týsdagur 5. desember 2017síða 10

Mikudagur 6. desember 2017 · Nr. 142 10 Sosialurin Hugskot og viðmerkingar – send sms til 225000 - HER ER MÁL Síðani VikuskiftisSosialurin tann 24. november skrivaði um orrustuna í Kringvarpinum á fyrsta sinni er nógv hent í málinum. Hetta er tað, sum farið er fram, síðani stjóraskifti fyrr í ár. Barbara Holm barbara@sosialurin.fo TÍÐARLINJA ORRUSTA Í KRINGVARPINUM Miðskeiðis í oktober - Seinna skjalið verður sent til Kringvarpsstýrið Liljan Weihe samskiftir við Kringvarpsstýrið um støðuna viðvíkjandi ógegni hjá Johnny í Grótinum í sambandi við skattamálið og somuleiðis um arbeiðshættir, sum elva til misnøgd hjá summum journalistum. September: Skattamálið skal eftirmetast Johnny í Grótinum, kringvarpsstjóri, vendir sær til Fjølmiðlanevndina við skattamálinum. Hann vil hava fjølmiðlanevndina at viðgerða tíðindaflutningin, men hetta verður tikið aftur. Síðani setur Johnny í Grótinum ein eftirmetingarbólk við Øssuri Winthereig á odda, sum skal eftirmeta tíðindaflutningin í Kringvarpinum í sambandi við skattamálið. Øssur verður stutt eftir frátikin sessin í eftirmetingarbólkinum. Liljan Weihe verður eisini sjúkrameldað í september, meðan Jan Lamhauge fór til hús orsaka av støðuna. Fyrst í august - Fyrsta skjalið sent til Kringvarpsstýrið Eitt skriv verður fyrstu ferð sent til Kringvarpsstýrið um nýggja stjóran, Johnny í Grótinum, sum tá ikki var byrjaður í starvinum. Høvið var, at Johnny í Grótinum sum landssjúkrahússtjóri hevði kært Kringvarpið til fjølmiðlanevndina fyri tíðindaflutning í samband við stríðið á føðideildini. Í samskiftinum við Kringvarpsstýrið varð her sagt, at komandi stjórin royndi at leggja seg út í tíðindaflutningin, og at journalistar tí vóru merktir av tí.