hósdagur 23. november 2017síða 8

FRÍGGJADAGUR 24. NOVEMBER 2017 SOSIALURIN 137 8 broyt­ingin í sjúkrahúsverkinum hevur verið stór hesi árini. Tá hann byrj­aði, varð játtanin samansett á ein annan hátt, og hann heldur, at alt ov lítið av peningi er settur av til rakstur av sjúkrahúsunum, og tí eru nógvir av bygningunum í ring­ um standi. Hann saknar, at politikkarar seta seg inn í hvørjir tørvir eru, tí teir vita ikki altíð, hvørjir trupulleikar eru á staðnum. – Høvdu politikkarar verið á Landssjúkrahúsinum og hugt, so lysti meg at sjá, um bygningarnir vóru so illa farnir, sum teir eru í dag, sigur hann. Hann heldur tó eisini, at man á Landssjúkrahúsinum skal grípa í egnan barm og viðurkenna, at mis­tøk til tíðir hava verið framd. Eitt av hesum mistøkunum er, at Lands­sjúkrahúsið hevur brúkt pen­ing til ov nógvar sergreinar. – Tað er nakað tvætl, tí vit hava simpul­ten ikki fólkagrundarlag fyri at hava allar heimsins ser­ grein­ar í Føroyum við 50.000 menn­iskj­um, sigur hann. Hann heldur, at betri hevði verið um gynekologi, røntgen og hjartaøkið vórðu ordiliga mannaði við fleiri serlæknum, áðrenn fleiri læknar vórðu serútbúnir á øðrum økjum – Í dag skal man hava sergreinar í øllum, men ongi øki eru ordiliga dekkaði. Tí faa vit heldur ikki fleiri læknar heim, tí arbeiðsbyrðan verður ov stór. Tann feilin skal Lands­sjúkrahúsið eisini taka uppá sín nakka, sigur hann. Verkfallið hjá sjúkra­ røkt­ar­frøð­ing­unum Ronnie Midjord hevur upplivað fleiri verkføll hesi næstan 45 ár­ini, hann hevur starvast í sjúkra­hús­ verk­inum. –Í 1988 varðaði eitt verkfall í hálvan triðja mánað, og tá mátti eg bæði koyra sjúkrabil og tøma ruskíløt á Suðuroyar sjúkrahúsi, sigur hann. Sjúkrarøktafrøðingarnir hava júst verið í verkfalli í 17 dagar, og í vikuni varð nýggjur sáttmáli und­ ir­skrivaður úti í Tinganesi. Hetta verkfallið, sum júst er av, byrj­aði í smáum, og í fyrstuni kendi Ronnie seg tryggan, tí bert narkosu­sjúkra­ røktarfrøðingarnir fóru í verk­fall. Síðani varð verkfallið víðkað, og bert ein medisinsk deild og ein skurð­deild vóru opnar á Lands­ sjúkra­húsinum. Hetta var gamla skurð­deildin við skrá­veggj­um oman­fyri føði­deild­ina. – Tá eg kom oman har, stóðu nakr­ar sengur á gongini, og tað sá óforsvarligt út. Eg ringdi til brunar­ umsjónina, tí eg vildi vita, um hetta var trygt, tí har var so smalt, at tað ikki bar til at evakuera, skuldi eldur komið í. Brunarumsjónin helt ikki at hetta var forsvarligt, og tí vórðu sjúklingar fluttir og bert ein var eftir á A3, sigur Ronnie Midjord frá um pressaðu støðuna seinastu vik­ur­nar. Føroyskir sjúklingar lógu eis­ ini á Ríkissjúkrahúsinum, sum vildi fáa teir aftur til Føroya. Sam­ stundis endaði tað við, at Klaks­vík­ ar sjúkrahús eisini lukkaði, og tá var press frá øllum síðum, greiðir hann frá. –Tá so boðini komu at lukka skurðdeildin, og taka allar sjúkra­ røkt­arfrøðingar í verkfall, trysti eg á reyða knøttin og segði, at nú kann man ikki taka ábyrgd fyri, at Lands­sjúkrahúsið er trygt hjá sjúkl­ing­um longur, staðfestir Ronnie Midjord. Leygarkvøldið varð boðað frá, at frá týsmorgni skuldu allir sjúkra­ røkt­arfrøðingar takast í verkfall, og hann greiðir frá, at hann ikki fær ímynda sær, hvat hevði hent, um semja ikki varð funnin millum part­ar­nar manadagin. –Eg hevði væntað at politiska syst­emið fór at traðka til, men sum tíðin leið og klokkan varð 18 mánakvøldið, hugsaði eg, um politiska systemið mundi vera kollapsað, sigur hann. Á Landssjúkrahúsinum varð ein ætlan gjørd um, at læknarnir skuldu ringja til avvarandi, og fáa tey at koma inn at hjálpa við at passa sjúkl­ing­arnar. Ætlanin var ein ella tveir tímar frá at verða sett í verk, tí ikki kundi bíðast til morgunin eftir, tá Lands­ sjúkrahúsið hevði verið tómt, greið­ir hann frá. Landssjúkrahúsið hevur spart á leið 1, 3 milliónir í lønarútreiðslum, ímeð­an sjúkrarøktarfrøðingarnir hava verið í verkfalli. Nýggi sáttmálin hevur tó við sær, at kostnaðurin í løn­um hækkar frá 1. oktober at rokna, men Ronnie Midjord veit enn ikki, hvussu nógv tað verður. Ikki søkt starvið Tá fyrrverandi sjúkrahússtjórin Johnny í Grótinum segði seg úr starvi í mai mánaði í ár, so dró tað út við at lýsa starvið leyst, og tá 1. september kom, varð onki starv lýst leyst. – Eg varð spurdur av aðal­stjór­ an­um, um eg vildi bjóða meg fram, men eg segði nei. Eg segði teimum tó, at varð eg biðin, og leiðslan vil hava meg at koma at hjálpa til inntil starvið er sett, so skuldi eg koma norð, stað­fest­ir hann, og leggur afturat, at hann setti ta treyt, at starvið varð lýst leyst. –Tað skal ikki forhálast, bara tí at eg eri komin norð, tí so kann eg skjótt fangast á skeiva beini, tí tað var ikki tað, sum eg ætlaði, sigur hann. Tað hevur verið stór út­skift­ ing í stjórasessinum á Lands­ sjúkra­hús­inum, og teir stjóranir, ið hava sitið har, hava ikki sitið í langa tíð. Ronnie Midjord sigur, at tað er eitt komplekst arbeiði, sum krevur, at ein hevur royndir innan sjúkrahúsverkið. – Hetta er komplekst, og ikki nakað, sum tú skjótt kanst seta teg í. Hevur man ikki royndirnar, møtir ósemj­um og manglar pengar, so trúgvi eg, at man roynir at sleppa sær burtur, heldur enn at koyra seg í sekk, sigur hann. – Tað er ongin loyna, at tað hevur verið snakkað negativt um Lands­sjúkra­húsið, og tað hevur verið við til at leggja trýst á leiðsluna. Fakbólkar vilja gera vart við seg og vísa, at vit ikki kunnu vera tey fyri uttan. Eg haldi tó, at í sjúkrahúsverkinum kunnu vit ikki vera nakran fakbólk fyri uttan, tí vit hava tørv á øllum, og ikki bert læknum og sjúkrarøktarfrøðingum, sigur hann til endans. PERSÓNSØGA “Eg havi eina keðiligheit, tí eg kann øsa meg skjótt upp, men eg eri líka skjótt niðri á gólvinum aftur. Tað er mín persónligheit, og onkur heldur í einum orðaskifti, at eg eri illur, men tað eri eg als ikki, tí tað liggur ikki so nógv aftanfyri”