hósdagur 7. desember 2017síða 15

FRÍGGJADAGUR 8. DESEMBER 2017 SOSIALURIN 143 15 ØGG VIÐ SITRÓN, PIPARI NSKOTUM Til gløggsiroppin skalt tú brúka (røkkur til á leið 15 gløs av gløgg): • 1 fløsku av hvítum víni • - Brúka bara okkurt ið tær dámar ella okkurt tú eigur inni (sum vónandi er okkurt tær dámar). • 4 dl av sukuri • Skalið av eini lítlari sitrón • Bara tað gula. Tað hvíta gevur ov nógvan beiskleika, so fá sum minnst av tí hvíta við. • Eini tíggju nýggj skot av einum grantræi • Jeps, tú klippur bara nøkur grøn nýggj skot av einum vanligum granntræi í garðinum… ella, sum eg, úr garðinum hjá onkrum øðrum. • (Um tú hevur hug til okkurt lekkurt omaná okkurt kvøldið - og hvør hevur ikki tað? - flys so 4-8 perur og koyr tær heilar niður í grýtuna saman við restini). Koyr alt í eina grýtu. Rør í ímeðan tað kemur uppá kók. Lat so smákóka í á leið 15-30 minuttir. Tað skal minka niður í næstan eina helvt. - Eg veit at alkoholið dampar burtur, men tað koyrir tú í aftur, tá ið tú gert sjálvt gløggið, hetta er bara siroppur sum skal brúkast til smakk. Tá ið næstan helvtin av tí, ið er í grýtuni er minka burtur, tekur tú perur, grannskot og sitrónskal upp úr grýtuni, og stoytur veskuna ígjøgnum eina trakt niður í eina fløsku. Nú er siroppurin klárur at brúka. Set hann í kuldaskápi - har kann hann halda sær leingi… um tú ikki fært nógvar jólagestir sum drekka tað upp beinan vegin. Soleiðis gert tú gløgg við heimagjørda gløgg-siroppinum: Til 5 jólagestir (ella tveir tystar) skalt tú brúka • 1 fløsku av hvítvíni (Eg plagi at brúka sama slag sum eg gjørdi siroppin burturúr - hetta so at ikki ov nógvir smakkir verða blandaðir saman) • 1 dl av gløgg siroppi (meira um tú ynskir tað søtari) • Fríkst hvørna pipar • Møguliga sitrónskal, granskot og mandlur at pynta við Bjóða jólagestunum vælkomnum. Koyr vín og gløggsiropp í eina grýtu og set á lágan hita. Statt uppi yvir grýtuni ímeðan tað hittnar. Práta við gestirnar ímeðan. Gløggið skal ikki kóka, uttan so at tú vilt hava alt alkoholið at hvørva ;) Tá ið tað er passaliga heitt, stoytir tú tað í vøkur gløs og pyntar við sitrónskali, grannskotum, mandlum og fríkst hvørnaðum pipari. Set teg niður. Slappa av. Njót eitt glas av gløgg saman við jólagestunum. Bjóða teimum at koma skjótt aftur. Tí tað er tað sum jólahugnin er, ha? Ikki gløgg… jú, eisini… men hugni saman við góðum fólki. OBS: Minnst til, gløgg smakkar best um tú ikki stressar um tað. So um tankin um heimagjørt gløgg stressar teg, ja, keyp so heldur eina liðna fløsku, drekk eitt glas av tí, og far so í gongd við tað heimagjørda ;) Nei. Roks. Eg ætli ikki at mæla til at drekka fyri at fáa stressið niður. Men heimagjørt er altso bara betur! PREIÐ: Ein fløska av gløgg siroppi er ein genial jólagáva - í øllum førum um tit umhugsa at geva mær jólagávu. Smakkirnir kunnu varierast út í æsir.