mánadagur 22. januar 2018síða 20

Mánadagur 22. januar 2018 · Nr. 9 20 Sosialurin Hugskot og viðmerkingar – send sms til 225000 Tróndur Arge Um vikuskiftið hava sjey dystir verið í steypakappingini. Trígg­ir hjá kvinnum og fýra hjá monn­um. Felags fyri úrslitini er, at favoritt­ arnar vunnu í øllum seks dystun­ um. VÍF, VB og Kyndil hjá kvinnum, meðan H71, Neistin, Kyndil og VÍF vunnu hjá monnum. Eisini var ein dystur mikukvøldið, har Neistin vann 44-9 á VÍF 2. Hjá kvinnunum vóru serliga tveir málskjúttar, sum gjørdu um seg um vikuskiftið. Onnur var Súna K. Hansen skoraði 12 mál fyri Kyndil, sum vann 31-21 á Stjørnuni í høllini á Hálsi. Kyndil hevði ávísar trupulleikar av Stjørnuni í lands­ kapp­ingini fyri jól, men hesa ferð var ongin ivi. Unga Súna K. Hansen fekk sítt gjøgnumbrot í føroyskum hond­bólti farna kappingarár, men hevur ikki verið eins sjónliga á vølli­num hetta kappingarárið. Leygar­dagin gjørdi hon bart. Í Vági vann VB 33-21 á StÍF, sum hevur tað torført í ár. VB hevur eisini trupulleikar, eftir at topp­ skjúttin Mathilde Pedersen fór av landinum. Fyribils hava Agnes Palle­sen og Caroline Lindfoges tikið yvir. Tær skoraðu um avikavist 11 mál og seks mál. Í Vestmanna var heldur ongin ivi. VÍF vann 27-18 á H71. VÍF er í holt við eitt framúr kappingarár í ár. Liðið tapti herfyri móti Kyndli, men svaraði aftur, tá liðini hittust aftur. Liljan Djurhuus gekk á odda og skoraði átta mál. Komandi umfar verður sunnu­ dag­in. Í bólki 1 spæla Neistin - H71 og VÍF 2 - VÍF. Í bólki 2 eru dystirnir StÍF – Kyndil og VB – Stjørnan. Reytt kort í Hoyvík Eisini hjá monnunum fóru favoritt­ arnir avstað við øllum. Eitt sindur av dramatikki var í høllini í Hoyvík, har venjarin hjá KÍF, Jóan Pauli Olsen, fekk beinleiðis reytt kort við eftirfylgjandi bláum korti. Tað merkir at hendingin verður tikin upp og bannið verður minst tveir dyst­ir. Sum skilst, so var talan um okkurt, sum venjarin segði við dómara­borðið. Tað var ogin drama­ tikk­ur eftirfylgjandi, so helst hevur tað ikki so nógv upp á seg. KÍF, sum er í skerdari út­gávu, megnaði annars at geva hoy­vík­ ingum eitt sindur av mótstøðu. Uttan spælarar sum Andrias Niel­ sen og brøðurnar Fríða, Tony og Rógva Weyhe, hevði KÍF trupult við at spæla upp við H71, sum í fleiri før­um hevði eina trivaliga leiðslu. Tað endaði tó við einum smølum 27-25 sigri, eftir at kollfirðingar stríddu seg aftur í dystin. Á Hálsi royndi Team Klaksvík at geva Neistanum eitt kvøkk, men tað riggaði bara til deils. Neistin fekk takið á dystinum og vann við átta málum. Torkil Hentze bleiv topp­skjútti við átta málum, meðan Ras­mus Søby skoraði seks mál. Eisini her var reytt kort á lofti, tá Jens Pauli Mohr hjá Team Klaksvík steðg­aði einum neistamanni óreglu­liga. Hóast Allan Norðberg skoraði heili 11 mál fyri StÍF, so taptu strand­ingar í Vestmanna. VÍF vann 35-31. Vestmenninginar fingu eisini fordeilt málini væl, tí Filip Jojic, Julian Olsen og Sjúrður Olsen skor­aðu níggju mál í part. Komandi dystirnir í bólki 1 eru; Team Klaksvík – H71 2 og Neistin – Kyndil. Í bólki 2 møtast VÍF – KÍF og StÍF – H71. Allir dystirnir eru sunnu­dagin. trondur@sosialurin.fo Steypahondbóltur: FAVORITTARNIR SIGRAÐU UM ALT LANDIÐ Bólkaspælið í steypakappingini í hondbólti er farið á rull, men eyðkendu steypasigarnir hjá teimum smærru eru ikki at fáa eyga á. Hvørki hjá kvinnum ella monnum kom nakað óvæntað úrslit HONDBÓLTUR