hósdagur 2. november 2017síða 27

FRÍGGJADAGUR 3. NOVEMBER 2017 SOSIALURIN 128 27 ÍTRÓTTUR Tórshavn Boksing, er navnið á einsata føroyska boksifelagnum. Í samband við Showdown tiltakið í Høllini á Hálsi, verða fyri fyrstu ferð føroyskir boksarar við. Høvðusmaðurin handan Tórshavn Boksing er Martin Meng Wojciechowski. Hann hevur búð í Føroyum í tíggju ár, tosar danskt, men skilur væl føroyskt. Seinastu tíðina hevur boksing fingið veruliga ferð á í Føroyum. Tað leggjast fólk afturat í hvørjum og tað sæst í hølinum hjá Bilrøkt, tá venjing er. Fríggjakvøldið 17. novembur verður fyrsti boksidysturin í Føroyum, har ein føroyskur boksari er partur av tí. Teir tríggir boksarnir, sum hava fingið boksiloyvi eru Geir Thomsen, Bjartur René Nielsen og Christian Christiansen. Tíverri sær út til, at Bjartur René Nielsen má geva avboð, tí hann hevur brotið nøsina. Eg trúgvi upp á, at boksing í Føroyum kemur at veksa í næstum. Vit arbeiða við at fáa samarbeiði við donsk boksifeløg og tað legst bara afturat við fólki, sum melda seg til Tórshavn Boksing. Hetta er bara byrjanin, sigur Martin Meng Wojciechowski, ið venur føroysku boksarnar. Boksing í framgongd