mánadagur 23. oktober 2017síða 14

Mánadagur 23. oktober 2017 · Nr. 123 14 Sosialurin Hugskot og viðmerkingar – send sms til 225000 FÓTBÓLTUR André Olsen Gilli Rólantsson Sørensen sat sunnukvøldið allan dyst­ in á bonkinum, tá Brann á heimavølli tapti 3-0 móti odda­liðnum í norskum fót­ bólti, Rosenborg. Hjá Rosen­ borg er tað serliga danski landsliðsleikarin, Nicklas Bendtner, ið fær størsta upp­merksemi í norskum fót­bólti, og sunnukvøldið gjørdi Nicklas Bendtner eisini av álvara um seg í dysti­num móti Brann. Hann skeyt nevniliga tey bæði fyrstu málini fyri Rosenborg í dystinum, og er sostatt nú deildur toppskjútti í bestu norsku deildini. Orsøkin til at Gilli Rólantsson Sørensen ikki kom á vøllin fyri Brann sunnu­kvøldið er, at Gilli tær báðar seinastu vikurnar hevur drigist við ein smærri skaða í baklærinum. -Eg var skaddur seinasta dyst, og havi bara vant tvær ferð hesa vikuna. Venjarin tók meg við til dystin, tí hann væntaði kanska at eg kundi spæla eina løtu, men so var ikki. Tað er ikki so nógv at gera við tað, so eg má bara royna at koyra á víðari, sigur Gilli Rólantsson Sørensen, ið sjálvsagt er vónbrotin um, at hann ikki kundi spæla ein leiklut fyri Brann sunnu­ kvøldið. Vejle nummar eitt við einum dysti færri Hjá øðrum føroyskum úti­set­ um, er tað serliga hjá Viljormi Davidsen og felagnum hjá sær, Vejle, at tað í løtuni gong­ur serstakliga væl hjá. Sunnu­dagin vann Vejle 3-1 heima­sigur móti Viborg, sum ber við sær, at Vejle nú aftur liggur nummar eitt í næst­bestu donsku deildini. Hetta hóast teir hava spælt ein dyst færri enn hini liðini, sum teir kappast ímóti í oddi­num. Viljormur David­sen spæl­ di allar 90 minutt­ir­nar á vinst­ra bakki fyri Vej­le sun­ nu­dagin. Nærmasti kapp­ingar­ neytin hjá Vejle í deildini er Thisted. Har hevur ein ann­ar føroyskur leikari sín gerandisdag, tí U21 lands­ liðsleikarin, Jákup Thom­ sen, er í løtuni útleigaður til Thisted frá FC Midtjylland. Jákup Thomsen var inn­ skiftur fyri Thisted sunnu­ dagin, tá teir á heimavølli taptu 1-0 móti Nykøbing FC. Tveir aðrir føroyskir leikarar komu eisini á vøllin í næstbestu donsku deildini sunnu­dagin. Tað vóru teir báðir, Heini Vatnsdal og Finn­ur Justinussen, sum spældu við Fremad Amager móti Esbjerg. Har byrjaði Heini Vatnsdal inni, meðan Finnur Justinussen var inn­ skiftur í seinna hálvleiki. Tað eydnaðist ikki teimum at fáa stig, tí Fremad Amager tapti útidystin móti Esbjerg heili 5-2, Jóan Símun á vøllinum aftur Í bestu donsku deildini vóru bæði Hallur Hansson og Jóan Símun Edmundsson um vikuskiftið á vøllinum fyri feløg síni AC Horsens og OB. Hallur Hansson byrjaði inni sum hangandi áleypari, tá AC Horsens fríggjakvøldið spældi á útivølli móti FC Midt­jylland. Tað eydnaðist ikki AC Horsens at fáa stig í torføra útidystinum, tí FC Midt­jylland vann dystin 4-2. Men allíkavæl vóru teir í AC Horsens væl nøgdir við innsatsin í torføra úti­ dystinum. Til seinast fekk Jóan Símun Edmundsson seinastu 25 minuttirnar í útidystinum hjá OB móti Lyngby sunnu­ dagin, sum endaði við 1-1 javn­leiki. Jóan Símun Ed­ mundsson hevur seinastu tíðina havt tað trupult við fastari spælitíð í OB, og í mun til undanfarna vikuskiftið, tá Jóan Símun Edmundsson sat á bonkinum allan dystin, var tað gleðiligt at Jóan Símun hesa­ferð slapp at spæla. BENDTNER SØKTI GILLA Danski landsliðsleikarin, Nicklas Bendtner, var munurin, tá Brann – sum er felagið hja Gilla R. Sørensen – spældi móti oddaliðnum Rosenborg sunnukvøldið. Nicklas Bendtner skoraði tvey av málunum í 3-0 sigrinum hjá Rosenborg móti Brann, har Gilli R. Sørensen sat allan dystin á bonkinum