mánadagur 11. desember 2017síða 13

13 Mánadagur 6. januar 2014 · Nr. 2 Sosialurin Mánadagur 11. desember 2017 · Nr. 144 Hugskot og viðmerkingar – send sms til 225000 STUTTSØGD Pætur Albinus Odder vann Tveir føroyingar brustu saman í næstbestu donsku hond­bólts­deildini leygardagin, tá ið botnliðið FIF við Róa Berg Hansen á liðnum hevði vitjan av einum av topp­liðunum, nevniliga Odder við Helga H. Hoydal á liðnum. Sum væntað var tað toppliðið úr Jútlandi, sum vann ein tryggan 31-23-sigur. Før­oysku javnaldrarnir báðir høvdu tveir ógvuliga meinlíkar dystir. Teir fingu hvør sítt mál, hvør sítt gult kort og hvør sínar tveir minuttir. Tað var tó hoyvíkingurin Helgi, ið fóru avstað við sigrinum, og av tí at Randers HH tapti ímóti odda­liðnum, TMS Ringsted, so er Odder nú á 2. plássi tvey stig aftan­fyri TMS Ringsted og eitt stig framman­fyri Randers HH. Eitt mál Jóhan á Plógv Hansen skeyt eitt av málunum, tá ið Bjerringbro-Silke­ borg leygardagin vann 34- 32 á útivølli ímóti Århus Håndbold. Hálv­leiksstøðan var 20-17 til Bjerringbro- Silkeborg, sum var trygt á odda 30-25 tá ið 10 minuttir restaðu í, men hóast tað var tætt við at tveita sigurin burtur. Før­oyski høgri vongurin er nýliga komin aftur frá einum álvarsligum kross­bandsskaða, sum helt honum burtur frá hondbólti í átta mánaðar. Hesa­ferð skeyt hann málið til 24-20, men fekk annars sítt fyrsta mál síðani skaðasteðgin fyri tveimum vikum síðani í teprum tapi ímóti Aalborg. Bjerringbro-Silkeborg er nummar trý í 888Ligaen, fýra stig aftanfyri oddaliðið Skjern og tvey stig aftanfyri GOG. Skaðin Tað var í einum Champions League-dysti í Póllandi tann 18. februar, at Jóhan á Plógv Hansen sleit krossbandið. Hann hevði júst lagt Bjerringbro-Silkeborg á odda 17-14, tá ið hann bleiv liggjandi á gólvi­num og mátti hjálpast frá vøllinum. Ein skanning tveir dagar seinni staðfesti, at krossbandið var slitið, og upprunaligu boðini vóru, at hann í minsta lagi fór at missa restina av 2017. Uppvenjingin gekst tó somikið væl, at hann longu var klárur at spæla aftur síðst í novembur. Tað er tó við smáum fetum og nøkrum minuttum í senn, at hann er við at fullføra sítt comeback, sum tó eiheldur er mett at vera lætt, eftir at avloysari hansara á høgra vongi, Jacob Lassen, hevur gjørt tað sera gott. Helgi H. Hoydal og teir úr Odder hava kós ímóti bestu donsku hondbóltsdeildini, har Jóhan á Plógv Hansen so smátt er við at koma fyri seg Føroyskir rógvarar hava um vikuskiftið vunnið heiðursmerkir í EM í inniróðri, sum var í hollendska høvuðsstaðnum, Amsterdam ODDER Í ODDINUM Pætur Albinus Teir sjey føroysku rógvar­ ar­nir, sum Róðrarsamband Før­oya tók út til at luttaka í EM í inni­róðri hava veruliga gjørt um seg í Amsterdam, har kappast varð leygardagin. Byrjað varð longu klokkan hálvgum níggju før­oyska tíð, tá ið menninir skuldu í eldin. Her gjørdist talan um tvær gullmedaljur og tvær silvur medaljur. Teir báðir Magnus Madsen og Jens Kristian Dam vunnu báðir gull, meðan Toni Dam og Bergur Dam Jensen vunnu silvur. Her kann nevnast, at Magnus vann sín bólk sera sannførandi við 17 sekundum, og Jens Kristian vann somuleiðis ein tryggan sigur við fýra sekundum. Hjá Toni gjørdist talan um ein sera spennandi róður, og ein ikki minni spennandi enda­spurt, har Toni tíverri gjørdist júst ov stuttur til gullmedaljuna við einans 0,6 sekundum. Bergur róði somu­leiðis ein sannførandi róð­ur, og gjørdist talan um eina trygga silvurmedalju seks sekund frammanfyri numm­ar trý. Hjá kvinnunum, sum kapp­aðust fyrrapartin, gjørd­ ist talan um gull­medalj­ur til bæði Elsu Magnus­sen og Ingibjørg Thom­sen. Elsa róði ein sera sannførandi róður frá byrjan til enda og var hon áleið 200 metrar framman­fyri næsta kapp­ingar­neytan, tá ið hon fór um málstrikuna. Í bólkinum hjá Ingi­bjørg var talan um tætta kapp­ing, men vann Ingibjørg bólkin við áleið tveimum sekundum. Síðsti føroyski luttakarin, Sarita Hansen, luttók í opna lætt­vektsbólkinum hjá kvinn­um, ið vanliga er ein bólk­ur við sera høgum støði, og var støðið í ár eisini høgt. Sarita megnaði tó eitt flott fjórða pláss. Forkvinnan í Róðrar­ sam­bandinum, Annika V. Dals­garð, fegnast um góðu úrslitini, og vísir hon á, at rógvararnir hava lagt sera nógv fyri upp til kappingina, og er hetta ein staðfesting av, at føroyskur inniróður og lut­tøka í altjóða kappingum er komin fyri at vera. Tíðirnar hjá føroysku rógvarunum: Jens Kristian Dam, lættvekt 40 – 49 ár, 6:38.0 Toni Dam, tungvekt 50 – 54 ár, 6:21.4 Sarita Hansen, lættvekt opin bólkur, 7:29.9 Bergur Dam Jensen, lættvekt 30 – 39 ár, 6:36.6 Magnus Madsen, tungvekt 30 – 39 ár, 6:14.0 Elsa Magnussen, tungvekt 30 – 39 ár, 7:15.0 Ingibjørg Thomsen, lættvekt 30 – 39 ár, 7:40.8 albinus@sosialurin.fo Heiðursmerkir í Amsterdam