mánadagur 20. november 2017síða 23

23 Mánadagur 6. januar 2014 · Nr. 2 Sosialurin Mánadagur 20. november 2017 · Nr. 135 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... André Olsen Fyri fyrstu ferð nakrantíð var Burn Showdown um viku­skiftið roynt í høllini á Hálsi, har fleiri ymiskar kapp­ingar vóru á skránni fríggja­kvøldið, leygardagin og leygarkvøldið. Jákup Súni Berg, ið eigur fyri­tøkuna Burn, og sum var høvuðs­ fyri­skipari av til­takinum, sigur, at tey eru ógvuliga væl nøgd við tiltakið. Eisini hava aftur­meldingarnar verið góðar – bæði frá áskoðarum og íðkandi. -Vit eru øgiliga væl nøgd við tiltakið. Alt riggaði væl. Har vóru nógvir áskoðarar – bæði ljós og ljóð viðurskifti vóru í topp, og scenan var góð. Eisini var tað gleðiligt at so stórur spenningur var í fleiri av kappingunum. Eg havi eisini bara fingið góðar aftur­meldingar higartil – bæði frá áskoðarum og teim­ um íðkandi, so tað fløvar sjálvandi at hoyra, sigur Jákup Súni Berg. Útgerð í heimsflokki Jákup Súni Berg sigur, at stórur dentur hjá fyri­skipar­ unum hevur verið lagdur á, at útgerðin skal vera í heims­ flokki. -Tað er eingin ivi um at útgerðin sum kappast var í til tiltakið var í heimsflokki, og harafturat vóru eisini IBF góðkendir dómarar til allar kappingarnar. So vit hava lagt stóran dent á at gjørt tiltakið orduligt, sigur Jákup Súni Berg. Kundi tonkt sær at sloppið fyrr inn Sum heild riggaði alt í høllini væl til alt tiltakið. Tað einasta, ið ikki helt í mun til skránna var tíðin leygar­ dagin, sum var eitt lítið vet aftanfyri skránna. Tó gekk tað ikki útyvir seinna partin av leygardegnum, tí ein pausa frá 17:00 til 19:00 leygar­kvøldið bjargaði tí. -Vit vóru eitt sindur aftan­ fyri tíð leygardagin, men tað var bjargað við eini pausu sum var løgd í skránna. Tí gekk tað ikki útyvir seinna partin av degnum. Og eg haldi ikki at nakar keddi seg, hóast tíðin eitt skifti leygar­dagin var eitt sindur aftan­fyri. Áskoðararnir vóru undirhildnir alla tíðina, tí ymiskar kappingar vóru á skránni. Tað einasta, ið eg kundi tonkt mær eitt sindur øðrvísi til komandi ár, er kanska at vit sleppa inn í høll­ina at fyrireika ein dag fyrr, sigur Jákup Súni Berg. Dato er sett á til komandi ár Jákup Súni Berg váttar eisini, at Burn Showdown aftur fer at vera í 2018, og at dato longu er sett á tiltakið. Hann vænt­ar at tiltakið komandi ár kann verða uppaftur stør­ ri. -Ja, tiltakið verður aftur komandi ár, og dato er longu sett á. Tiltakið verður 16 og 17 nov 2018. Vit eru longu nú farin í gongd við fyri­ reikingarnar, og vit ætla at fáa stór nøvn heim. Eisini vænti eg at tað verður lættari at gera tiltakið uppaftur størri komandi ár, tí tá vera tað tvær hallir at kappast í, umframt at vit fáa brúkt royndirnar frá í ár, sigur Jákup Súni Berg at enda. andre@sosialurin.fo Burn Showdown á altjóða stigi Jákup Súni Berg, ið er høvuðsfyriskipari av stóra Burn Showdown tiltakinum, sum hevur verið um vikuskiftið, váttar at Burn Showdown aftur verður komandi ár, og at tiltakið fer at vera minst líka stórt BURN SHOWDOWN VERÐUR AFTUR KOMANDI ÁR Tú skal skal næstan hava búð undir einum steini, fyri at vita at Burn Showdown hevur verið um vikuskiftið. 14 kappingar undir einum taki upp á eitt vikuskiftið við bæði føroyskum og útlendskum luttakarum. Tað hevur eisini givið ljóð úti í okkara lítla samfelag. Fleiri av hesum kappingunum hava verið hvør sær fyrr, meðan okkurt ongantíð hevur verið í Føroyum fyrr. Tí er tað hugaligt, at fyriskiparnir hava klárað at skapt ein pall, har øll kunnu verða við í einum og sama tiltaki. Tað er allar æru vert, at fyriskiparnir eru farnir í holt við eina so stóra verkætlan. Høvðusfyriskiparin, Jákup Súni Berg, hevur sagt við Sosialin, at hann hevur eitt mál um at hendan kappingin skal verða eitt tað fyrsta, sum luttakararnir skriva í kalendar, tá árið byrjar. Eg tosaði við fleiri av luttakarunum og afturgangandi var, at tey kundu hugsað sær at komi aftur næsta ár. Tað gevur eisini ein serligan dám, at tað eru so nógvar ymiskar kappingar og tí møtast eisini fólk úr ymiskum pørtum av heiminum og yvir ymiskar ítróttargreinar. Tað eru fleiri smálutir, sum kunnu gerast væl betri til komandi ár, men sum heild er talan um eitt framúr stórt og flott tiltak, ið heilt víst kann bílva ein fastur partur av ítróttarmyndini í Føroyar, men eisini í altjóða myndini. Fleiri av ítróttargreinunum hava stórar ætlanir fyri framtíðina.