týsdagur 7. november 2017síða 20

Mikudagur 8. november 2017 · Nr. 130 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge Teit Jacobsen er 18 ára gamal, tá hann á fyrsta sinni venur við Sønderjyske, eftir skiftið frá HB. Hann hevur bara ver­ ið í felagnum í stutta tíð, tá hann vegna órógv í lær­krika­ num má hoppa úr venjing áðrenn tíð. Hann hevur í upp­vøkstri­ num í HB verið millum stinn­astu spælararnar í sínum árgangi. Hann er eisini ljóspunktið á HB- lið­num, sum hevur stór­ ar trupulleikar í fjør, men hendan dagin í Suður­dan­ mark er ongin náði. Hann fær eitt flagg í hondina og skal spæla linju­ verji seinastu minuttirnar av venjingini. Í bestu meining koyrir hann flaggið upp, tá hann heldur at bólturin hevur verið uttanfyri, men tað heldur liðskiparin Marc Peder­sen sum er kosin til harðasta spælaran í Super­ liguni, ikki. -Hann oysti banniorð eftir mær, tí hann metti ikki at bólturin var úti. Tað var næstan so, at eg ætlaði at siga at bólturin ikki var úti alíkavæl, greiðir Teit Jacob­ sen frá. Hann er í Føroyum í samband við at U21 lands­ liðið skal spæla móti Pól­landi fríggjadagin. Lagið er gott og havnarmaðurin er prátingar­ samur. Ein kaffi­kanna er komin á borðið, meðan Teit letur seg úr jakkanum. Hann er í tunnari gráari troyggju og hárið er væl greitt. U21 landsliðið skal ikki venja fyrr enn dagin eftir, so tað góð tíð at taka sær av løttum ein løtu. 11 harðir mánaðir Tað var ein stjørna í HB, sum fyri 11 mánaðum síðani valdi at skifta til Sønderjyske, men heitið sum stjørna, ella kom­ andi stjørna, fylgdi ikki við. Frá at verða at kalla fastur maður á besta liðnum, til at verða í útikantinum av hópinum. -Tú meinar nummar 29 í rekkjuni, sigur fryntligi U21 landsliðsspælarin og flennur. Hingartil hevur hann ikki verið nær við at vinna seg á lið­ið. -Hvørt flytingar­vind­ eygað eru einir tíggju spælar­ ar komnir og teir flestu við nógv royndum í Superliguni. Tá tað samstundis gongur illa, so er tað klárt at stór nøvn sum Simon Poulsen og Niki Zimling spæla, sigur Teit Jacobsen. Tað hevur verið ein koll­ velting fyri unga havnar­ mannin at kom til Sønder­ jyske, har spælararnir eru yrkisspælarar. Tað gong­ur skjótt til venjing og av­lever­ ingarnar eru væl harðari. Sam­stundis er minni pláss og tá verður ringt at halda upp á bóltin. -Eg eri komin niður sum ein ókendur spælari og má ar­beiða harðari enn hinir. Eg hevði ikki væntað at sloppi at spælt beinanvegin, men bara venjingarnar og dystir­ nir við eykaliðnum eru ein góð avbjóðing. Eri eg ikki upp til mítt besta, so eri eg ringasti maður á vøllinum, sigur Teit Jacobsen bersøgin um avbjóðingarnar í Sønder­ jyske. Felagið og venjarin lata væl at føroyska spælaranum, men hann verður ikki mett­ur at verða klárur til Super­liga­ fótbólt. -Tá tú hyggur í sjón­varpi­ num, sær Superligan ikki út til at verða á so høgum stigi, men tað er nakað annað tá tú ert partur av tí, sigur Teit Jacobsen, sum í dag er klárur yvir hvussu stórur munurin er á at spæla í Føroyum og Danmark. - Babba hevur altíð sagt við meg, at eg skal ikki verða nøgdur, men allatíð seta mær nýggj mál, sigur havnar­ maðurin. Hørð venjing Tað er stórur munur á venj­ ingar­mongindini í før­oysk­ um og donskum fótbólti. Tað er ein av niðurstøðunum hjá Teit Jacobsen, sum var aftur­ úr, sjálvt um hann hevði fyri­ reikað seg kropsliga til skift­ ið. -Eg royndi at fyrireika meg upp á skiftið, men tað ber bara ikki til. Teir vóru nógv betri. Eg var trimmaður, men teir eru trimmaðir og sterk­ir samstundis, sigur orku­ríki vongurin og leggur afturat, at bulvenjing, eisini rópt “core”venjing, er lykilin til at sleppa undan skaðum. Tí verður eisini nógv lagt fyri við millum annað búk­ øvils­um. - Hvønn dag er tað 15 minutt­ir corevenjing, og tað er bara áðrenn vit byrja at venja. Eina ferð fór eg í styrki­rúmi at venja búkin, heldur enn at eta. Tað skuldi eg ikki havt gjørt, tí aftaná skuldu vit allir í styrkirúmið at venja búk. Tá orkaði eg so illa, at venjarin kom og spurdi hvat var galið, greiðir Teit Jacobsen skemtiliga frá. Venjingarmentanin er eisini øðrvísi, tá tað kemur til skadd­ar spælarar. Í Føroyum sleppa skaddir spælarar mang­an at verða heima, men so er ikki í Sønderjyske. Tað fekk ungi havnarmaðurin at føla eina dagin til venjingar­ legu í Spania. -Eftir venjing skulu vit skriva eitt tal millum 1 og 10, alt eftir hvussu hørð vit halda at venjingin hevur verið. Tann dagin skrivaði eg 10. Eg havi aldrin roynt nakað líknandi, sigur Teit Jacob­sen, sum skuldi venja persónliga venjing, tí hann ikki var førur fyri at venja saman við spælarunum. Hann greiðir eisini frá renni­ngum, sum spælararnir skulu ígjøgnum til summar venjingar. Tær eru so harðar, at tú blívur næstan troyttur bara av at hoyra krøvini. Familjurnar Teit Jacobsen er takksamur Teit Jacobsen í Sønderjyske: -Eri eg ikki upp til mítt besta, so eri eg ringasti maður á vøllinum, sigur Teit Jacobsen, sum fyri 11 mánaðum síðani skifti frá HB til Sønderjyske. Hann er ikki sloppin framat og er hvestur av mótgangi og harðari venjing, men 19 ára gamli havnarmaðurin ger seg til reiðar at taka av, tá møguleikin kemur FAKTA: Navn: Teit Jacobsen Føddur: 16. mars 1998 Foreldur: Niels Pauli og Anja Jacobsen Ítróttur: Fótbóltur Felag: Sønderjyske, besta deildin í Danmark Komandi uppgáva: U21 landsdystur móti Póllandi fríggjadagin á Tórsvølli Yrkisleið: Barndómsfelag: HB 2014-2017: HB 2017- Sønderjyske U21 landsdystir: 10 (Faroesoccer.com) U landsdystir til samans: 36 (Faroesoccer.com) 11 MÁNAÐIR Í MÓTGONGD