týsdagur 16. januar 2018síða 22

Mikudagur 16. januar 2018 · Nr. 7 22 Sosialurin Hugskot og viðmerkingar – send sms til 225000 Tróndur Arge Tað tykist vera breið semja um, at før­oyskur fótbóltur er í framgongd í løtuni. Landsliðið hevur so nógvar yrkis­spælarar sum kanska aldrin fyrr. Avbjóðingin við gongdini er, at føroysku feløgini mugu fáa sær útlendskar spælarar sum av­loys­ ar­ar, fyri framvegis at vera kapp­ ingar­før um Evropa-millión­ir­nar, ella tryggja sær plássið í deild­ini. Í summum førum ber til at seta aðrar spælarar í felangum við, meðan onnur feløg tryggjar sær ein føroyskan avloysara. Tó hevur gongd­in seinastu dagarnar verið, at fleiri av fremstu feløgunum hava verið uttanlands og funnið sær spælarar. Tað eru helst fleiri orsøkir til, at føroyskur fótbóltur er komin í hesa støðuna, sum tó ikki er ókend. Tað hava verið nógvir útlendskir spælar­ar í Føroyum gjøgnum ár­ ini. Onkuntíð fleiri og onkuntíð færri. Eitt nú í 90’ unum, tá gamla Jugo­slavia syndraðist í fleiri part­ ar og kríggj brast á. Tá komu nógv­ ir spælarar til Føroyar, sum helst høvdu evnini til meir enn før­oysk­ an fótbólt. Tað hava eisini verið tíðir, tá nógvir útlendskir venjarar vóru í Føroyum, men tann gongdin er broytt, síðani tað bleiv lagt nógv fyri at útbúgva føroyskar venjarar. Men hetta er nokk bara aðru ferð, at trupulleikin er íkomin við mangul av spælarum, títeir eru farin í onnur lond at spæla fótbólt. Profilar fara av landinum Seinastu árini hava vit sæð, at fleiri spælarar eru farnir í onnur lond at spæla fótbólt. Tvey tey seinastu døm­ini eru Patrik Johannesen, sum er farin úr B36 til Florø, og Ári Mohr Jónsson, ið er farin úr HB til Sandnes Ulf. Báðir skulu komandi ár spæla í næstbestu deildini í Noreg. Bæði B36 og HB hava leitað sær avloysarar úr útlandinum. Serliga B36 hevur fingið spælara við góðum royndum. 29 ára gamli áleyp­arin, Kaimar Saag, hevur spælt ikki færri enn 46 landsdystir fyri Estland. Millum annað skoraði hann móti Føroyum, tá Estland í evstu løtu vann 2-1 í 2010. HB hevði mánadagin 28 ára gamla íslendska miðverjan, Brynjar Hlöð­versson, til royndarvenjing. Hann skal venja við hesa vikuna. Vænt­andi kemur minst ein spælari afturat úr Íslandi. Tað eru ikki bara landsins frems­ tu spælarar, sum fara av landinum. Eisini Holgar Durhuus, sum er upp­vaksin í 07 Vestur, hevur valt at royna fótbóltsleiðina. Í hesum føri­num í 4. bestu deildini í Noreg. Ein spælari, sum hevur verið ein lyklaspælari hjá 07 Vestur seinni árini, men ikki roknaður sum ein við landsliðsmøguleika – enn. Tað kann skjótt broytast. Afturat hesum, so kunnu eisini spælarar sum René Shaki Joensen (Grinda­vík), Hallur Hansson (AC Horsens), Gilli R. Sørensen (Brann), Teit Jacobsen (Sønderjyske) og Kaj Leo í Bartalsstovu (ÍBV) nevnast sum spælarar, sum hava verið pro­ fil­ar í føroysku kappingini, men sum spæla uttanlands í dag. Støðan hjá KÍ øðrvísi Tað ljóðar av nógvum, at KÍ hevur fingið tríggjar útlendskar spælarar til felagið. Tað skal tó havast í huga, at KÍ seinastu árini hevur havt tríggj­ar útlendskar spælarar, sum so eisini hava verið við til at flutt felag­ið upp í Evropa- bólkin. KÍ hevur í summar sagt farvæl við Jonas F. Rasmussen, Albert Adu og Ahmed Mujdragic, meðan Deni Pavlovic, Boris Dosljak og Ronni Møller Iversen eru nýggir í hópi­ num. Hóast KÍ hevur stórt grundarlag, so skal nógv til at menna spælarar, sum kunnu koma beint inn á eitt lið, sum stríðist um FM-heitið. Ungir spælarar fara eisini av landinum Tá ein spælari fer av landinum, so er tað mangan ein møguleiki hjá einum ungum spælara at taka við. Her síggja vit eisini, at fleiri ungir spælarar hava ambitiónir, um at fara av landinum sum ungir. So ung­ir, at feløgini ikki fáa nakrar dystir burturúr teimum. Tað er sunt fyri menningina sum spælari, at fara av landinum til feløg, ið spæla á hægri stigi, men tað ávirkar eisini føroysku kappingina. Her kunnu nevnast dømir sum Hanus Sørensen (HB til FC Midt­ jylland), Jákup Thomsen (HB til FC Midtjylland), Sonni Ragnar Natte­stad (MB til FC Midtjylland), Brand­ur Hendriksson Olsen (B71 til FCK), Meinhard E. Olsen (NSÍ til Vend­syssel), Hákun Edmundsson (B68 til Vendsyssel) og nú Andrias Ed­mundsson (B68 til Sunderland). Eitt dømi kundi eisini verið Teit Jacob­sen, sum eftir eitt ár á besta lið­num hjá HB fór til Sønderjyske. Her eru bara nøkur dømi um spælar­ar, sum hava spælt fáar ella ongar dystir á besta liðnum, áðrenn teir eu farnir av landinum at spæla. Onkir av teimum eru aftur at síggja í føroysku kappingini, men fyri onn­ur lið. Ein nýggj støða Hetta er ein nýggj støða, sum feløg­ini eru við at koma í. Tað er ikki ókent at føroyskur fótbóltur hevur eitt stórt fráfall, tá spælarar fara í onnur lond at lesa ella út­ búg­va seg. Ov sjáldan koma teir heim aftur, og gera nakran mun í føroyskum fótbólti. Tað setur eisi­ ni spurningin, um hvussu nógv eitt felag ella ungdómslandsliðini skulu leggja fyri, tá spælarar bara takka fyri og fara niður at lesa og liva sítt egna lív. Nú er ein nýggj støða íkomin, har spælara fara av landinum Betrideildin 2018: KÍ, B36 og HB hava fingið útlendskar spælarar til feløgini seinastu dagarnar. KÍ hevur fingið tilgongd av trimum spælarum, meðan B36 hevur funnið avloysara fyri Patrik Johannesen og HB roynir miðverja úr Íslandi FELØGINI KEYPA ÚTLENDSKT Ári M. Jónsson og Brynjar