hósdagur 19. oktober 2017síða 14

FRÍGGJADAGUR 20. OKTOBER 2017 SOSIALURIN 122 14 TEMA: Tá skipanin svíkur 14 BARBARA HOLM BARBARA@SOSIALURIN.FO E yðgunn Samuelsen varðar av almannaøkinum og har­við er tað hon, sum eig­ur endaligu ábyrgdina av ruðu­leikanum, sum tey fólkini Sosial­urin hevur tosað við í kamp­ anj­uni Tá skipanin svíkur, vísa á. Og landsstýriskvinnan er samd við teimum í, at fyri summi er skipanin kaotisk. - Eg eri samd í, at tað er kaotiskt fyri summi. Men eg havi arbeitt ser­stakliga við tveimum tingum, sum eg haldi kunnu bøta um hetta øki framyvir, sigur Eyðgunn Samuel­sen. Hesi tvey økini eru, sambært lands­stýriskvinnuni, at hon hevur roynt at lýst trupulleikarnar á øk­ in­um við eitt nú vardum bústøðum, sum teir eru beint nú. Har ímillum at finna fram til, hvørjum standi teir ymisku stovnarnir eru í, um teir kunnu brúkast framyvir, hvat riggar og so framvegis. Hitt er, at hon hevur nýtt orku uppá at finna fram til, hvussu tænasturnar best kunnu skipast framyvir. - Til dømis hava vit eina góða skip­an innan autismu øki, sum er skipað eftir leistinum ”Tann góða til­gongdin”. Tað riggar væl fyri nógv, tó tað enn eru trupulleikar sum standast av, at stovnar nú skulu arbeiða saman, har teir áð­ ur hava arbeitt hvør sær, sigur Eyð­ gunn Samuelsen. 200 milliónir til vardar bústaðir Landsstýriskvinnan vísir á, at sam­ gong­an hevur sett 200 milliónir av komandi árini til bygging av vard­ um bústøðum, nú fíggjarlógin fyri 2018 er løgd fyri tingið. Og tað bøtur upp á nakrar trupulleikar framyvir, men framvegis er akutta støðan hjá fleiri familjum ikki loyst. - Eg kann ikki siga, hvat akkurát man skal gera her og nú fyri at loysa akuttu trupulleikarnar, sum hava verið tiknir fram í bløð­un­um. Men eg haldi, at har mugu for­eldr­ ini finna eina loysn saman við Al­ manna­verkinum, tí tað er hesin stovn­ur, sum umsitur økið, sigur Eyð­gunn Samuelsen. Hon vísir á, at hon veit av, at støð­an er ótolandi fyri summi, og at nógv hevði kunnað verið nógv betur. - Vit royna at bøta um teir trupul­leikar við eitt nú langum bíði­røðum til vardar bústaðir, við júst at byggja fleiri. Men tað er eing­in løtt loysn fyri ein slíkan trup­ul­leika, heldur Eyðgunn Samuel­sen. - Tað kann blíva nógv betur - Tað er trupult at fara inn í einstøk mál, men eg skilji ómetaliga væl, at fólk eru frustrerað og eg haldi hesar søgurnar eru ein góð, men keðilig mynd upp á, at tað er hent ov lítið á hesum økinum – serstakliga í Suðurstreymoy – seinastu nógvu árini, sigur Eyðgunn Samuelsen, landsstýriskvinna. BARBARA HOLM BARBARA@SOSIALURIN.FO R i g m o r D a m , landsstýriskvinna í mentamálum, varðar av Sernámi og harvið serundirvísing til børn við serligum tørvi. Hon vil ikki viðmerkja ítøkiligu støðuna hjá foreldrunum, sum hava greitt frá avbjóðingum í Sosialinum, men hon ger greitt, at hon er samd í, at Sernám upp á nógvar mátar ikki riggar sum tað skal. - Tað er ikki gott nokk, at foreldur kenna seg kroyst at fáa eina útbúgving innan autismu fyri at fáa nøktandi hjálp. Hóast eg ikki vil fara inn í ítøkilig mál, so kann eg grundleggjandi siga, at øll børn skulu sjálvandi hava tilboð, sum hóska til teirra tørv, sigur Rigmor Dam, landsstýriskvinna. Hon ger greitt, at hon tekur avbjóðingarnar hjá Sernámi í størsta álvara. Men spurd um, hvørt man framyvir kann vænta, at børn fara at fáa teir sertímar, sum fakligheitin mælir til, er svarið nei. - Higartil hevur man hildið tað best, at tað er ein vaksin pr. barn. Men tað er ikki vist, at mátin vit hava hugsað upp á er tann rætti. Tí arbeiða vit við at fáa fakligheitina út á skúlarnar til børnini, so tey kunnu ráðgeva lærarum og øðrum í, hvat júst hetta barnið hevur tørv á. Áður hevur tað verið so, at børn, lærarar og onnur avvarðandi hava verið noydd at fara til Havnar at fáa vegleiðing og fakliga hjálp, men vit ynskja heldur at fara í eina tilgongd, har fakligheitin verður savnað á skúlum kring landið, so at man møtir barninum har tað er. Og tá er ikki vist, at tað er best, at tað er ein vaksin pr. barn, sigur Rigmor Dam. Eftir hennara tykki eru tað ikki pengarnar, sum resta í á økinum, tí ein fjórðingur av játtanini til skúlaverkið fer til børn við serligum tørvi. - Trupulleikin er heldur, at Sernám skal skipast betur. Vit skulu hava nýggja leiðslu og samstundis skulu vit hava styrkt um fakligheitina á stovninum, sigur Rigmor Dam. Eyðgunn Samuelsen, landsstýriskvinna í almannamálum Rigmor Dam, landsstýriskvinna í mentamálum - Eg eri samd við foreldrunum í, at Sernám ikki riggar sum tað skal. Men vit eru í einari serstøðu, har vit skulu geva Sernám tað uppraðfestingina, sum skal til, fyri at fáa tað at rigga, sigur Rigmor Dam, landsstýriskvinna í mentamálum. - Sernám riggar ikki sum tað skal