týsdagur 23. januar 2018síða 12

Mikudagur 24. januar 2018 · Nr. 10 12 Sosialurin Hugskot og viðmerkingar – send sms til 225000 Árni Gregersen 60 milljónir krónuer verður eitt nýtt barnaheim í Havn mett at kosta. Verkætlanin hevur til endamáls at útvega betri og størri karmar til børn og ung í Føroyum, sum verða sett heiman og til familj­ur, sum verða inn­skriv­að til familju­ viðgerð á Barna­heimi­num. Tað tykist sum full semja er um, at tey hølisviðurskifti, sum Barnaheimið hvur í dag, als ikki eru nøktandi. Tí fekk uppskotið í stóran mun fulla undirtøku undir 1. viðgerð í Løgtinginum. Har var ásannað, at átrokandi tørvur er á einum nýggjum barna­heimi, sum í dag húsast í fimm ymiskum bygningum í Tórshavn. Partar av virkseminum eru á verandi barnaheimi, með­an annað virksemið held­ur til í ymiskum leigu­ mál­um kring býin. Talan er fyri ein part um leigu­mál, sum tíðum verða upp­søgd og í fleiri førum høli, sum eru illa egnað til endamálið. Samlaða virk­ semið er skipað undir Eind 10 í Almannaverkinum, men verður kallað Barnaheimið. Almannaverkið umsitur Barnaheimið og hevur í nøkur ár víst á, at verandi støða ikki er nøktandi. Hølisviðurskiftini av­ marka møguleikarnar fyri at veita eina nóg góða sosial­ fak­liga viðgerð. Barnaheimið hevur nógva og góða starvsfólkaorku, men orsakað av, at hesi eru spjadd í ymiskum bygn­ing­ um, er torført at skapa eitt dygdar­gott fakligt umhvørvi um­framt, at tað er trupult at gagn­nýta starvsfólkaorkuna á skynsaman hátt. Eisini verður orka í ov stóran mun brúkt uppá at finna hølir, tá leigumál verða upp­søgd ella tá ymiskar ein­ stak­linga fyriskipanir skulu skipast, heldur enn at menna inni­haldið í tænastuni. Tingfólk tóku í stóran mun undir við hesum grund­ gev­ingum, men í nøkrum hoyrings­skrivum verður ivi sádd­ur um, um tað gagnar børn­um og ungum best at koma á stovn – heldur enn møguligar aðrar loysnir. Annar tørvur Høvuðsbarnaverndin sigur í hoyringsskrivinum, at hon ivast í, um tað er rætt at savna alt virksemið á Barna­ heiminum á einum stað. Tey børn og ung, sum eru inn­skrivað á Barnaheimið hava vanliga sera ymiskar av­bjóðingar. Høvuðstrupulleikin hjá børn­unum er, at tey eru um­sorgarsvikin, men fleiri teirra hava eisini staðfest diagnos­ur, sum autismu ella ADHD. Høvuðsbarnaverndin vís­ ir á, at tey børn, sum hava somu av­bjóðingar verða savn­að á ein­um stað. Hon sigur eisini, at ein trupul­leiki er, tá ið øll eru saman, at tey kun­nu ávirka hvønn ann­an per­són­liga meira enn ynski­ ligt er. Hetta kann hava eina nei­ liga ávirkan á menningina av tí einstaka barninum. Minni á stovnum Eisini Sosialráðgevarafelagið vísir, at tað er minst líka so stórur tørvur á íbúðum til eftirviðgerð, sum Barnaheim og samstundis siga tey, at børn mennast munandi betur í tøttum relatiónum, held­ur enn á stovnum, har tey hava tilknýti til ymisk starvs­fólk, sum koma og fara. Felagið sigur seg uppliva, at tørvur er minst líka nógv á styrktum fosturfamiljum. -Tí hevur tað týdning at hyggja uppá økið meira yvir­skipað sum heild og ikki brúka alt tilfeingið til eina fyri­skipan til nøkur fá, sigur Sosial­ráðgevarafelagið. Fyrimunir Almannaráðið hevur gjørt eina greining, har víst verður á teir fyrimunir, sum eru at hava alt á einum stað: - Betri og fjølbroyttari tilboð og viðgerð. - Tryggari og saman­ hangandi við­gerðar­um­ hvørvi hjá børnum/ungum og familjum. - Sterkari fakligt um­ hvørvi og betri gagnnýtslu av førleikum hjá starvsfólki. - Betri nýtslu av játtanum. Í greiningin verður eisini víst á, at tað er rættast, at edtt barnaheim framvegis er staðsett í Havn, tí har eru fyri­munirnir flestir, sjálvt um freistinganar helst eru størri enn á bygd.. Málið um bygging av nýggj­um Barnaheimi er í fíggjar­nevndini. Ivast í um tað er rætt at byggja nýtt barnaheim Løgtingið viðger í løtuni eitt uppskot frá Eyðgunn Samuelsen, landsstýriskvinnu, um at byggja nýtt barnaheim Eyðgunn Samuelsen, landsstýriskvinna hevur lagt uppskot fram um at byggja nýtt barnaheim fyri 60 milljónir krónur Flestu tingfólk taka undir við, at korini mugu broytast og nýtt byggjast .Núverandi hølir hjá Barnaheiminum eru als ikki hóskandi til tað virksemi, sum er har í dag