hósdagur 18. januar 2018síða 6

FRÍGGJADAGUR 19. JANUAR 2018 SOSIALURIN 8 6 VIT MÁTTU SLØKKJA PEDAGOGIN PERSÓNSØGA: Jógvan Philbrow – Tá ið vit fóru til samráðingar, avtalaðu vit, at vit máttu sløkkja pedagogin. Vit royndu at halda fokus, tí tað vóru ting, ið skudlu avgreiðast, og annað kundi ikki órógva kósina ov nógv. Tað hevur hepnast betri summar dagar enn aðrar. Men tað hevur verið hart, sigur Jógvan Philbrow, formaður í Føroya Pedagogfelag ANNIKA KUNOY IM ANNIKA@SOSIALURIN.FO F oreldur Jógvan Philbrow, Sue og Roy Philbrow eru bæði úr enska oyggja­sam­ felag­num Isle of Wight. Í 1973 fluttu tey til Føroya fyri at umboða átrúnaðin Bahá’i, sum so at siga ikki var í Føroyum tá. At vera tilflytari í Føroyum tá og enntá umboða eina aðra trúgv enn kristindómin var ein avbjóðing, hóast tey trivust og enn trívast væl í Føroyum, greiðir Jógvan Phil­ brow frá. –Tað vóru ikki øll, sum sluppu at spæla við meg. Tað hevur verið ein av­bjóðing hjá summum, at familjan hjá okkum ikki var sum normurin, sigur hann. Í fólkaskúlanum var flokkurin, sum Jógvan gekk í, tó sprøkluttari enn fleiri aðrir flokkar, tí umframt Jógvan við síni bakgrund, so var eisini ein næmingur, ið var Jehovas Vitni. Hann minnist aftur á til tíðir heitt orðaskifti millum næmingar, ið hoyrdu til fólkakirkjuna og næm­ingar frá brøðrasamkomuni, men sjálvur fekk hann ikki relatera til vanliga kjakið. – Eg lærdi tíðliga, at tað eru ymiskir háttir at síggja tilveruna á. Tað er natúrligt, at vit øll eru ymisk. Eg havi lært at virða ymisk­ leikan hjá fólki, sigur hann um barn­dómsárini. Hann búði í Havn, har hann saman við eldra beiggja sínum og yngri systrini sleit barna­skógv­ar­ nar inntil familjan, tá Jógvan var átta ára gamal, flutti til Toftir at búgva. Á Toftum fekk hann ein obligatoriskan áhuga í fótbólti og fór at spæla við B68, hóast hann ikki visti, hvat fótbóltur var, áðrenn hann flutti, sigur hann skemti­liga. Saman við vinmonnunum brúkti Jógvan nógva tíð á Svangaskarði, sum var samlingsstaðið, inntil hann varð tannáringur og fekk onnur áhugamál. Tá Jógvan var 23 ára gamal, varð daman hjá honum við barn. Tí flutti par­ið til Fuglafjarðar, har hon var frá. Tey fingu trý børn men vórðu skild í 2007. Nøkur ár seinni fluttu børnini til Danmarkar at búgva við mammuni, og Jógvan lýsir tað tíð­ ina sum sera avbjóðandi. Í dag býr hann í Fuglafirði saman við damuni Sjannu Hentze og syni hennara. Natúrligt at verða námsfrøðingur Í 1998 søkti Jógvan Philbrow inn á náms­frøðiútugvingina á setrinum, og í 2002 varð hann útbúgvin námsfrøðingur, og hann greiðir frá, at tað var eitt sera natúrligt val. Hann hugsaði als ikki um,