hósdagur 19. oktober 2017síða 12

FRÍGGJADAGUR 20. OKTOBER 2017 SOSIALURIN 122 12 TEMA: Tá skipanin svíkir HALLUR AV RANA HALLUR@SOSIALURIN.FO F arnu vikuna hava vit loddað dýpið millum ting­fólk úr øllum flokkum, um hvat tey ætla at gera fyri at lofta teimum, ið detta niðurí­ mill­um í skipanini. Tingfólk blivu spurd um aktuellu málini, ið Miðlahúsið hevur viðgjørt sein­astu vikurnar í kampanjuni ”Tá skipanin svíkur”, og ítøkiliga hvat tey ætla at gera viðvíkjandi eftir­spurn­inginum eftir vardum bú­støð­um og um manglandi hjálpina á ser­námsfrøðiliga økinum. Batar verða framdir - Innan lutfalsliga stutta tíð, skula vit nøkta tann tørvin, ið er í Føroyum. Eg veit bara ikki hvussu skjótt vit kunna finna loysnir. Men um tað eru fleiri skundmál, skal man sjálvandi streingja á at hjálpa teimum við onkrari fyribilsloysn. Tað sigur Hanna Jensen, tingkvinna fyri Framsókn, viðvíkjandi vardum bústøðum til fólk við menningartarni, men ger hon vart við, at tað eisini er neyð­ugt at síggja tey einkultu málini í eini størri heild. Viðvíkjandi tí sernámsfrøðiliga økinum harmast tingkvinnan um støð­ una, men vísir á, at lands­stýris­kvinn­an er í holt við broytingar, ið skulu betra um støðuna. - Tað er ikki nóg greitt, um orkan, ið er løgd í sernámsfrøðiliga økið, røkkur nóg væl teimum, ið hava brúk fyri tí, men tað er týdningarmikið, at tað ger tað. Tað eru fleiri ábendingar um, at tað kann gerast betri, men tað greiningararbeiðið verður gjørt í løtuni, sigur Hanna Jensen. Taka tað í størsta álvara Samgongan tekur málið við manglandi vardum bústøðum til fólk við menn­ing­ artarni í størsta álvara, men eftir at økið ikki hevur verið raðfest síðstu árini, so tekur tað tíð at loysa verandi manglar. Tað metir Annita á Fríðriksmørk, løg­ tings­kvinna fyri Tjóðveldi. - Vit koma nokk ikki at loysa allar trupul­leikar, men vit hava sett 200 milli­ ónir av til at byggja bústovnar til fólk við serligum tørvi, ið verða bygdir næstu árini, sigur tingkvinnan fyri Tjóðveldi. Harumframt vísir tingkvinnan á, at ser­námsfrøðiliga økið fær longu eina stóra játtan, men neyðugt er at hyggja at økinum. - 72 milliónir eru settar av til ser­ náms­frøðiliga økið, men um fólk fram­ haldandi detta niðurímillum, so er tað nakað, ið samgongan eigur at hyggja at. Og um tað er so, at fólk verða send mill­um stovnar, so skula tey fáa eina hurð at venda sær til, sigur Annita á Fríð­riksmørk. Spurningur um pengarnir verða brúktir rætt - Sjálvandi eigur okkara vælferðarskipan at avlæsta familjur, ið eru komnar í eina serliga strævna støðu, tí man hevur eitt barn við menningartarni. Men um einasta hjálpin er, at man skal hava ein serstakan bústað her og nú, so kann tað veru trupult. Samgongan hevur tó sett sær fyri at byggja vardar bústaðir fyri 200 milliónir krónur. Tað sigur Helena Dam á Neystabø, ting­kvinna fyri Javnaðarflokkin, ið har­ umframt vísir á, at avtalan við Bústaðir inniber, at fjórði hvør bústaður, sum felagið byggir, skal kunna nýtast til fólk við serligum tørvi. Sum fleiri onnur tingfólk, so setir ting­kvinnan eisini spurnartekin við, um peningurin, ið verður játtaður til Sernám, verða rætt brúktir. - Sjálvandi skula vit kunna útvega tað, sum skal til fyri at eitt menniskja kann mennast, men vita vit hvat skal til? Fjórða hvør króna í skúlaverkinum fer til sernámsfrøðiliga økið, so eg veit ikki, um tað eru pengar, ið mangla, ella um tað er nakað hugsjónaligt, ið skal broytast. Spurningurin er, um vit duga nóg væl at brúka pengarnar, tí tað er ikki vist, at fleiri tímar hjálpa. Vit hava spurt umboð úr politisku flokkunum, um hvørjar ætlanir tey hava fyri tey økir, ið Miðlahúsið hevur varpað ljós á seinastu vikurnar. Hetta siga politikararnir