mánadagur 11. desember 2017síða 10

Mánadagur 11. desember 2017 · Nr. 144 10 Sosialurin Hugskot og viðmerkingar – send sms til 225000 Spyr og fá svar um útbúgvingar. Allar. Allastaðni. Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, vegleiðir teg um tínar møguleikar innan útbúgving og um tey fíggjarligu viðurskiftini. Holger arbeiðir dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svarar Holger tær her í Sosialinum. Um tú sum lesandi ynskir at fara uttan lands sum skiftisnæmingur, er tað so vert alt stríðið? Tú skalt fáa góðkenningar til vega, vera burtur frá maka, vinum og familju, og flyta, fyri at fara á lestrar ferð á ókendum víddum.. Men ein kandidatritgerð frá Køben havns Universitet rør nú fram undir, at tað fríggjarliga kann loysa seg at taka ein part av lestri- num uttanlands. Emil Regin Brodersen hevur lisið búskaparfrøði á Køben- havns Universitet, og hann skrivaði í síni kandidatritgerð um búskaparlesandi, sum fóru uttan lands sum skiftisnæmingar á elite universitetum, og sum so seinni fingu munandi hægri løn. Íblásturin til at skriva eina upp- gávu sum mátar úrslitið av lestrar- skeiðum uttanlands kom tá Emil Regin Brodersen sjálvur var í Berlin sum skiftisnæmingur. Hann ynskti at vita um hann, og onnur í somu støðu, fóru at fáa fíggjarligan ágóða av skiftisskeiðnum. Ritgerðin kannar avleiðingar av skiftisskeiðum uttanlands hjá bú skaparlesandi, og deildarstjórin hjá Københavns Universitet kundi nú hugsað sær at fingið kanningina víðkaða til fleiri lestrarleiðir. www.uniavisen.dk Emil Regin Brodersen arbeiðir í dag hjá danska fíggjarmálaráðnum, men hann hevur gjørt eina avtalu við Københavns Universitet, um at hann hevur gjørt ein saman- drátt av ritgerðini, tí evnið er sera áhugavert fyri fleiri deildir á læru- stovninum. Samandrátturin kom út 1. oktober og kann lesast inni á: www.uniavisen.dk Kanningin hjá Emil Regin Brodersen gevur ábendingar um at lesandi, sum hava verið uttanlands, kunnu vinna sær 600.000 meira í løn fyrstu átta árini, eftir tey eru vorðin cand.polit. Greiningin vísir, at tað serliga er skiftisskeið á lærustovnum á top 100 listanum hjá Times Higher Education frá 2016 (tá lá Københavns Universitet á 120. plássi), og tað bendir tí á at lønarvøksturin serliga er grund- aður á fakligheit, og ikki líka nógv á málsligar og altjóða mentan ar- ligar førleikar, skrivar Emil Regin Brodersen í saman dráttinum. Hann viðgongur tó, at nøkur øki kunnu vera torfør at máta, t.d. hvørji lesandi fara uttanlands, og bólkurin ið hann hevur kannað, umfatar bert búskaparlesandi, so tí kann tað vera torført at leggja ov stóran týdning í úrslitini. Umsóknarfreistirnar at søkja um upptøku á hægri útbúgvingum eru rættiliga ymiskar frá landi til lands og viðhvørt eisini í landinum frá einum útbúgvingarstovni til ein annan. Her er nakað av kunning um vanligastu londini. Men minst til at altíð kanna freistirnar í góðari tíð, t.v.s. eitt ár áðrenn lestrarbyrjan, og gloym ikki at kanna upptøkukrøvini samstundis! Føroyar Freistin fyri kvotu 2 á Fróð skapar- setri Føroya er 15. apríl á midnátt. Umsóknarbløðini til kvotu 2 eru tøk á leið 1. mars. Søkir tú gjøgnum kvotu 2, er tað samstundis ein umsókn gjøgnum kvotu 1. Freistin fyri kvotu 1 á Setrinum er 1. juli á midnátt. Danmark Freistin fyri kvotu 2 er 15. mars kl. 12.00. Søkir tú umvegis kvotu 2. “Umsóknarbløðini” eru tøk uml. 1. Februar á optagelse.dk Freistin fyri kvotu 1 er 5. juli kl. 12.00. Umsóknarblaðið kann útfyllast online á optagelse. dk. Um tú ikki hevur NemID, skal tú undirskriva og senda eina váttan við posti til hvønn einstaka stovn/útbúgving, ið tú søkir inn á. Henda váttan kemur fram, tá tú endaliga hevur góðkent tíni útbúgvingarval. Noregi Vanliga er freistin 15. apríl. Les meira á: samordnaopptak.no Svøriki Vanliga er freistin 15. apríl. Les meira á: antagning.se. Finnland Umsóknarfreistirnar eru ymiskar frá stovni til stovns. Vanliga eru umsóknarfreistirnar til hægru útbúgvingarnar (kandidaatti/ kandidat) millum januar og mai. Umsóknarbløð fáast á lærustovnunum. Stóra Bretland Føroyingar hava síðan 2007 verið roknaðir sum EU-íbúgvar í Stóra Bretlandi. Til ber at søkja gjøgnum UCAS. Tað er møguligt at søkja frá 1. september árið fyri lestrarbyrjan og mann søkir sum einstakur lesandi og IKKI gjøgnum ein skúla. Við leinkið Apply er møguligt at finna góða vegleiðing. MINST TIL at umsóknarfreistirnar til Oxford og Cambridge umframt lækna, djóralækna og einstakar aðrar útbúgvingar eru 15. oktober árið fyri, sum tú ætlar tær at byrja. Lesið meira á UCAS. Vanliga umsóknarfreistin fyri hægri lesnað í Stóra Bretlandi er 15. januar, men fleiri lærustovnar velja at umhugsa umsóknir fram til 30. juni, um pláss eru tøk. Onnur lond Ofta verður umsóknin send bein- leiðis til útbúgvingarstovnin og oftani kann tað vera eitt hálvt ár fyri lestrarbyrjan, men tað kunnu vera tøk pláss heilt fram til lestrarbyrjan. Einstøk uni versi tet, millum annað tey heilt kendu og virdu í USA hava um sóknarfreist eitt heilt ár fyri lestrar byrjan. Set teg í samband við lestrar vegleiðarar, International Office ella Admissions Service á stað num, sum tú ætlar at søkja til. Ella set teg í samband við Altjóða Skriv stovuna, so kunnu vit hjálpa tær at fáa greiði umsóknarfreistum og upptøkukrøvum, um tú ivast í onkrum. Spurningur: Nær verður enska málroyndin í Føroyum næstu ferð? Svar: IELTS royndin er ein av góðkendu málroyndunum, sum útlendsk universitet krevja. Nú ber til at taka IELTS- royndina í Tórshavn leygardagin 19. mai 2018. Tú teknar teg til royndina við at fara inn á https://ielts.britishcouncil.org/edu. Far til breddan til vinstru "Find Test Date" og útfyll upplýsingarnar har, og fylg so vegleiðingini á síðuni. Prísurin er 2.425 kr. Melda teg til í góðari tíð, í seinasta lagi 8 dagar áðrenn royndina. Úrslitini koma 2-3 vikur aftaná royndina. Lestur uttanlands førir til hægri løn Umsóknarfreistir um upptøku á hægri útbúgvingum UCAS-vegleiðing mikudagin 13. desember á J.C. Svabos gøtu 14, klokkan 16.15-17.30. Tiltakið verður stroymað. Ynskir tú vegleiðing í at fylla UCAS-umsóknarbløð fyri 2018/19 út (við umsóknarfreist 15. januar), so bjóðar Altjóða Skrivstovan nú vegleiðing komandi mikudag, 13. desember frá klokkan 16.15 til 17.30. Vegleiðingin fer fram á J.C. Svabos gøtu 14 í Tórshavn. Tú ert sjálvandi eisini altíð vælkomin til vegleiðing aðrar tíðir. www.setur.fo/ASK