mánadagur 11. desember 2017síða 21

21 Mánadagur 6. januar 2014 · Nr. 2 Sosialurin Mánadagur 11. desember 2017 · Nr. 144 Hugskot og viðmerkingar – send sms til 225000 og liðfeløgunum úr FH. Dysturin endaði við einum 1-0 sigri til ÍBV, har Kaj Leo í Bartalsstovu legði upp til sigursmálið í dystinum, og sum heild var ógvuliga eyð­ sýndur í finaludystinum. Góða av­rikið í steypakappingini hjá ÍBV endurspeglaði tó als ikki gongd­ ina hjá ÍBV í íslendsku lands­ kappingini. Har kláraði ÍBV ikki fyrrenn í seinasta umfarinum at sleppa undan niðurflyting, sum teir leingi vóru hóttir av. Í bestu íslendsku deildini gekk best hjá Gunnari Nielsen og FH av føroysku útisetunum. FH endaði á triðja plássi. Fótbóltsárið tvíbýtt hjá Gilla og Brann Eitt skifti í summar var stóra sól­skinssøgan hjá føroysku úti­ setunum annars avrikið hjá Gilla Rólantsson Sørensen í norska felagnum Brann. Brann kappaðist tá við Rosenborg um fremsta plássi í norsku deildini, og Gilli Rólantsson Sørensen taldist mill­ um mest eyðsýndu leikararnar í Noregi. Men avrikið eftir summar­ steðgin hjá Brann hekk tó als ikki saman við gongdini undan summar­steðginum. Brann gleið spakuliga longur og longur niður á stigatalvuni í norsku deildini, og endin var at felagið endaði á einum heldur skuffandi fimta plássi í deildini, í mun til tað, ið varð væntað í summar. Ringa gongdin hjá Brann í heyst endurspeglaði eisini avrikini hjá Gilla Rólantsson Sørensen eftir summarsteðgin. Gilli Rólantsson Sørensen var ongantíð líka eyðsýndur eftir summarsteðgin sum áðrenn, og móti endanum av kappingarárinum í Noregi, fekk Gilli Rólantsson Sørensen eisini ein smærri skaða. Skaðin gjørdi at Gilli teir seinastu dystirnar ikki fekk líka so nógva spælitíð í norska felagnum. Viljormur á veg í Superliguna Meðan pílarnir eftir summar­ steðgin peikaðu skeiva vegin hjá Gilla Rólantsson Sørensen, hava pílarnir eftir summarsteðgin peika nógv rætta vegin hjá Viljormi David­sen, ið spælir fyri danska felagið Vejle BK í næstbestu deild­ ini. Tá kappingarárið í summar endaði í næstbestu donsku deildini, endaði Vejle BK enn einaferð á einum skuffandi plássi niðanfyri miðju­na í deildini. Tað viðførdi at Vejle BK í summarsteðginum skifti venjara. Venjaraskiftið hevur av álvara gagna traditiónsríka danska felagnum og føroyska landsliðs­ spælaranum, Viljormi Davidsen. Tí nú farið er í vetrarsteðg í næstbestu donsku deildini, har kappingin er komin í helvt, liggur Vejle BK á ovasta plássinum í deildini, og hevur kós móti bestu donsku deildini. Hví so nógvir skaðar? So samanumtikið er tað, ið hevur fylt mest hjá føroysku fótbólts­úti­ setunum í 2017 tað, at skaðar hava darvað kappingarárinum hjá alt ov nógvum av teimum føroysku leikarunum. Samanborið við nøkr­um árum síðani, tá tildømis Brand­ur Hendriksson Olsen av­ gjørdi donsku steypafinaluna, hava hæddarpunktini í 2017 ikki verið líka stór. Men hóast tað, eru tað sjálvsagt fleiri rímiliga stór hæddarpunktir. Millum annað tað at Jóan Símun Edmundsson gjørdist toppskjútti fyri OB í donsku Superliguni, og at Jónas Tór Næs og Kaj Leo í Bartalsstovu vóru við til at vinna íslendsku steypakappingina. Tó kundi tað blivið til so nógv meir, um ikki so nógvir útisetar høvdu sitið so leingi uttanfyri við skaðum í ár. Og so er spurningurin at enda helst eisini, hví so nógvir av okkara fótbóltsútisetum hava verið so nógv skaddir? Útisetarnir í 2017: DANMARK: Hallur Hansson (AC Horsens) Jóan Símun Edmundsson (OB) Brandur Hendriksson Olsen (Randers FC) Teit Jacobsen (Sønderjyske) Finnur Justinussen (Fremad Amager) Heini Vatnsdal (Fremad Amager) Viljormur Davidsen (Vejle BK) Jákup Thomsen (Thisted) René Shaki Joensen (Vendsyssel – fram til summarsteðgin) Meinhard E. Olsen (Vendsyssel – fram til summarsteðgin) Hákun Edmundsson (Vendsyssel – fram til summarsteðgin) NOREG: Gilli Rólantsson Sørensen (Brann) Sonni Ragnar Nattestad (Molde FK) Rógvi Baldvinsson (Bryne FK) ÍSLAND: Gunnar Nielsen (FH) René Shaki Joensen (Grindavík) Jónas Tór Næs (ÍBV) Kaj Leo í Bartalsstovu (ÍBV) Høgni Madsen (Fram) ONGLAND: Andrias Edmundsson (Sunderland) FÓTBÓLTUR