mánadagur 22. januar 2018síða 16

Mánadagur 22. januar 2018 · Nr. 9 16 Sosialurin Hugskot og viðmerkingar – send sms til 225000 HONDBÓLTUR Ferðafrásøgn úr Bolzano 1. partur: ÍtróttarSosialurin var við á ferðini, tá føroyska manslandsliðið í hondbólti spældi HM-undankapping í norðuritalska býnum, Bolzano. Ferðlagið fór avstað sunnudagin 7. januar og lendi aftur í Vágum 15. januar. Her er ferðafrásøgnin hjá ÍtróttarSosialinum, sum er í fýra pørtum ÚR TÓRSHAVN TIL BOLZANO Tróndur Arge Hósdagin klokkan hávgun fýra verður HM undankappingin fyri føroyska manslandsliðið í hond­ bólti bríkslað í gongd. Føroyar eru í bólki saman við Ukraina, Rumenia og Italia, sum er vertur fyri bólki 3. Ferðin byrjaði longu sunnu­ kvøldið, tá landsliðið fór til Danmarkar at gera seinastu fyri­ reik­ing­arnar. Landsliðsvenjarin, Sonni Larsen, sum eisini er venjari hjá H71, náddi líka at fáa av­smurn­ ing við á vegnum. Fyrst tapti kvinnuliðið hjá H71 væntað fyri Kyndli, meðan tað var púra óvænt­ að, at mansliðið tapti heili 25-13 fyri kyndils­monnum. Hin venjarin er Jeppe Borch, sum eisini er venjari hjá Neistanum. Teir hava fingið eina óvæntaða góða byrjan upp á kappingarárið og liggja fremstir. Saman hava teir valt 16 spælarar, sum skulu verða ein partur av einari nýggjari byrjan hjá A-landsliðnum hjá monnum. Mánakvøldið vinnur A-lands­lið­ ið greiðan sigur á HØJ, sum spælir í næstbestu deildini í Danmark. Venjararnir eru nøgdir við avrikið. Føroyska liðið hevur leigað bilar, meðan teir hava verið í Danmark, sum skulu hava fullan tanga, tá teir verða avleveraðir, eru boðini. Týs­dagin byrjar ferð til fótbóltsøra stivla-landið, sum Italia eisini verður rópt, orsaka av skapinum á landinum, ið sær út sum ein stivli, sum sparkar ein bólt. Gott samanhald Føroyska liðið ger klárt at tjekka inn og Helgi Hoydal er skjótur at heilsa. Hann er ein av sjey spælarum, sum í fjør var við til HM endaspælið í Algeria fyri U21 landslið. Saman­ haldið teirra millum byggir á nógv ár av úrvalsvenjingum og ung­ dóms­landsdystum. Tað gerst skjótt greitt, at liðið hevur vant saman í seinastuni og spælar­arnir kenna hvønn annan. “Undir­hondsskot” fær ein heilt annan týdning, tá hesir lutfalsligu ungir menninir samskifta við til tíðir speiskum skemti. Millum annað, tá Helgi Hoydal gloymir kuffert­ið eftir, tá allir fara at tjekka inn. Á flogvøllinum í Kastrup fáa spælar­arnir høvi at fáa sær okkurt at eta. Venjararnir og toymið rund­ an um liðið eta fyri seg hesa løtu­ni. Hondbóltsprátið snýr seg millum annað um, hvønn leist okkara lið fer at brúka. Tosað verður eisini um møgu­ leikarnar at koma víðari. Semja er um, at á papírinum er Rumenia sterkasta liðið. Síðani Ukraina og so Italia og vit. Onki verður nevnt um, at vit bara eru við fyri at luttaka. Føroyskur hondbóltur hevur lært, at alt ber til, so hví ikki bara trúgva upp á tað, tá vit eru her? Við Ryanair Flogið verður við Ryanair, sum er lágprísflogfelag úr Írlandi. Skemti er, at tey sum hava keypt sær fyrsta­flokks flogferðaseðil fáa ein tumma meiri av beinplássi, og ein lumma í setri frammanfyri, har tú kanst leggja bókina í. Rætt høvdu teir, á rekkju 32 er ongin lummi á setrinum framman­ fyri. Tað er heldur ikki pláss fyri bein­unum, men tað verð­ur ikki gjørt vrøvl leingi. Spælar­nir eru van­ir við at kleyra upp á hvørjum øðrum. Seinastu tveir dagarnar hava teir sovið seks og seks í hvørj­ um kamari. Alt tað føroyska ferðalagið situr aftast í flúgvaranum. Lagið er gott og fyrrnevndu undirhondsskotini flúgva um oyrini á okkum, sum sita mitt í. Spælararnir trívast væl sam­ an. Spælskiparin úr Hoy­vík, Jónas G. Djurhuus, hevur nátt­brill­ur, og nakkin hvílur á eina av hesum nakka­pútunum, sum tú kanst keypa á flogvøllinum. Hann situr mitt fyri, so borðið hjá honum verður savningspunktið fyri kortspælið, men hann mutar ikki í móti, men svevur trygt millum liðfelagirnar. Stemningurin teirra millum tykist draga flogternurnar til. Helst tí tær skulu selja kaffi og annað, men tykist sum steðgurin hjá teimum er eitt vet longri millum før­oysku hondbóltspælararnar. Gott kaffi skal sigast. Tað ristir fleiri ferðir í flúgvara­ num. Í løtum er tað sum at koyra á ósløttum vegi, men eftir tveir tímar setur flúgvarin seg í Milano. Tað er órógv á, tá hópurin fer at ivast hvar viðføri skal avheintast, tí alt er stongd á flogvøllinum. Lykilin er at bíða til onkur, sum sær staðkendur út, gongur uttan iva. Tað riggar og løtu seinni standa før­oysku spælararnir við viðføris­ band­ið. Teir eru raskir at hjálpa til, tí uttan fyrispurning stendur task­an við útgerðini hja Rás2 á gólvi­num. Ongar reyðar lyktir Uttanfyri flogvøllin stendur ein hvítur bussur og bíðar. Spælararnir fáa eina tvíflís og vatn at drekka. Túrurin úr Milano og norður til Bol­zano er góðar tríggjar tímar. Fyrstu løtuna er nógv prát, men klokk­an er farin av midnátt, og fleiri av spælarunum velja at leggja seg afturá. Tað er gott pláss í bussinum. Onkur velur tó at leggja seg á gólv­ ið, so kroppurin er strektur. Í løtum verður koyrt eftir stórum sløttum motorvegi, meðan tað til aðrar tíðir er ringt at fáa telduna at standa í fri, so finagrirnari rakaa røøttu bók­stavarinir. Tað gongur ikki heilt sum ætlað. Tað kennist so heimligt, tá mjørk­in eisini ger um seg. Tað er ongar reyðar baklyktir hjá Ankari Eli Petersen á vegnum, men við lítil javnur streymur við bilum, sum koyra ímóti. So hvørt sum buss­ urin nærkast Bolzano blíva ljósini á vegnum færri. Klokkan er farin av eitt og helst liggur italska fólkið og svevur. Um 3-tíðina kemur lítla og hugna­liga gistingarhúsið, Prem­ stall­er, undan í mjørkanum. Onkur hev­ur parkera, so at bussurin ikki sleppur inn á økið. Vit ímynda okkum, at busssjaførurin bannar innan­tanna, men letur við seg koma uttaná. Kanska ein nýggj byrjan Ein ferð er byrjað, men spurn­ing­ urin er hvat fyri ein ferð. Kendi stovnarin av Apple, Steve Jobs, sáli, segði so tiltikið í eini sjón­ varps­samrøðu, at tú sært ikki altíð brikk­arnar fella upp á pláss við at hyggja frameftir, men við at hyggja aftur­eftir. Hetta er galdandi fyri avrikini hjá U21 landsliðnum. Í fleiri ár vandu hesir ungu dreingirnir saman av sínum eintingum. Tá teir vunnu HM undankappingarbólkin, sum varð spældur á Hálsi í januar 2017, kom tað óvart á, men í hópi­ num kendu teir orsøkina. Hart arbeiði og gott samanhald. Tað sóu teir við at hyggja aftureftir. Tað stendur ikki skrivað í stein, at hetta liðið fer at fremja eitt bragd. Liðið hevur eina sterka breidd, men manglar nokk eina stjørnu ella tvær. Sjey av spælarunum hava sein­asta hálva árið spælt við liðum í donskum ella norskum hondbólti. U21 landsliðsspælararnir hava allir fingið nógvar royndir. Men kanska er hetta ein av brikkum, sum vit í fram­tíðini fara at hyggja afturá, sum ein brikkur, ið flutti føroyskan lands­liðshondbólti. Tað fer tíðina at vísa komandi dagarnar.