týsdagur 7. november 2017síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mikudagur 8. november 2017 · Nr. 130 UNGDÓMUR OG KRIMINALITETUR Áki Bertholdsen –  Vit skulu ansa eftir, at vit ikki gera trupulleikan størri enna hann er. Tað heldur Mariann Reinert, politistur, sum hevur børn og ung sum sítt serøki hjá løgregluni í Føroyum. Hon er nevniliga SSP politistur. SSP er eitt samstarv ímillum skúla, sosialar myndugleikar og politi­ið, við tí endamáli at halda ungfólk burtur frá kriminaliteti. Endamálið er eisini at leggja ein atburð niður í ung­ dómin, sum ikki er til skaða fyri tey sjálvi.  Tá ið Løgtingið herfyri hevði orðaskifti um, hvussu okkara rúsdrekka- og rús­ evna­politikkur skal vera framyvir, vóru tað rættiliga nógvir løgtingslimir, sum søgdu, at tað er ein trupulleiki, at børn, og blað­ung, ganga úti og vála um náttina. Ein av teimum var Djóni  Nolsøe Joensen, løgtingsmaður fyri Javnaðar­ flokkin. Hann er eisini pedagogur, og hann gjørdi seg til talsmann fyri, at vit skulu gera, sum tey gera í Íslandi, har tað er bannað blaðungum at ganga úti um náttina. Tað heldur hann, at vit skulu gera, tí hann heldur, at tað líkist púra ongum, at blaðung ganga úti og vála um næturnar. Fyribyrging er vegurin fram Einum so víðgongdum stigi tekur Mari­ ann  Reinert  ikki undir við, tí hennara sann­føring er, at vegurin fram er meiri upp­lýsing og fyribyrging, heldur enn eitt for­boð á hesum øki. Tað segði hon við www.in.fo herfyri.   Hon leggur eisini afturat, at tað eru ómetaliga fá blaðung, sum ganga úti um næturnar. Og tey allarflestu av teimum ungu skikka sær fyrimyndarligar væl, og tí heldur, at skal alt nú fara at snúgva seg um tey heilt fáu, sum elva til trupulleikar, er tað spell.  Hon vísir eisini á, at bæði royndirnar hjá politinu, og tær kanningar, sum eru gjørdar, vísa, at tað eru ógvuliga fá blað­ ung, sum hava roynt rúsevni. Og hon heldur, at tað er at fegnast um. Hon ásannar kortini, at tá ið blaðung fólk kortini ganga úti um næturnar, er tað tí at foreldrini onkusvegna ikki klára at hava neyðugu ávbyrgd av børnunum. – Men vit skulu vera varin at lasta tey børnini fyri nakað, tí mangan liggur okkurt aftanfyri atburðin hjá hesum børn­um og ungum.   Og hon staðfestir somuleiðis, at hjá teim­um, sum koma illa fyri av rúsevnum, ella øðrum, er trupulleikin stórur, bæði hjá teim­um og teirra familjum. Og sjálvandi skulu tey, hjálpast. – Men tann hjálpin er ikki treytað av einum útigongubanni, sigur hon.  Hon vísir á, at vit hava barnaverdir og hennara varhugi er, at tær virka væl. Hon staðfestir samstundis, at øll, varnast, at eitt barn ella ein ungdómur, hevur trupulleikar, kunnu boða barna­ vernd­ini frá. – Tað er enntá so, at í roynd og veru hava vit øll skyldu at boða frá, tá ið vit varnast, at børn og ung ikki hava tað gott, ella vera forsømd. Men tá ið ung koma í óføri, er tað tí, at onkur vaksin ikki hevur fingið eyga á trupulleikan í nóg góðari tíð, ella hevur forsømt sína fráboðanarskyldu. – Eru vit stúrin um eitt barn, eiga vit at boða frá alt fyri eitt, tí tað, sum ger munin, er fyribyrging og aftur fyribyrging, sigur Mari­ann Reinert. Vit skulu ikki kóka suppu av einum trupulleika sum ikki er SPELL Tað hevði verið spell, skuldi alt kjakið nú farið at snúð seg um tey heilt fáu, sum trupulleikar standast av, heldur Mariann Reinert, politistur arbeiði, sum ymsir myndug­ leik­ar gera, hevur borið frukt. Á nógvum økjum er tað eisini eitt gott samstarv ímillum ymsar myndugleikar um hesi viðurskifti, eitt nú er SSP skipað til tað sama. Eitt gott dømi um hetta sam­ starvið er ”Sig frá” átakið hjá Almannamálaráðnum, sum er eitt miðvíst átak ímóti harðskapi, hevur givið gott úrslit. – Eg haldi at tað vísir seg at tað hevur sína ávirkan, at landsstýrið hevur eitt slíkt átak, tí yvirhøvur eru fólk nógv vorðin meiri tilvitað um harðskap. Mariann Reinert sigur, at eisini SSP hevur loftað »Sig Frá« átakinum, og eitt, tey gera, er at bjóða øllum níggjunda flokkum í landinum fyribygjandi undir­vísing um harðskap. Og hon sigur, at teir allar­ flestu skúlarnir taka av hesum tilboðnum. Sostatt fáa næstan allir næmingar í níggjunda flokki undir­vísing í tveir tímar um harðskap í víðastu merking. – Vit tosa við næmingar­ nar um, hvussu tey, sum eru fyri harðskapi, ella sum búgva í einum heimi við harðskap, føla tað. Og vit tosa um støðuna hjá teim­ um, ið fremja harðskap, og um annað mangt í hesum sam­bandi. Eitt eru so tað arbeiðið, sum myndugleikarnir gera, og tað arbeiðið, sjálvboðin gera í felagsskapum av ymsum slagi. Men Mariann Reinert heldur eisini, at tað er sumt, sum bendir á, at ungfólk sita meiri inni nú, enn tey gjørdu fyrr, og ein orsøk til tað, er at tey ungu brúka so nógva tí framman­ fyri telduni. –  Ein orsøk til fellandi ung­dóms­kriminalitet­in kann eisini vera, at tey ungu fáa nokk av spenningi á teldu­ni, heldur enn at ganga úti, og kanska gera ónáðir tí tey keða seg. – Tað eru nógv viðurskifti, sum tilsamans gera tað, at í roynd og veru er støðan eina­ standandi góð í Føroyum á hesum øki, sigur Mariann Reinert. Men hon heldur, at tað hevur stóran týdning, at vit ikki sláa okkum til tols við, at tølini fyri ungdómsharðskap eru so nógv fallin. Tí heldur hon, at tað hevur ómetaliga stóran týdning, at alt tað fyri­byrgjandi arbeiðið heldur fram. – Tað sigur seg sjálvt, at gevast vit at støvsuga táið tað er reint, verður tað skjótt rætti­liga støvut aftur, sigur Mari­ann Reinert. Í roynd og veru er støðan einastandandi góð í Føroyum EINASTANDANDI Samanumtikið er støðan einastandandi góð í Føroyum á hesum øki, og tað eiga vit at fegnast um, sigur Mariann Reinert, politistur