mánadagur 11. desember 2017síða 20

Mánadagur 11. desember 2017 · Nr. 144 20 Sosialurin Hugskot og viðmerkingar – send sms til 225000 Fyri eitt sindur minni enn tveim­ um mánaðum síðani endaði før­ oyska fótbóltsárið, tá allar tær bestu deildirnar fóru í ein vetrar­ steðg fram til komandi ár. Síðani tá hevur mest verið at frætt um yngru landsliðini, ið hava spælt einstakar dystir, umframt fótbólts­ úti­setarnar, ið hava verið í gongd heilt til nú. Men um vikuskiftið var seinasti føroyski útisetin í dysti í 2017, tá Jóan Símun Edmundsson spældi fyri OB móti Sønderjyske. Tí eru teir nú eisini lidnir fyri í ár, og hava fingið eina vetrarferiu. Skaðar hava darvað fleiri profilar Fótbóltsárið 2017 hjá útisetunum er sum heild merkt av, at skaðar hava darvað árið hjá fleiri av teim­ um stóru profilunum. Brandur Hendriksson Olsen og Sonni Ragnar Nattestad hava mestsum ikki verið í dysti í 2017, av tí at teir báðir gjørdust langtíðarskaddir í vár. Fyrst sleit Brandur Hendriks­ son Olsen krossbandið fyri Randers FC í venjingardysti, og síðani sleit Sonni Ragnar Nattestad halsinuna fyri nýggja felag sítt, Molde FK. Men teir báðir eru ikki teir einastu, ið hava verið nógv darv­ aðir av skaðum. Eisini Jóan Símun Edmundsson, Hallur Hansson, Finnur Justinussen, Rógvi Bald­ vins­son, Heini Vatnsdal og Jákup Thomsen hava sitið nógv uttan­ fyri í ár orsakað av skaðum. Jóan Símun Edmundsson, ið var flúgv­ andi fyri felag sítt, OB, í vár, tá hann eisini gjørdist toppskjútti, gjørdist skaddur stutt áðrenn at danska kappingin skuldi byrja aftur eftir summarsteðgin. Tískil misti Jóan Símun Edmundsson stóran part av uppstartinum hjá OB til kappingarárið, umframt fyrstu dystirnar. Tað hevur eisini verið ein av stóru orsøkunum til, at tað ikki hevur gingið líka væl hjá føroyska landsliðsáleyparanum í heyst, samanborið við í vár. Eisini Hallur Hansson hevur mist stóran part av árinum orsakað av skaða. Hallur Hansson spældi við fullari ferð fyri AC Horsens fram til summar­steðgin, tá hann aftaná lands­dystin hjá Føroyum móti Sveis, varð lagdur undir skurð fyri eitt gamalt beinbrot í fótinum. Hetta gjørdi at Hallur Hansson eisini misti uppstartin til donsku Super­liguna og fyrstu dystirnar, eins og Jóan Símun Edmundsson. Í august byrjaði Hallur Hansson aftur at spæla fyri AC Horsens eftir skaðan, og gjørdist hann tá skjótt týðandi partur av liðnum hjá AC Horsens aftur. Hallur Hansson var tó so mikið óheppin nú stutt áðrenn farið var í vetrarsteðg, at hann aftur gjørdist skaddur. Hallur Hansson hevur tvey smærri brot í fótinum, og verður tí úti við skaða komandi nógvu vikurnar. Fyrsti steypasigurin síðani 1998 hjá ÍBV Hjá føroysku fótbóltsútisetunum hevur stóra sólskinssøgan í ár verið avrikið hjá Jónasi Tór Næs og Kaj Leo í Bartalsstovu í íslendska felagnum ÍBV. Teir báðir vóru við til at vinna ÍBV fyrstu steypa­ kappingina hjá felagnum síðani 1998, tá teir spældu íslendska steypafinalu móti Gunnari Nielsen NÚ ERU ALLIR ÚTI­ SETARNIR LIDNIR Jóan Símun Edmundsson var um vikuskiftið seinasti føroyski útisetin sum var í dysti hetta fótbóltsárið, tá OB á heimavølli tapti 2-1 móti Sønderjyske. Hóast einstøk hæddarpunkt eru frá fótbóltsárinum 2017 hjá føroysku útisetunum, fyllir tað tó nógv meira, at alt ov nógvir av útisetunum hava verið hart raktir av skaðum alt fótbóltsárið FÓTBÓLTUR