mánadagur 27. november 2017síða 22

Mánadagur 27. november 2017 · Nr. 138 22 Sosialurin Hugskot og viðmerkingar – send sms til 225000 Vikan ið fór Øssur Dalbúð vendir heimaftur til barndóms­ felagið, NSÍ. Áleyparin hevur seinast spælt við HB, men hevur seinastu lestrarárini í Danmark eisini spælt við BK Frem. Føroyski hondbólts­ spælarin, Jóhan á Plógv Hansen, kemur aftur á vøllin eftir átta mánaðar drúgvan skaða. Hann og liðfelagarnir vinna ímóti TTH Holstebro, og Jóhan fær 10 minuttir á vøllinum. Dia Midjord verður settur í starv sum kvinnu­landsliðsvenjari í hondbólti. Hann tekur við eftir Scott Harrinton, ið er fluttur til Kina, og at hjálpa sær fær hann Sophus Dal-Christiansen. Føroyska kvinnulandsliðið í fótbólti tapur fjórða dystin á rað í HM- undankappingini. Hesaferð er talan um útidyst ímóti Slovenia, sum verður taptur 5-0. Petur Reinert gevst sum altjóða fótbóltsdómari. Hann hevur trupulleikar við hælsinuni og velur at gevast. Kári J. á Høvdanum tekur samstundis við sum nýggjur altjóða dómari. Argentiska fótbólts­ stjørnan, Lionel Messi, leingir um sáttmálan hjá sær við FC Barcelona fram til 2021. Nýggja prísskelti hansara er 5,21 milliardir krónur. ...við ítróttinum 5 SKJÓTIR - Petur Reinert, fráfarandi FIFA-dómari - Lionel Messi eftir at hava longt við FC Barcelona Dreymur mín er at spæla restina av yrkisleiðini í Barcelona, og við nýggja sáttmálanum eri eg væl á veg at fáa ynskið uppfylt Eg kom ásamt við dómaraleiðaran hjá FSF, at tíðin var komin at leggja kongin og lova yngri kreftum framat Fimm skjótir spurningar til føroysk ítróttarfólk... Navn: Peter H. Niclasen Aldur: 49 Yrki: Lærari / borðtennisspælari Royn tína vitan um ítróttin her og nú! Svarini standa niðast til vinstru, men royn teg nú fyrst 1. 11 2. Tvær 3. Kina (Ma Long) 4. 9 5. Pætur S. Clementsen 6. Runavík Open 7. Rebekka Ziska Dahl 8. Tony Pulis Hey Peter! Hvussu leingi ætlar tú tær at halda á við at spæla borðtennis? - Ja, handan spurningin havi eg fingið nú javnan tey seinnu árini - og helst av røttum. Men hinvegin er tað jú eisini ein háttur at pleyga teg sjálva. Eg havi ikki hugsað meir um tað enn sum so, at dagurin kemur, tá tað av natúrligum ávum er liðugt. Hvussu nógv tíð hjá tær fer við borðtennis? - Nú fer borðtennis ikki við so nógvari tíð. Fyrr nýtti eg meir tíð til borðtennis, og orkaði eisini at venja meir. Men nevndararbeiði og venjaraleiklutur krevja sítt, so samanumtikið fer ikki so lítil tið í borðtennishøpi. Hevur tú lagt spælistílin um við árunum? - Ja. Á ungum árum var eg sera álops­sinnaður leikari. Spældi tætt við borðið og var í álopi alla tíðina. Hetta kravdi skjótt beinarbeiði, og tað havi eg ikki í dag. Tí er mín spælistílur broyttur til at vera meir taktiskur, har eg hugsi meir um hvar eg skal sláa bóltin – og hvør stendur hinumegin borðið. Hvussu er støðan í føroyskum borðtennis í løtuni? - Føroyskt borðtennis er í eini broyt­ingar­tíð. Borð­tennis­sam­ bandið leggur eina menningar­ ætlan til rættis, ið verður kunn­ gjørd fyrst í komandi ári, har dentur verður lagdur á felags­ arbeiðið í føroysku feløg­unum, umframt at ung­dóms­lands­lið fáa fleiri avbjóðingar. Hvussu sær framtíðin út í føroyskum borðtennis? - Væntandi og vónandi fer menningar­ætlan borðtennis­ sam­bandsins saman við nýggju borðtennismiðstøðini í høllini á Hálsi at hava við sær, at talið á leikarum og feløgum økist, eins og ein natúrligur kontinuitetur verður í landsliðsarbeiðinum. Heilt frá A-landsliðnum, har kvinnurnar jú vunnu gull í tvímansleiki við oyggjaleikirnar á Gotlandi – og til ungdómslandsliðini, ið framyvir skulu lyfta føroyskt borðtennis víðari fram á leið. Í borðtennis hevur Asia nær­um altíð verið mílalongdir framman­ fyri Evropa, og serliga er tað Kina, ið hevur borðtennis sum tjóðar­ ítrótt, sum skarðar framúr og næstan ikki er til at vika. Nøkur fá undantøk hava tó verið, men tað hevur eisini kravt nakað heilt serligt. Eitt av hesum undan­tøkunum var í 1989, tá ið Svøríki heima í Gøteborg megnaði at koppa Kina. Hetta var í HM- kapping fyri lið, har teir vunnu finaluna ímóti Kina, og hendingin er alment kend sum “Bragdið”. Svenska sjónvarpsstøðin SVT hevur gjørt ein dokumentar um hetta bragdið, sum enn tann dag í dag javnan er uppi at venda og verður brúkt sum dømi um at alt – við hørðum arbeiði – ber til. Sjónvarpsliðið hevur savnað menninar, sum vóru á svenska lands­liðnum og við til at fremja bragdið. Teir eru Mikael Appelgren, Jörgen Persson og Jan-Ove Waldner, og allir luttaka í send­ingini. Tað verður hoppað eitt sindur runt í tíðarrøðini, men tað eru sjón­bond frá barnsbeini hjá leikar­unum, tá ið teir sum vaksnir vinna og fram til teir sum eldri menn í dag hugleiða um gyltu tíð­ina saman. Nakrir partar av sendingini eru brot úr dystum, og leikararnir greiða frá samstundis og gera tað ógvu­liga spennandi at fylgja við. Teir fýra hittast eisini heima hjá eina teirra, og hýrurin í send­ ingini, sum hevur nógv afturlit til tað farna, er hugnaligur og skemtingar­samur. Menninir hava eina rúgvu av søgum at greiða frá, men sanniliga eisini nøkur gull­ korn um hvat tað krevst fyri at – ímóti øllum vánum – at vinna seg upp á hægsta tindin. HYGG UM: Um tú hevur hug at síggja hvussu ein stríðir seg upp á toppin. IKKI HYGG UM: Borðtennis og aðrir einstaklingaítróttir ikki siga tær nakað. HVUSSU ER AT HYGGJA: Ein góð blanding av action og góðum íblástri. HVAT SIGUR TÚ? Hetta kann geva íblástur til øll í einstaklinga­ ítrótti! FAKTA: Dokumentarurin er lítlan tíma til longdar, og tað er svenska sjónvpsstøðin SVT, sum framleiddi hann í 2012. Dokumentarurin: Bragdið 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1 Hvussu nógvar bóltar skalt tú vinna fyri at vinna eitt sett í borðtennis? 2 Hvussu nógvar servur hevur tú í borðtennis, áðrenn mótstøðuleikarin skal serva? 3 Úr hvørjum landi er heimsins besti borðtennisspælari? 4 Hvat ryggnummar hevur Áki Egilsnes í íslendska felagnum KA? 5 Hvussu eitur venjarin hjá kvinnulandsliðnum í fótbólti? 6 Hvussu eitur talvkappingin, ið verður telvað í Runavík í hesum døgum? 7 Hvussu eitur føroyska kvinnan, ið er altjóða meistari í jiu-jitsu? 8 Hvussu eitur West Bromwich-venjarin á myndini, ið fekk sekkin í síðstu viku?