mánadagur 27. november 2017síða 13

13 Mánadagur 6. januar 2014 · Nr. 2 Sosialurin Mánadagur 27. november 2017 · Nr. 138 Hugskot og viðmerkingar – send sms til 225000 STUTTSØGD Pætur Albinus BOGASKJÓTING Um vikuskiftið skipaði boga­skjóti­ felagið Tambar fyri kappingum í Havn. Leygardagin skutu børn og ung 12 metrar, og sunnudagin skutu tey vaksnu 18 metrar. Hjá teim­um ungu vann Baldur Unason finaluna 6-0 ímóti Regini Lützen. Hjá teimum vaksnu í compound vann Nikkel Petersen finaluna 147-140 ímóti Anju Eydnudóttir, og í recurve var tað Oddmar Nielsen, ið vann finaluna 6-4 ímóti Jastrid M. Jensen. Næsta kapping verður vikuskiftið 9. og 10. desembur í høllini hjá Vágaskot í Miðvági. FIMLEIKUR 13 ára gamli Askur Holm Magnason varnn í gjár gull í lopi um hest í DM í amboðsfimleiki. Hann fekk karakterin 14,3, sum er heili 0,9 stig hægri enn silvurvinnarin. Umframt gull í lopi um hest, fekk Askur bronsu í beinsveiggj og í eini nýggjari kapping, so­ nevndum spesialelementi. Hann var einans 0,3 stig frá at vinna bronsu í gólv-kappingini. Fyri tveimum vikum síðani luttók hann í DM í amboðsfimleiki fyri lið og tá vunnu hann og Greve Gymnastik, sum hann umboðar, silvur. Askur Holm Magnason er fleir­fald­aður føroyameistari í amboðs­fimleiki í sínum aldurs­ bólki, og fekk fyrr í ár eitt fimta pláss í Norðurlandameistara­kapp­ ingini í lopi yvir hest. Hann er før­ oyskur landsliðsfimleikari og hevur fyrr eisini vunnið suðurenska­ meistarheitið fyri lið umboðandi Torbay Olympic Gymnastics úr lands­lutinum Devon. FLOGBÓLTUR Tað var toppdystur í meistara­ deildini hjá monnum leygardagin, har Fleyr, sum var á øðrum plássi, var á vitjan í Klaksvík hjá odda­ liðnum, Mjølnir. Mjølnir vann tey bæði fyrstu settini 25-14, 25-19 og stýrdi ímóti einum tryggum sigri, men Fleyr kúgvendi dystinum og vann tey bæði næstu settini 25-22 og 32-30. Í fjórða setti hevði Mjølnir nakrar dystarbóltar. Fimta og avgerandi sett gjørdist ein sannur gysari, har liðini bæði høvdu eina rúgvu av dystarbóltum. Tað endaði við at koppa til Mjølnir, sum vann avgerandi settið 24-22 og harvið marathon-dystin, ið vardi yvir tveir tímar, við úrslitinum 3-2. Mjølnir økti harvið um leiðsluna í meistaradeildini, har teir nú eru seks stig framanfyri Fleyr. Teir hava 17 stig, meðan Fleyr hevur 11 stig. Fleyr er fyribils nýtt oddalið í meistaradeildini hjá kvinnum, har tær í gjár vunnu greiðan 3-0-sigur á útivølli ímóti SÍ. Settúrslitini vóru 25-20, 25-20, 29-27. Fleyr er nú eitt stig frammanfyri Mjølnir, sum tó hevur spælt ein dyst færri. TB fekk kærkomin stig á kontuna, tá ið tær leygardagin fingu vitjan av botnliðnum í meistaradeildini hjá kvinnum, nevniliga Drátti. TB-sigurin var sannførandi 3-0. Settúrslitini vóru 25-18, 25-21, 25-23. Hetta vóru seinastu dystirnir í ár, og næsta umfar í landskappingini verður spælt 14. og 15. januar næsta ár. HONDBÓLTUR Áki Egilsnes átti aftur týðandi leiklut, tá ið KA Akureyri leygar­ dagin vann níggjunda sigurin út av níggju møguligum í næstbestu íslendsku deildini. Mótstøðuliðið hesaferð var Valur U. Valur, sum var á heimavølli, var á odda 12-9 í hálvleikssteðginum, men KA fekk vent gongdini í seinna hálvleiki og vann dystin 25-23. Áki Egilsnes skeyt seks av málunum, og føroyski høgri bakkurin er nú toppskjútti hjá KA við 39 málum. Nevnast skal, at hann vegna skaða í hondini einans hevur spælt við í fimm dystum. Helgi H. Hoydal skeyt eitt mál, tá ið Odder fríggjadagin spældi 26-26-javnleik á útivølli ímóti Lemvig-Thyborøn í næstbestu donsku deildini. Jónas G. Djurhuus skeyt tvey mál í 22-21-tapi ímóti Ajax København, og Rói Berg Han­ sen skeyt somuleiðis tvey mál, tá ið hann og liðfelagarnir í FIF fingu ársins fyrsta sigur við 27-24-sigri ímóti Frederikshavn FI. TMS Ring­sted er oddalið við 18 stigum, Randers HH hevur 17 stig og Odder við Helga H. Hoydal á liðnum er nummar trý við 16 stigum. KURVABÓLTUR Dystur var leygardagin í Trygd- kapp­ingini millum Hamar 1 úr Havn og Háv úr Klaksvík. Dysturin var tættur gjøgnum allan dystin, og var tað ikki fyrr enn ímóti endanum, at Hamar slapp framum Háv og kláraði at halda leiðsluna teir seinastu minuttirnar. Hávur kom væl frá byrjan, og tað sást, at teir ikki vóru komnir til Havnar fyri at tapa. Hávur fór skjótt framum og kláraði at fáa eina leiðslu uppá sjey stig, so fyrsti fjórðingur endaði 10- 17 til Háv. Í øðrum fjórðingi vóru tað leikarnir í Hamar, ið bardust fyri at fanga Háv aftur, og tá farið var til hálvleiks, vóru teir einast aftanfyri við trimum stigum. Í triðja fjórðingi vóru tað bæði liðini, ið skiftust um at vera frammanfyri. Fyrst Hamar, síðani Hávur, so aftur Hamar, so Hávur, og at enda fór Hamar framum við fýra stigum. Her var tað serliga Kristian Jakobsen við átta stigum í fjórðinginum, ið hjálpti at fáa Hamar framum. Fjórði fjórðingur var eins spennandi sum triði, og tað stóð longi á jøvnum, men endin var, at Hamar kom framum og endaði dysturin 47- 43 til Hamar. Toppskjútti hjá Hamar var Kristian Jakobsen, ið fekk 16 stig, og toppskjútti hjá Hávi var leikandi venjarin, Rainer Latupeirissa, ið eisini fekk 16 stig. Komandi vikuskifti verður aftur dystur á skránni, tá Hamar 2 tekur ímóti føroyameistarunum úr Ravni av Toftum. TALV 32 ára gamli stórmeistarin Nikita Maiorov úr Hvítarusslandi vann sannførandi aðru altjóða almennu talvkappingina í Runavík, sum endaði í gjár. Javnleikur í gjár móti russiska spaniólanum Oleg Korneev tryggjaði Maiorov sigurin í Runavík Open 2017. Maiorov endaði einsamallur á odda við 7½ stigi fyri níggju umfør - eitt heilt stig frammanfyri fýra aðrar, sum gjørdust javnir á øðrum plássi. Maiorov var ósigraður í Runavík; vann seks talv og telvaði trý jøvn. Maiorov gongur tjúgu ratingstig fram eftir góða úrslitið í Føroyum, og vinnur seg upp á styrkitalið 2540 - tíggju stig lægri enn Helgi Dam Ziska. Hvítarussland er sum øll onnur lond, ið sprottin eru úr fyrrverandi Sovjettsamveldinum, eitt land við sterkari talvsiðvenju. Nikita Maiorov er í løtuni nummar níggju í yvirlitinum yvir bestu telvarar í heimlandinum, og hevur tí ikki umboðað Hvítarussland á nakrari talvolympiadu. Javnir á øðrum plássi í Runavík gjørdust Srinathan Narayanan úr India, Oleg Korneev úr Spania, Igor Khenkin úr Týsklandi, Yi Xu úr Kina og tann einans 13 ára gamli Sarin Nihal úr India. Eingin av føroysku telvarunum gjørdi nakran vørr í Runavík Open. Yvirhøvur vóru úrslitini soleiðis, sum væntandi var. Tað er næstan undranarsamt, hvussu gott samsvar var millum úrslit og styrkismeting. Høgni Egilstoft Nielsen var styrkismettur nummar 18 og endaði nummar 18. Rógvi Egilstoft Nielsen var styrkismettur nummar 19 og endaði nummar 19. Sjúrður Thorsteinsson var styrkismettur nummar 27 og endaði nummar 27. John Rødgård var styrkismettur nummar 20 og endaði nummar 22. o.s.fr. Helgi Dam Ziska var ikki við hesaferð orsakað av at hann er upptikin við at leggja seinastu hond á bókaútgávu um talvleið hansara. 59 telvarar vóru við í hesi kappingini, sum ætlandi verður fyriskipað aftur næsta ár. Altjóða talvkappingin í Føroyum er av á hesum sinni, og so hava føroyingar í fimleiki og hondbólti gjørt um seg uttanlands hetta vikuskiftið, har tað herheima hevur verið gongd í eitt nú kurvabólti og flogbólti HVÍTARUSSI VANN RUNAVÍK OPEN