hósdagur 19. oktober 2017síða 11

FRÍGGJADAGUR 20. OKTOBER 2017 SOSIALURIN 122 11 HALLUR AV RANA HALLUR@SOSIALURIN.FO T að er ikki á hvørjum degi, at vanligir borgarar fáa eina innkalling frá løg­ tings­ins fíggjar­nevnd, og eru tað í staðin umboð fyri áhuga­bólkar, vinnufeløg ella stovn­ar, ið sleppa at stíga fram og leggja sína søk fram fyri máttmiklu nevnd­ini, ið játtar pening til virk­ semi landsins. Í nærmastu framtíð fáa Re­ bekka Niclasdóttir Dahl, Uni Gull­ foss og Anita Heinesen tó júst hend­an serstaka møguleikan. Eft­ ir at hava fylgt við kampanjuni hjá Miðlahúsinum ”Tá skipanin svíkur”, hevur Pauli T. Petersen, løgtingsmaður fyri Tjóðveldi og fíggjarnevndarlimur, valt at kalla nakrar av teimum persónunum, ið hava fortalt sína søgu í Sosialinum, inn í fíggjarnevndini, fyri har at greiða fíggjarnevndarlimunum frá teirra royndum við almennu skipanini. Mugu finna eina loysn Sjálvur fegnast Pauli T. Petersen, um at sjóneyka er sett á eitt øki, ið eftir hansara tykki onkursvegna er gloymt og hevur fyri neyðuga at takast fram aftur í ljósið. - Eg eri glaður fyri, at fokus er sett á evnið, tí hetta er eitt evni, ið manglar eitt veruligt kjak í Før­oy­ um. Vit muga spyrja okkum sjálvi, hvussu vit kunna lyfta tey allar, all­ar, allar veikastu í samfelagnum. Hendan samgongan fór upp á val at lyfta tey allar veikastu í sam­felagn­ um, men man er ikki komin víðari. Vit eru onkursvegna uppsteðgað, sigur løgtingsmaðurin og leggur aft­urat, at samgongan hevur eina skyldu at finna eina loysn. - Vit eiga, bæði sum samgonga og sum løgting, at finna eina loysn, so vit kunna lyfta hesi fólkini upp. Tí tað er ótrúliga óvirðiligt hjá hesum fólkum at stríðast og strev­ ast hvønn einasta dag fyri at fáa alt at hanga saman. Fortelja sína søgu Tí hevur løgtingsmaðurin tikið stig til at innkalla Rebekku Niclasdóttir Dahl, Una Gullfoss og Anitu Heine­ sen at greiða frá teimum søgum, ið hava staðið í Sosialinum seinastu vikurnar. Vónin er, at søgurnar kunna vera við til at gera neyðugu broytingarnar, so aðrar familjur ikki skulu fara gjøgnum tað sama. - Eg vóni tey fortelja søguna um børnini. Tað er týdningarmikið, at tey koma og greiða frá teimum trup­ul­leikum, ið tey hava av ver­ andi skipan. Vónin er, at hetta kann vera við til, at familjur við børn­um, ið hava ein serligan tørv, fáa eina rímiliga skjóta hjálp, og at tey sleppa undan líknandi støðum. Men tað eru kanska heldur ikki øll, ið fáa ta hjálp, ið tey skulu hava, tí tey orka ikki at taka kampin upp við skipanina, sigur Pauli T. Pet­er­ sen. Kennir trupulleikin sjálvur Pauli T. Petersen kennir sjálvur eisini væl til trupulleikarnar, ið foreldur at børnum við serligum tørvi hava at stríðast við. Fyri átta árum síðan ættleiddu hann og konan ein son, ið hevur havt onkr­ ar avbjóðingar. - Eg havi sjálvur ein son, ið hevur ávísar trupulleikar, og kenni tí væl til skipanina. Vit hava, sum familja, verið gjøgnum hesa skipanina í sjey til átta ár. Okkara royndir er, at skipanin riggar fyri summi, men rigg­ar ikki fyri onnur. Tað kann gera tað nokk so trupult til tíðir, sigur Pauli T. Petersen. Løgtingsmaðurin vísir á, at tað kann vera tungt at fáa alt at ganga upp, tá man hevur eitt barn, ið hevur serligan tørv. - Tað hevur næstan verið eitt full­tíðarstarv hjá konuni at fáa tingini at hanga saman. Tí tú skalt fyrireika, tú skalt á fundir, tú skalt til Sernám, tú skalt til eygnalæknar, tú skalt til barnalæknar, tú skalt til barnapsykiatri o.s.fr.. Tað er alt mill­um himmal og jørð, ið man skal, og alt skal rigga saman. Tað er eitt kempistórt arbeiði, ið man skal ígjøgnum í Føroyum, um man hevur eitt barn við serligum tørvi, sigur løgtingsmaðurin. - VÓNI TEY FORTELJA SØGUNA UM BØRNINI - Vit muga spyrja okkum sjálvi, hvussu vit kunna lyfta tey allar, allar, allar veikastu í samfelagnum. Hendan samgongan fór upp á val at lyfta tey allar veikastu í samfelagnum, men man er ikki komin víðari. Vit eru onkursvegna uppsteðgað. Tað sigur Pauli T. Petersen, limur í løgtingsins fíggjarnevnd, ið hevur innkallað Rebekku Niclasdóttir Dahl, Una Gullfoss og Anitu Heinesen í nevndina at greiða frá teirra søgum. - Vit eiga, bæði sum samgonga og sum løgting, at finna eina loysn, so vit kunna lyfta hesi fólkini upp. Tí tað er ótrúliga óvirðiligt hjá hesum fólkum at stríðast og strevast hvønn einasta dag fyri at fáa alt at hanga saman.