hósdagur 16. november 2017síða 4

FRÍGGJADAGUR 17. NOVEMBER 2017 SOSIALURIN 134 4 Heystið er farið at halla og vit koma inn í sjálvan veturin. Hetta verður ofta nevnt sum tann hugnaliga árstíðin, tá ið vit hugna okkum innanveggja. Men hetta er eisini tíðin, tá ið tað gerst meira trupult at ferðast á landsvegnum millum bygdir. Tað er myrkt, nógv regn og so kemur kavin. Tíbetur eru viðurskiftini mun­andi betri nú á vegunum enn fyri nøkrum árum síðani, men ferðsl­an er eisini økt ómetaliga nógv. Í megin­økinum eru halarnir av bil­um óendaliga langar morgun og kvøld. Tað er stuttligt at leggja til merk­is, hvussu hettar ávirkar okk­ara atferð í ferðsluni. Meðani tað fyrr var vanligt at síggja skila­leys­ar yvirhálingar, tá ið koyrt var mill­um bygdir, er hetta bert hend­inga sjón i dag. Tá ið tað hendir, so er tað sum oftast tí ein “bilist med blød hat” hev­ur lagt seg fremst og heldur eina ferð, sum er væl undir ferð­markið uppá 80 kilometrar um tíman. Nøkur hava heldur tungt høgra­bein og koyra ov skjótt. Tað er sjálvandi rætt, at løgreglan roynir at formana okkum og geva bøtur fyri og ov høga ferð, men tað rætta hevði sjálvandi verið eisini at revsa tey, sum halda ferðini und­ir há­mark­inum og elva til vanda­mikl­ar støð­ur í ferðsluni. Sum nevnt eru vit inni í myrku tíðini við hálum vegum. Hesar umstøðurnar krevja av okkum sum koyra, at vit tryggja okk­um at ljósini á bilinum eru sum tey skulu vera. At perurnar lýsa og at høvuðsljósini eru rætt stillað. Tað er eisini okkara ábyrgd, at bil­urin er rætt skøddur, tá ið vit koyra í hálku. Í dag er tað ikki so vanligt at brúka píkadekk, sum tað var fyrr. Nú eru vetrardekk og lameldekk so góð, at tey kunnu brúkast í øllum vanligum førum. Landsverk passar vegirnar væl og er vandi fyri, at hált verður, so verða saltvognarnir sendir út um landið at forða fyri, at hálkan darv­ar ferðsluni. Eitt annað, sum eisini er broytt, er, at vit nú nógvastaðni sleppa und­an at fara niðan í fjøllini. Vit hava fingið tunnlar, sum lætta so ómetaliga nógv um, um veturin. Veit væl, at enn fáa ikki øll gagn av hesum, men vónandi kemur tað við tíðini. Haldi sjálvur, at størsta bragdið av hesum slag er Kaldbakstunnilin. At hugsa sær, at øll ferðslan í dag skuldi fari eftir oyggj. Ein næstan ómøguligur tanki. Sjálvt um vindurin kann vera nógv­ ur framvið Kaldbaksfirði, so er tað tað reina spæl í mun til veð­ur­líkindini á Oyggjarvegnum. Støðan var, at har var vindur, regn, ísur, kav ella mjrøki - jai,ofta møttu vit øllum hesum á ferðini úr Havn í Kollfjarðardal. Jú, myrka tíðin kann vera huganlig við góðum mati, drekka og kortspæli ella dansi, men vit mugu alla tíðina hugsa um, at nøk­ur noyðast hvønn dag út á landa­vegirnar fyri at passa ger­andis­ dagin. Við skilagóðum atburði í ferðsl­uni – serliga tá ið líkindini eru vána­lig – so eru vit við til at gera vet­urin eitt sindur hugnaligari – eis­ini hjá teimum. Ája! Vikan ið fór Sæð á Facebook: Tað er bara 38 dagar til jólaaftan og ánið ikki hvat eg skal keypa mær í jólagávu. Javnaðarflokkurin er farin í tvíningar í fiskivinnumálinum. Óvist er framvegis, hvørja lagnu samgongan fær. Verkfallið hjá sjúkrarøktar­ frøðingunum varð hert hesa vikuna, men hósdagin settist partarnar aftur við samráðingar­borðið. Bogi Andreasen, býráðslimur vísir á, at fleiri stórar fyritøku, sum reka ferðamannaskip, velja Føroyar frá orsaka av grindadrápi. Ein maðurin varð dømdur 60 dagar treytaða fongsuls­ revsing í Føroya rætti fyri at hava verið harðligur við damuna. Miðnámsskúla næmingar hava fingið fleiri hundrað krónur í eykarokning fyri at nýta tilfar frá Fjølrit. Nýskipan MEST NÝTTA ORÐIÐ HESA VIKUNA ...uppá ein minutt familjur mugu fáa ískoyti fyri at fáa endarnar at røkka saman 300 Enn einaferð verður nógv tosað um nýskipanir í føroyska samfelagnum. Tað verið seg bæði fiskivinnunýskipan og pensjónsnýskipan, sum hava verði til umrøður í vikuni. FRÍGGJADAGUR LEYGARDAGUR SUNNUDAGUR Strúkur í vindi upp í skrið av vestri og útnyrðingi, 13 til 18 m/s. Um náttina lækkar hann í ein útnyrðing og øtlar vindin nakað, í støðum upp í 20 m/s. Yvirhøvur skýggjað og nógv æl, møguliga vátaslettingur ella kavi. Hitin millum 1 og 5 stig.   Gul til stívt andøvsgul av norðri, 5 til 10 m/s, sum lækkar í ein landnyrðing og makar nakað. Sólglottar og yvirhøvur turt. Hitin millum 2 og 5 stig, um náttina í støðum niður í frostmarkið. Hann makar vindin í stívt andøvsgul upp í hvassan vind av útnyrðingi og norðri, 10 til 15 m/s, um náttina makar hann vindin í gul til stívt andøvsgul, 5 til 10 m/s. Samdrigið og ælaveður, møguliga vátaslettingur ella kavi. Hitin millum 1 og 6 stig. 13-18 m/s 5-10 m/s 10-15 m/s Um orðið sigur Sprotin Nýskipan e-t ið er el. verður skipað av nýggjum, skipan av nýggjum, nýskipan av skúlanum Visti tú? - at 10 nýggir filmar nú fáa stuðul? Tað næsta verður, at Aksel ikki kann taka undir við Javnaðarflokkinum Árni Gregersen, journalistur, skrivar Ája!