hósdagur 25. januar 2018síða 51

VINNUBLAÐIÐ HJÁ MIÐLAHÚSINUM 27 januar 2018 26 eri, og at eg má bara taka tað, sum tað kemur. Tað loysir seg ikki at stúra fyri nøkrum, sum ikki er hent, sigur Birgit Stakksund. Støðast hjá Posta Nógv fólk eru komin og farin hesi 40 árini, sum Birgit Stakksund og Birgit Viderø Gunnarsson hava starvast innan postverkið. Kortini er tað ikki óvanligt, at fólk hava 40 ára starvsdag hjá Posta, og tær báðar eru samdar um, at hetta er ein ábending um, at Posta er eitt gott arbeiðs­ pláss. Birgit Viderø Gunnarsson heldur, at tað sum heild eyðkennir almennar stovnar, at starvs­fólkini støðast sera væl, og hjá Posta hava fleiri havt 40 ára starvsdag í seinastuni. Nøk­ur koma afturat í ár og næsta ár. - Men vit, sum eru tillkomin, fækkast sjálv­andi, og tað eru eisini nógv ung, sum søkja starv hjá Posta. Serliga søkja tey inn á fraktdeildina, har speditørarbeiðið er sera spenn­andi, sigur Birgit Viderø Gunnarsson. Almenn móttøka Tey, sum hava starvsdag hjá Posta, kunnu velja, um tey vilja hava almenna móttøku í sam­bandi við dagin. Birgit Viderø Gunnarsson var ikki í iva um, hvat hon skuldi velja. - Eg valdi sjálvandi almenna móttøku. Hví skal mann grava seg niður? Nú var eitt høvi at siga, at eg havi arbeitt her í 40 ár, og vera errin av tí, sigur hon. Birgit Stakksund var meira ivasom, og sigur, at hon hevði ikki havt almenna móttøku, um mót­tøkan ikki hevði verið fyri einum øðrum starvs­felaga eisini. Hinvegin ivaðist hon ikki í at hava almenna móttøku saman við Birgit Viderø Gunnarsson, nú bara 10 dagar vóru mill­um 40 ára starvsdagarnar hjá teimum báð­ um. Móttøkan var seinnapartin í gjár. Tær báðar greiða frá, at tey flestu starvs­ fólkini velja ikki at hava almenna móttøku, men at nakrar almennar móttøkur hava kortini ver­ið hjá Posta. - Kanska vit báðar kunnu skapa fordømi og broyta tann vanan, sum hevur verið, sigur Birgit Viderø Gunnarsson. Eitt øðrvísi Posta Hvørki Birgit Viderø Gunnarsson ella Birgit Stakk­sund stúra fyri framtíðini hjá Posta. - Tá tað vóru so nógvar uppsagnir, so hugs­aði mann um, hvørjum hetta fór at enda við. Men tað var bara beint tá, sigur Birgit Stakk­sund. Birgit Viderø Gunnarsson væntar heldur ikki, at Posta fer at hvørva í framtíðini. - Men tað verður nokk ikki tað siðbunda post­verkið. Tað verður eitt øðrvísi postverk, sigur hon.