mánadagur 15. januar 2018síða 16

Mánadagur 15. januar 2018 · Nr. 6 16 Sosialurin Hugskot og viðmerkingar – send sms til 225000 Føroyar á ferð: HONDBÓLTUR Tróndur Arge – Bolzano, Italy DAGUR 1: Sunnudagur 7. januar Ferðin byrjar longu sunnukvøldið, tá landsliðið fer til Danmarkar at gera seinastu fyrireikingarnar. Landsliðið hevur havt tríggjar sam­ ling­ar rundanum jólini. Landsliðs­ venjarin, Sonni Larsen, sum eisini er venjari hjá H71, náddi líka at fáa ein avsmurning við á vegnum. Fyrst tapti kvinnuliðið hjá H71 væntað fyri Kyndli, meðan tað var púra óvæntað, at mansliðið tapti heili 25-13 fyri kyndilsmonnum. Hin venjarin er Jeppe Borch, sum eisini er venjari hjá Neistanum. Teir hava fingið eina óvæntaða góða byrjan upp á kappingarárið og liggja fremstir. Saman hava teir valt 16 spælarar, sum skulu verða ein partur av einari nýggjari byrjan hjá A-landsliðnum hjá monnum. DAGUR 2: Mánadagur 8. januar Liðið byrjar dagin við venjing. Spælar­ar­nir búgva seks og seks í hvørj­um kamari, so talan er ikki um nakra luksus fyrireiking. Klokkan 19 er venjingardystur í Ølstykke høll­ini. Landsliðið vinnur greiðan sigur á HØJ, sum spælir í næstbestu deild­ini í Danmark. Venjararnir eru nøgdir við avrikið. DAGUR 3: Týsdagur 9. januar Dagurin byrjar við venjing, áðrenn spælararnir gera klárt til ferðina til Italia. Føroyska liðið møtir á flog­ vølli­num í Kastrup, har teir tjekka inn. Allir spælarar eru klárir og við. Flog­ið verður úr Kastrup til Milano við Ryanair. Ferðin er beint yvir tveir tímar og lagið er gott í flúgvaranum. Í Milano er næstan manntómt, men tað eydnast at finna fram til viðførisbandið, hóast ongin á lið­num dugur italienskt. Síðani verður koyrt við bussi í tríggjar tímar til Bolzano, sum liggur í norður­italia. Her verður tjekkað inn á Premstellar gistingarhúsið, sum er eitt eldri gistingarhús. Bol­zano er ein hondbóltsbýur, tí italsku meistararnir eru úr býnum. Klokk­an er um trý um náttina, tá spælar­ar­nir sleppa at leggja seg. DAGUR 4: Mikudagur 10.januar Spælararnir sleppa at sova leingi og skulu møta til døgurða á middegi. Tað er ein dagur til fyrsta dystin og ein venjing er á skránni. Hon er í Pala­sport høllini, har allir dystirnir verða spældir. Spælararnir tykjast væl nøgdir við umstøðurnar. Hølli hevði eisini tikið seg væl út sum tjóðarhøll hjá okkum. Venjingin er í eina tíma. Stóra avbjóðingin á gistingar­ húsi­num er internetið, og partur av matinum. Partarnir skulu líka avstemma hvat teir vænta og kunnu geva. Um kvøldið er felags­ fundur og innleiðandi taktikk fund­ur. Eisini er spurnarkapping á skránni, sum teir eldru vinna, tí teir fáa lættari spurningar – siga teir yngru. DAGUR 5: Hósdagur 11. januar Dagurin byrjar við morgunmati og einum gongutúri. Lagið er nakað meiri spent, enn tað hevur verið higar­til á túrinum. Spælararnir fyri­reika seg til dystin. Teir hava tak­tikk fund og hvíla eisini, áðrenn buss­urin koyrir klokkan 14.45. Spælarar koma í høllina í góðari tíð. Busstúrurin tekur bara nakrar fáar minuttir og dysturin byrjar klokk­an 16.30. Ukraina verður mett sum sterk mótstøða, men vónin er at okkara verða við í dystunum líka til tað seinasta. Føroyar – Ukraina 22-30 (13-17) Føroyska liðið megnar ikki ordilga at fylgja við frá byrjan. Ukraina eru væl fyri og skjóta væl. Verjan hjá okkum fær heldur ikki lagt tað trýsti á, sum ætlanin er. Í hálv­leiki­ num er Ukraina á odda 17-13, eftir at Peter Krogh hevur fingið gongd í málskjótingina. Í seinna hálvleiki økist frá­ støðan millum liðini. Føroyska lið­ ið fær nøkur mál, men tað gongur illa at verja. Ukrainar hava lætt við at koma í gjøgnum verju­ na hjá okkum. Eina løtu steðgar mál­skjótingini eisini upp, meðan Helgi Hoy­dal beklar og má berast av vølli­ num. Ukraina vinnur rími­liga sann­førandi 30-22. Spælarar gera skjótt av og fara aftur á gistingarhúsið, har teir fáa nakað at eta. Síðani er fund­ur á skránni, har tað fyri tað mesta verður tosað um kom­andi mótstøðuliðið, Rumenia. Spæl­ar­ ar­nir fara tíðliga í song, tí tað er dystur á skránni longu í morgin. DAGUR 6: Fríggjadagur 12. januar Dagurin byrjar eins og dagurin fyri. Morgunmatur, gongutúrur og ein taktikk fundur. Rumenia hev­ur dagin fyri vunnið við tíggju mál á Italia, so tað er fokus á verju­ spæli­num. Bussurin koyrir aftur klokkan 14.45 og spælarar hava góða tíð at hita upp. Helgi Hoydal verður koyrdur á sjúkrahúsið at fáa tikið røntgen­ mynd. Myndin vísir, at hann hevur brotið eitt bein í fótinum. Boðini eru, at hann ikki kann spæla kom­ andi tveir mánaðirnar. Føroyar – Rumenia 20-28 (10-15) Í tjúgu minuttir spælir før­oyska liðið rættan føroyskan lands­liðs­ hond­bólt. Liðið stríðist væl og heldur saman. Tað er nógv orka á liðnum, sum tykist arbeiða fyri hvørj­um øðtum. Eitt skifti er støðan 10-9 til Rumenia, men so steðgar upp. Rumenia er á odda 15-10 í hálvleikinum. Føroyska liðið megn­ar ikki at fylgja við, hóast samlaða myndin av dystinum ikki er so galin. Fleiri góðar løtur og liðið spælir sum eitt lið. Kenslan aftaná er, at føroyska lið­ið nú er til reiðar at takast við Italia. Rumenia er favorittur at vinna bólkin og vinnur 28-20. Tað er einki forgjørt í tí. Tríggjar tímar seinni nógv broytt. Italia vinnur óvæntað 29-28 á Ukraina, meðan Fríði Weyhe fær stað­fest brot í hondini. Brádliga er sær dysturin móti Italia nógv tor­førari út. Umframt at liðið er á heimavølli. Á gistingarhúsinum verður dentur lagdur á at fáa spælar­arnar klárar til dystin. Tað gongur illa við at fáa dystin á video. Spælararnir syngja “Til lukku til Føroyska hondbóltslandsliðið kemur í dag heim úr Italia, eftir ein viku av HM undankappingarhondbólti. Føroyska liðið tapti allar tríggjar dystirnar. Her er eitt innlit í ferðina úr Føroyum til Bolzano, og aftur EIN VIKA VIÐ HM HONDBÓLTI