rógva, men tá ið atkvøðast skal hava árarn­ar peikað sama veg. Tóku mál aftur Løgmaður er vorðin meira sjónligur sum sam­gongu­ leiðari í seinastuni, men tað er helst eisini tiltrongt. Stóru málini eru eftir at samtykkja, so neyðugt er við øllum at­ kvøðunum í samgonguni. Landsstýriskvinnan við almnnamálum tók tvey mál aftur á tingfundi í gjár. Ongin grundgeving fylgdi við, men tað vísir seg, at hetta eru mál, sum semjan ikki er um í sam­ gonguni. Eitt annað stórmál, sum annars skuldi til fólkaatkvøðu flagg­dagin næsta ár – Stjórnar­skipan Føroya -, er útsett, tí formansskapurin ligg­ur á tí. Formansskapurin hev­ur fingið eitt upprit frá um­sit­ ingini um málið, men hóast for­mans­skapurin ætlaði at vera liðugur at viðgera málið í gjár, so skal tað fyri aftur á fundi í formansskapinum í morgin. Um hetta er partur av maktstríði er ikki til at siga, men tað tykist líkjast slíkum, tá ið Løgtingið steðgar og dregur viðgerð út av einum upp­skoti hjá løgmanni. Tíðin er meira enn hálv­ runnin og val nærkast. Fyrstu flokkarnir hava boðað frá upp­stillingarfundum. Tað plagar at geva politikarum val­ fep­ur. Sjálvandi ikki so álvar­ ligan fepur nú, men pannan plag­ar at orna eitt sindur, tá ið helvtin av valskeiðnum er farin. Men samgongan hevur fleiri stórmál eftir at avgreiða enn. Fiskivinnunýskipanin ligg­ur í tinginum og verður við­gjørd í vinnunevndini. Stjórnar­skipanin er løgd fram, men har er formansskapur í iva um hann skal mæla tingi­ num frá at viðgera uppskotið í núverandi líki. Nýskipanin av pen­sjón­ um er eisini eitt mál, sum samgongan ætlar at fáa ígjøgnum í hesum val­skeiði­ num. Um tað fer at eydnast veit ongin enn, men sum nevnt so ofta fyrr: ynskir løg­maður at samgongan at­ kvøður sum hann vil, so ger hon tað. Tað vísa royndirnar higar­ til. TAÐ PRUTLAR UNDIR LOKINUM -SAMGONGAN STENDUR SAMAN Fleiri mál geva samgonguni trupulleikar í hesum døgum, men hóast maktjavnvágin sær út til at broytast, so stendur samgongan saman GREINING Aksel V. Johannesen, samgonguleiðari og løgmaður, er vorðin meira sjónligur í politikkinum Eyðgunnn Samuelsen, landsstýriskvinna, tók mál aftur, sum skuldu viðgerast á tingi í gjár Kristina Háfoss, landsstýriskvinna hevur havt samráðingar við kommunurnar, men nú er tað løgmaður, sum fer á fund við Føroya Kommunufelag Tá ið atkvøðast skal, so stendur samgongan saman. Tað vísa royndirnar higartil