týsdagur 7. november 2017síða 22

Mikudagur 8. november 2017 · Nr. 130 22 Sosialurin Hugskot og viðmerkingar – send sms til 225000 FÓTBÓLTUR U21 landsliðið: Teit um U21 landsliðið: Tað er eisini sum ein familja. Fleiri av okkum hava verið á liðnum síðani U15 landsliðið. Tað er sum eitt heilt skiftirúm fyri seg sjálvan. Eg haldi eisini vit hava eitt genialt lið við góðum spælarum á øllum plássum. Teit um fýrkleyvarin í álopinum: (Jákup Thomsen, Jóannes Bjartalíð, Meinhard E. Olsen og Teit Jacobsen) Teir eru allir dugnaligir spælarar. Jákup Thomsen er ein máslúkur, Meinhard E. Olsen er sterkur skjótur og torir, meðan Jóannes Bjartalíð er sterkur við sínum vendingum í millumrúminum. Vit rigga væl saman. Kanska vit eisini klára at fáa mál móti Póllandi, men eg haldi at vit hava klassa spælarar í øll rekkjunum á liðnum. Teit um eyðmýkjandi tapið fyri Danmark á Tórsvølli: Vit tordu ikki at spæla og tað føldist sum vit taptu 10-0, hóast vit bara taptu 3-0. Vit vóru fyrireikaðir, men tað riggaði bara ikki. Tað er týdningarmikið at vit tora. Gera vit ikki tað, so tapa vit. Tú kanst renna sum tú vilt, men torir tú ikki at halda upp á bóltin, so nyttar einki. Teit um sjálvmálið móti Georgia: Eg hugaði, at nú havi eg lova teimum í dystin aftur. Eg var bangin fyri, at tað fór at liggja í bakhøvdinum hjá mær allan dystin, men eg kláraði at blokka tað úr høvdinum. Eg havi eisini hoyrt fyri tað síðani og tað skal eg sikkurt eisini, tá vit møtast nú, men til mín verju, so vil eg siga at Bartal Wardum kundi sagt okkurt áðrenn. Teit um tey fýra stigini, sum U21 landsliðið hevur fingið: Tey fýra stigini eru góð, men tað er serliga mátin vit fáa stigini, sum er góður. Vit hava møguleikar móti Finnlandi, meðan vit móti Georgia eru kyniskir. Teit um HB: Eg hyggi eftir HB hvørja ferð og tosi javnan við vinmannin Bartal Wardum, um hvat hann hevur gjørt og so víðari. Móti KÍ á ólavsøku hevði eg gjarna vilja sloppið at spælt – um so bara ein dyst. Teit um venjaran í Sønderjyske, Claus Nørgaard: Hann er ein fittur maður við einum løttum lyndi. Hann og Henrik Hansen, hjálparvenjarin, hava verið skiljandi fyri míni støðu. Hann passar væl inn í Sønderjyska DNA’ið, sum er at arbeiða hart. Teit um tað var rætt at skifta til Sønderjyske: Ja, tað var rætt at fara avstað. Brøndby vóru áhugaðir á sinni, men babba hevur ikki hildið at eg havi verið klárur. Eg angri tað ikki, sjálvt um tað kann verða einsligt, men hetta er tað eg havi droymt um. Teit um bótakassan: Eg betali nógv, tí eg gloymi jakkan, ella at pumpa bóltar og leggja gps’arin upp á pláss og so víðari. Eri so sløvur, at eg havi mist fýra dunkar vekk og tað kostar 50 krónur fyri hvønn. Eg havi tó ein mistanka um, at teir arbeiða upp á meg. Teit um størstu rokningina: Eg fekk eina rokning upp á 1.300 krónur fyri at hava tapt í Partners. Her er tað ikki hygg, tí tað snýr seg um at vinna. Eg vinni heldur ikki í borðtennis, men í FIFA eri eg góður og eri á pluss. Tað er eisini munur á rokningum her og í HB. Í HB fóru vit at grilla, meðan vit her fóru til Barcelona. Sønderjyske: fær bara grind og seyð tveitt í høvdið. -Sønderjyske hevur ikki so nógvar landsliðsspælarar, so har eru summir, ið spyrja hvussu tað er, men teir halda also at eg etið grind og sjeyð hvønn einasta dag. Tað fái eg at vita hvønn dag, sigur Teir Jacobsen um at vera føroyingur í einum Super­ ligafelagi. Komi ikki aftur til Føroya Á ólavsøku í ár hevur Teit Jacob­sen tað ringt. HB og KÍ spæla fyri fullum húsi í Gunda­dali, og tað er næstan einki, ið orkuríki vongurin held­ur vil, enn at verða á vølli­num í reyðu og svørtu troyggju­ni. -Eg fylgi væl við í HB og hyggja eftir øllum dystunum, sum eg kann. Tann dagin hevði eg gjarna vilja spælt við HB, sigur Teit Jacobsen, sum tó hevur tikið eina av­ gerð um, at so verður ikki. - Tað er ringt at venja seg við, at daman og vin­ mennin­ir eru í Føroyum, men eg fái nakað, sum fá slep­pa at uppliva. So eg vil held­ur hava tað 80 prosent gott í sosiala lívinum og liva dreym­in, enn slett ikki at fylgja dreyminum, sigur U21 lands­liðs­spælarin. Tað ljóðaði í summar, at HB ynskti at leiga Teit Jacob­ sen fyri seinnu hálvu, men Sønderjyske vildi ikki. -Tað síggi eg sum nakað positivt, tí tað merkir at teir síggja okkurt í mær. Tú skal aldrin siga aldrin. Um eg ikki fái sáttmála í framtíðini, kundi eg kanska funnið upp á at komi heim at venda, men eg havi fyrireikað meg upp á at búgva uttanlands í eini 15 ár, sigur Teit Jacobsen av­ gjørdur á málinum. Eitt mál á gangin Hóast tað hava verið 11 mán­ aðir av mótgangi og Teit er nummar 29 í røðini, sum hann sjálvur tekur til, so ætlar hann ikki at geva upp. - Eg elski tað eg eri geri. Vón­andi røkkur tað so langt sum eg vil, men um eg ikki venji hundrað prosent, so er tað ein annar, ið yvirhálar teg. Eg er stoltur av, at eg eri komin hertil og livi dreymin, men eg vil ikki hava hatta nøgdsemi. Eg vil heldur seta mær nýggj mál, sigur Teit Jacob­sen, sum er sinnaður at venja hart fyri at koma víðari. -Eg føli eisini eina plikt fyri mær sjálvum, at eg má gera hetta ordiligt, tí hetta er tað eg vil. Tú leggur merki til, at tað eru tey smáu tingi, sum gera munin í longdini, sigur Teit Jacobsen. Fartelefonin ringir. Tað er ein vinmaður, sum vil sleppa at heilsa uppá. Í ein dag er Teit Jacobsen bara ein vanligur drongur, men í morgin er hann aftur yrkis­ spælari. Ein yrkis­spælari, sum er til reiðar at elta lívs­ dreymin. trondur@sosialurin.fo