sunnudagur 31. oktober 2004síða 10

18 Nr. 208 - 30. oktober 2004 Leiðari til dag- stovnin í Hósvík Hósvíkar kommuna byggir ein nýggjan dagstovn í Hósvík, har pláss verður fyri 58 børnum í aldrinum 0- 10 ár.Í hesum sambandi verður søkt eftir leiðara. Høvuðsuppgávur: • At hava leiðsluna og ábyrgdina av stovninum • At samskipa arbeiðið á stovninum • At skapa trivnað á stovninum Vit sóknast eftir persóni, ið: • Kann ganga á odda og dugir væl at fyrisita/leiða • Dugir at arbeiða sjálvstøðugt • Kann virka í góðum samstarvi við starvsfelagar, foreldur og myndugleikar • Er opin fyri nýhugsan Útbúgving/royndir: • Námsfrøðiliga útbúgving. Royndir innan leiðslu og umsiting kunnu vera ein fyrimunur. Lønar- og setanarviðurskifti: Eru sambært sáttmála millum Føroya Pedagog- felag og Føroya Kommunala arbeiðsgevarafelag. Starvið verður at seta skjótast gjørligt. Meir fæst at vita við at venda sær til kommunu- skrivstovuna, tlf. 422366. Umsóknir saman við viðmælum og upplýsingum um útbúgving og royndir skulu vera Hósvíkar kommunu, Rættarvegur 10, 420 Hósvík, í hendi í seinasta lagi 8. november 2004. Hósvíkar kommuna Arbeiðshandskar til øll endamál - bæði á sjógvi og landi Landsins størsta úrval frá eingangshandskum til fóðraðar Japan-handskar Beinleiðis frá framleiðara Sosialurin 311820 spf GSM telefonir Tráðleysar Til skip og bátar Nokia - Siemens - Motorola Ericsson - Panasonic Siemens Dect. Kunnu ikki avlurtast NMT 450 - VHF telefonir v.m. SØLA & TÆNASTA Minningarhald í Søldarfirði Minningarhald teirra sjólætnu verður við minnisvarðan í Søldarfirði Allahalgannadag kl. 14.00. Meinhard Bjartalíð, prestur talar. Aftaná verður drekka at fáa í bønhúsinum í Søldarfirði. Runavíkar býráð Kunngerð Til veljarar til kommunuvalið tann 9. november 2004 í Sumbiar kommunu. Atkvøðugreiðslan fer fram týsdagin 9. november 2004 á hesum støðum: Fyri veljarar í Sumba og Víkarbyrgi: á kommunuskrivstovuni í Sumba Fyri veljarar í Lopra og Økrum: í skúlanum á Leiti Atkvøðugreiðslan fer fram millum kl 10.00 og kl. 20.00 og heldur fram, so leingi veljarar møta uttan steðg. Veljarar, ið sambært vallógina hava rætt til at nýta brævatkvøðu, kunnu atkvøðu á kommunuskriv- stovuni til og við mánadagin 8. november 2004. Tey,ið vegna sjúku ella væntandi førleika ikki kunnu koma á valstaðið,kunnu velja heima til og við dagin fyri valið. Hesi kunnu boðað kommunuskrivstovuni frá hesum á tlf.nr.370344,373506 ella 370006 í sein- asta lagi mánadagin 8. november kl. 15.00. Gjørt verður kunnugt, at valkort verða send øllum veljarum, ið standa á vallistanum. Veljari, sum ikki fær valkort, ella fær valkort við villum í, eigur at venda sær til kommunuskrivstovuna sum skjótast. 28. oktober 2004 v/Valnevndina í Sumbiar kommunu Amy Bech Hjálpargrunnurin fyri óarbeiðsførar fiskimenn Umsóknarbløð til grunnin fáast við at skriva til: Postboks 2114, FO-165 Argir, ella at ringja á tlf. 31 60 89 (svarar eftir arbeiðstíð) ella leggja boð á telefonsvararan. Umsóknir til hjálpargrunnin mugu vera grunnin- um í hendi í seinasta lagi fríggjadagin 10. desember 2004. Hjálpargrunnurin Hósvíkar kvøldskúli veturin 2004/2005 Undirvíst verður í Handarbeiði/ítriti í vetur. Luttøkugjald: 300 kr. Tilmelding hjá læraranum: Emly Olsen,tlf. 422348/722348. Undirvísingin er treytað av, at nóg nógv tekna seg. Hósvíkar kvøldskúli FØROYA ARBEIÐARAFELAG ÁMINNING til limir felagsins Vit skulu enn einaferð minna limir okkara á, at limur sum gerst arbeiðsleysur ella sjúkur, kann halda áfram í Felagslívstryggingarskipanini til 67 ára aldur, við at gjalda eitt ávíst mánaðargjald til FA – gjaldingin skal byrja áðrenn 3 mánaðar frá tí, at limurin er givin at arbeiða. Limir fáa nærri upplýsingar við at venda sær til FA á tlf. nr. 312101. Jørn Nielsen úr Danmark talar á hesum fundum kring landið um evnið »Ísrael og viðurskiftini í Miðeystri í dag« Sunnudagin 31. oktober kl. 14.30: Fyrilestur í Høllini á Hafnia Týskvøldið 2. november kl. 19.30: Almennur fundur í kafeteria í Ítróttarhøllini á Kambsdali Mikukvøldið 3. november kl. 20.00: Fundur í Betesda, Klaksvík Hóskvøldið 4. november kl. 20.00: Ísraelsfundur í Fildelfia, Gøtu Leygardagin 6. november kl. 16.00: Almennur ísraelsfundur í Ósáskúlanum í Klaksvík Sunnudagin 7. november kl. 14.30: Almennur ísraelsfundur á Hotel Øravík Mánakvøldið 8. november kl. 19.30: Almennur ísraelsfundur í Samljóð í Skopun Ísraelsfelagið Kunngerð Gjørt verður kunnugt, at ferðslan í Kvívík er broytt soleiðis, at: Áarvegurin er einsrættaður oman móti Toftunum. Vegurin niðan frá Toftunum (móti Fúta- stræti), er einsrættaður niðan til Víkarvegin. Kvívíkar Kommuna Nr. 208 • leygardagur • 30. oktober 2004 • 78. árgangur • www.sosialurin.fo Sponsor-nøvn sleppa ikki framat Sjónvarpið og Út- varpið vilja ikki, at teirra sendingar skulu setast í sam- band við sponsorar hjá triðja parti SPONSOR-AVTALUR Jákup Mørk Herfyri kunngjørdi Hond- bóltssambandið á tíðinda- fundi, at teir høvdu gjørt avtalu við Atlantic Airways og Sunset Boulevard, sum framyvir skuldu stuðla bestu mans- og kvinnu- deildini í landinum. Millum annað innibar avtalan, at hondbóltskapp- ingarnar framvyir skulu broyta navn, soleiðis at talan nú verður um ávíkavist Atlantic Airways-kapping- ina og Sunset-kappingina. Slíkar avtalur hava verið vanligar uttanlands í fleiri ár, og einki er at ivast í, at Hondbóltssambandið við hesum hevur roknað við einum møguleika at økja um inntøkugrundarlagið. Skilir ikki orsøkina Men tað er nú nógv, sum bendir á, at hetta lýsingarav- talurnar ikki verða so áhugaverdar, sumk HSF hevði ætlað. Í øllum førum tykjast hvørki Út- ella Sjónvarpið at hava tikið nýggju nøvn- ini til sín. Og tað er einki at ivast í, at hetta ikki gevur sponsor- unum tað, sum tey høvdu ætlað at fáa burturúr avtal- uni. – Um so er, at miðlar ikki vilja brúka nøvnini á deild- unum, so fáa vit í øllum førum ikki tað burturúr eini slíkari avtalu, sum vit høvdu roknað við. Nú eri eg sum so ikki kunnugur við nágreiniliga innihaldið í sjálvari avtaluni, men tú kanst tú jú spyrja teg sjálvan, hvat ein slík avtala er verd, tá støðan er soleið- is, sigur Magni Arge, stjóri á Atlantsflog. – Og eitt er, hvat hon er verd fyri okkum, men eg rokni við, at smeiturin er ikki minni hjá Hondbólts- sambandinum, sum soleiðis verður blokerað í einum lýs- ingarmøguleika. Uttanlands sært tú jú nøvn sum Sas- ligan og Landsbankadeildin, so eg skilji ikki, hví tað ikki skal góðtakast her. – Sjálvur haldi eg, at tað kundi verið áhugavert at vita, hvør grundgevingin er fyri eini slíkari støðu. Tað er einki at ivast í, at fjølmiðlar, ítróttur og sponsorar øll hava brúk fyri hvørjum øðr- um. Og miðlarnir vilja jú fegnir vera við, tá onkur stuðlar teirra sendingum. Einaferð var tað jú soleiðis, at eingin vildi hoyra talan um lýsingar í elektronisku miðlunum, men tann støðan er í øllum førum broytt í dag, heldur Magni Arge. Vilja ikki dikterast Og tað tykist í øllum før- um, sum hava loftbornu miðlarnir eina púrasta greiða støðu til, hví nøvnini á deildunum ikki verða lýst soleiðis, sum HSF og sponsorarnir vilja hava tað. Í Sjónvarpinum er støðan í øllum førum púrasta greið. Øssur Winthereig, sum er tíðindaleiðari í SvF, sigur, at fyri teirra viðkom- andi er talan um ein prin- sipiellan spurning. Og at Sjónvarpið í øllum førum í fyrstu atløgu hevur tikið eina greiða støðu. – Tað er rætt, at vit ikki vilja brúka hasi nøvnini. Hjá okkum er talan um eitt prinsipp-mál, har vit ikki vilja lata okkum diktera av fólki uttanífrá, hvat verður sagt ella kemur á skíggjan í Sjónvarpinum. Og vit vilja so ikki verða koblað upp á eina sponsoravtalu, sum onkur annar hevur gjørt við eina fyritøku, sum vit einki hava at gera við. Spurdur, hvørt tað er rætt at hava slíka støðu, tá líkn- andi avtalur eru at síggja í londunum kring okkum, sigur Øssur, at tað kunnu tey ikki taka atlit til. – Tað er fullkomuliga líkamikið, hvussu tey gera aðrastaðni. Spurningurin er í mínari verð ógvuliga prin- sippiellur, tí hvat verður so tað næsta, sum fólk skulu diktera okkum, fyri at tey kunnu forvinna pengar. Sponsorpengar, sum í prin- sippinum eins væl kundu enda í kassanum hjá Sjón- varpinum? – Nú skal eg ikki leggja nakran undir nakað sum helst. Men eg rokni við, at handan avtalan millum ann- að er tengd at, at navnið á stuðlinum skal síggjast á skíggjanum hjá okkum, men tað verður so av ong- um. Vit fara ikki at skriva produkt-nøvn á skíggjan, bara tí onnur vilja hava tað, staðfestir Øssur Winthereig. Samstundis vil tíðinda- leiðarin tó eisini viðganga, at miðlar og ítróttur hava tørv á hvørjum øðrum. – Sjálvandi er sjónvarpið og lýsingar ein partur av spælinum. Vit gera jú eisini samrøður, fyri tað um ein leikari er í einum búna, har stuðlarnir síggjast, ella um ein lýsingarveggur verður settur aftanfyri. Enntá um hesin oyðileggur myndina. Munurin tá er bara tann, at tá er hetta sum bakgrund til tað, sum vit vilja vísa. Markið hjá okkum er, tá hetta brádliga skal verða forgrundin, staðfestir Øssur Winthereig at enda. – Hjá okkum er talan um eitt prinsipp-mál, har vit ikki vilja lata okkum diktera av fólki uttanífrá, hvat verður sagt ella kemur á skíggjan í Sjónvarpinum, sigur Øssur Winthereig – Uttanlands sært tú jú nøvn sum Sas-ligan og Landsbankadeildin, so eg skilji ikki, hví tað ikki skal góðtakast her, sigur Magni Arge, stjóri á Atlantic Airways Søljan aftur til próvtøku Positiva elementið higartil í kappingini, Søljan, hevur truplast hugsandi uppgávuna, tá tær á útivølli hitta meistaraliðið HONDBÓLTUR Jákup Mørk jakup@sosialurin.fo Sum vant verða fýra dystir leiktir í bestu kvinnudeild- ini um vikuskiftið, og ser- liga í Klaksvík tykist talan verða um áhugaverda upp- gerð. Søljan hevur higartil verið positva innslagið í landskappingini, og tó at tær seinasta vikuskiftið máttu lúta fyri VB, so góvu tær greið tekin um, at tær ætla sær at vera við frammi í oddinum hetta kappingar- árið. Ta ferðina skrivaðu vit, at talan var um próvtøku, og hendan er ikki minni leygardagin, tá tær vitja hjá Stjørnuni. Stjørnan hevur ikki tapt landskappingardyst síðani tær í mars mánaði taptu heimadystin móti VB, og tær miðja helst eftir sigri aftur hesaferð. Avrikið móti Neistanum seinast staðfesti tó, at meistararnir kunnu vera til at tosa við. Ikki minst hevur tað týdning, um Joan M. Djordjevic kemur heim til dystin. Og skal Søljan fylgja við heilt frammi, so er ein sigur sera umráðandi. Gaman í er talan enn bert um grundspælið, har stig- ini at kalla bert telja hálvt, men sálarliga hevur tað helst stóran týdning, at munurin ikki gerst ov stórur ov tíðliga. Hin dysturin leygardagin verður millum Neistan og Tjaldur, og eftir úrslitunum higartil at døma, so verður talan her um tryggan heimasigur. Sunnudagin eru so aftur tveir dystir á skránni. Í Havn fara Kyndil og VÍF at dystast um, hvør teirra skal sleppa sær longur úr botn- inum. Bæði fingu tey síni fyrstu stig í triðja umfar- inum, og so verður spenn- andi at síggja, hvørt tað verða Ioana Rápa og VÍF ella Lotte Sørensen og Kyndil, sum fara avstað við stigunum. Seinasti dysturin er á Skála, har VB vitjar StÍF. Eftir tepra tapið fyri Stjørn- uni í fyrsta umfarinum hevur VB víst, at tær ætla sær at fylgja við í oddinum, og so er kravið heilt einfalt ein sigur á Skála. C M Y K 19 18