hósdagur 19. oktober 2017síða 13

FRÍGGJADAGUR 20. OKTOBER 2017 SOSIALURIN 122 13 Hyggja eftir krøvunum Bill Justinussen, tingmaður fyri Mið­ flokkin, harmast um, at fólk við serligum tørvi merkja sviðan av manglandi bústøðum, ið er ein vaksandi trupulleiki fyri fleiri samfelagsbólkar, men vísir á, at ein loysn møguliga er at broyta hvussu vardir bústaðir verða bygdir. - Bústaðir til fólk við menningartarni skulu lúka høg krøv, og tað sum er bygt, lýkur eisini øll hesi krøv og meira enn tað. Tí er tað so dýrt at byggja. Spurn­ ingurin er, um tað ber til at lækka krøvini, so man kann gongd á at byggja fleiri vardar bústaðir, men framhaldandi halda eitt høgt støði, sigur tingmaðurin. Viðvíkjandi sernámsfrøðiliga økið, so ávarar tingmaðurin móti løttum loysnum, ið verða kroyst yvir øll. - Fólk við autismu eru ymisk, so tað er týdningarmikið, at man ikki hevur ein eintáttaðan politikk, har man sigur, at øll sum hava autismu skulu fáa so og so nógvar tímar, tí støðið má takast í tí einstaka. Tað nyttar ikki at veita eina játtan til undirvísing, um tað er ansing, ið tey hava tørv á, sigur Bill Justinussen. Veita viðgerðartrygd Føroyska samfelagið skal veita øllum borgarum viðgerðartrygd. Tað metir Kaj Leo Holm Johannesen, tingmaður fyri Sambandsflokkin, tá hann verður spurdur um manglandi bústaðir til børn við menningartarni. - Tað merkir, at øll hava krav upp á at fáa eina útgreinan og síðan neyðuga viðgerðina innan ein mánaður er farin frá tí, at tey venda sær til myndug­leik­ arnar. Tað er líkamikið, um talan er um ein likamligan ella sálarligan trupulleika. Vit kunna ikki sum samfelag loyva, at foreldur ikki fáa hjálp. Viðvíkjandi Sernám hevur ting­mað­ urin hug at hyggja eftir hvat peningurin verður brúktur til. - Sernám fær nærum 100 milliónir krónur. Tað er øgiliga nógvir pengar. Trupulleikin er, at tað loysir einki at játta meira pengar, um skipanin ikki megnar at fylgja við. Tí muga vit útgreina skipanina og staðfesta, um hon er nóg væl skipað, sigur Kaj Leo Holm Johannesen. Muga prioritera tey veiku - Tað er eitt øgiligt trýst á familjuna, ið tað almenna eigur hjálpa við, tá vaksin børn við menningartarni verða verandi heima, tí tey fáa ongan bústað. Vit eiga at kunna veita teimum vardar bústaðir. Men tað handlar um hvat vit brúka pengarnar til. Í góðum tíðum er lætt at brúka pengar, men tað er júst tá, at tað er týdningarmikið at raðfesta, og tá muga vit raðfesta hesi, ið hava mest brúk fyri tí. Tað sigur Jógvan á Lakjuni, ting­ mað­ur fyri Fólkaflokkin, um støðuna við manglandi vardum bústøðum til menn­ingartarnað. Eins og fleiri onnur tingfólk, so tek­ur tingmaður undir við, at man endur­skoð­ ar hvussu peningurin verður brúktur á sernámsfrøðiliga økinum. - Á fíggjarlógini fær økið nærum 100 milliónir krónur. Tað eru nógvir pengar í skipanini, men verða teir brúktir rætt? Vit vilja øll hjálpa hesum fólkunum, og eg síggi, at landsstýriskvinnan leggur upp til, at man endurskoðar skipanina og ger hana betri. Tað er eitt arbeiði, ið taki eg undir við, sigur Jógvan á Lakjuni. Eru fleiri loysnir - Tað er undarligt, at vit enn eru í tí støðuni, at vit ikki klára at taka okk­um av teimum, ið hava tað ringast í sam­ felagnum. Tað sigur Jógvan Skorheim, ting­mað­ ur fyri Sjálvstýri, ið metir, at ov stirvn­ ar mannagongdir er partur av trupul­ leikanum. - Skipanirnar eru ikki nóg fleksiblar. Tær eru skipaðar eftir einum ávísum frymli, men tá man snakkar um børn við autismu og menningartarni, so er tað ikki altíð, at tey passa inn í frymlarnar. Vit muga ásanna, at tað er ikki ein loysn, men fýra, fimm ella tíggju loysnir. Tingmaðurin er eisini talsmaður at broyta skipanina innan tað sernáms­ frøðiliga økið. - Tað er ikki nøktandi, og helst skulu fleiri pengar til, so øll fáa stuðul. Men hetta er eitt øki, ið landsstýrismaðurin er tættari uppá enn vit sum løgtingsmenn. Eg meti tó, at besta loysnin er desentralar loysnir, tí tað er í nærumhvørvinum, at man best kennir tørvin, trupulleikarnar og møguligu loysnirnar.