mánadagur 18. desember 2017síða 13

13 Mánadagur 6. januar 2014 · Nr. 2 Sosialurin Mánadagur 18. desember 2017 · Nr. 147 Hugskot og viðmerkingar – send sms til 225000 STUTTSØGD Kasper Lorenzen og Bárður Bendix Mikkelsen eru saman við Marienlyst steypavinnarar í donskum flogbólti. Skála hevur styrkt seg í Betrideildini, og so taka vit samanum gongdina hjá føroyingunum í donskum hondbólti FLOGBÓLTUR Seinastu dystirnir í bólka­ spælinum í steypa­kappingini hava verið um vikuskiftið. Hjá kvinnum verða tað Drátt­ ur og Mjølnir, sum hittast í aðrari hálvfinaluni, meðan Fleyr og TB hittast í hinari. Dráttur vann í gjár greiðan 3-0-sigur (25-20, 25-23, 25-18) ímóti Ternuni og er víðari sum eittari í bólki 1, meðan TB vann seg víðari sum tvey- ari við 3-1-sigri (15-25, 27-25, 25-21, 25-22) ímóti Ternuni. Í bólki 2 fer Fleyr víðari sum eittari eftir 3-0-sigur (25-21, 25-17, 25-19) ímóti KÍF, sum situr eftir við svartaperi og ikki sleppur víðari. Tvey-ari gjørdist nevniliga Mjølnir, sum í sínum dysti fyrst í hesum mánaðinum vann 3-0 ímóti KÍF. Í steypakappingini hjá monn­um varð seinasta um­ far í bólkaspælinum í steypa­ kapp­ingini somuleiðis spælt hetta vikuskiftið. Tað er longu nú greitt, at SÍ verður annað liðið í finaluni, tí har er nevniliga tað merkisverda hent, at SÍ a og SÍ b hittast í aðraru hálvfinaluni. Tað sera væl mannaða B-liðið hjá SÍ, sum kanska heldur minn­ur meira um eitt A-lið, var longu víðari sum eittari undan gjárdegnum, har Mjølnir við 3-0-sigri (25-21, 25-9, 25-18) ímóti TB tryggjaði sær seinna hálv­ finalu­plássið úr bólki 1. Teir skulu í hálvfinaluni hitta ÍF, sum í gjár vann ruddi­ ligan 3-0-sigur (25-18, 25-12, 27-25) ímóti Fleyr b. Høvuðs­ stað­ar­felagið, sum annars er nummar tvey í lands­ kapp­ingini, fær harvið einki av liðum sínum víðari í steypakappingini. Leygardagin gjørdist Marien­lyst danskur steypa­ vinnari í flogbólti. Í hópinum vóru tveir føroyingar, nevni­ liga Kasper Lorenzen sum spælari og Bárður Ben­dix Mikkelsen sum hjálpar­ venjari. Tað hevur annars ikki gingið nakað serligt hjá Marienlyst í ár, har teir eru á 5. plássi í lands­ kapp­ingini og hava tapt 3-0 ímóti júst Gentofte, sum teir leygardagin vun­nu heldur óvæntað 3-1 ímóti í steypafinaluni í Frederiks­ berg-høllini í Keyp­manna­ havn. Settúrs­lit­ini vóru 25-23, 18-25, 25-20, 25-20. Kasper er sørvingur og hevur spælt við SÍ fram til hann í summar fór til Danmarkar at lesa, meðan Bárður Bendix Mikkelsen, ið eisini er føroyskur lands­liðs­ venjari, í fleiri ár hevur verið hjálparvenjari hjá Marien­ lyst. FÓTBÓLTUR Niels Pauli B. Danielsen, ið seinastu árini hevur skift eitt sindur ímillum KÍ og EB/ Streym, men í fjør spældi við ÍF, fer nú at royna nýggjar leiðir. Hann hevur nevni­liga skrivað undir sáttmála við Skála. Tað boðar Skála frá í tíðindaskrivi. Sátt­mál­in er galdandi fyri kapp­ingar­ árið 2018. Niels Pauli er 28 ára gamal, og hann hevur skotið 20 mál í 166 dystum í Effodeildini. Skála boðar í somu syftu frá, at Rúni Rasmussen er settur sum hjálparvenjari hjá Eyðuni Klakstein, ið tekur venjara­ gerningin uppaftur og skal standa á odda fyri Skála næsta kappingarár. Erling Jacobsen, fastur fúsur í miðverjuni hjá meistar­unum í Víkingi, spælir – sum støðan er í løtuni – ikki við nøkrum í Betri­deildini fyrstu dystirnar næsta ár. Tað avdúkar hann í samrøðu við Norðlýsið. - Eg fari at sigla í januar og februar, og tað er ein partur av míni útbúgving. So eg taki ikki støðu fyrr enn í mars mánað hvussu verður við fótbóltinum. Eg føli meg eitt sindur mettaðan, og hóast eg havi tosað við fleiri felag, so havi eg ikki vilja bundið meg til nakað sum støðan er í løtuni, sigur 27 ára gamli verjuleikarin við heimasíðuna hjá Norð­ lýsi­num. Okkurt bendir tí­skil á, at nýggi venjarin, Maurice Ross, má finna sær ein annan mann at mynda mið­verjupar saman við lands­liðsliðskiparanum, Atla Gregersen. HONDBÓLTUR Tað kom illa við hjá Odder, sum hevur Helga H. Hoy­ dal á liðnum, at teir leyg­ar­ dagin taptu heldur óvænt­að á útivølli ímóti Team Syd­ havsøerne. Dyst­urin endaði 32-29 til heima­liðið, sum var á odda 14-10 í hálv­leiks­ steðginum. Team Syd­havs­ øerne er einans nummar sjey í hesi næst­bestu donsku hond­bólts­deild­ini, men Odder, sum er nummar tvey, kann tó ugga seg ið, at argasti kappingarneytin, sum var á triðja plássi, nevniliga Randers HH, eisini tapti hetta vikuskiftið. Hinvegin vann Lemvig-Thyborøn og er nú, eins og Randers HH, einans eitt stig aftanfyri Odder og Helga H. Hoydal. TMS Ringsted er nummar eitt og fýra stig frammanfyri. Nummar tvey og trý sleppa at spæla uppflytingarspæl ímóti trið- og næstaftasta lið­num í bestu deidini. Tað hevur annars ikki verið nógv av føroyskum íkøst­um í næstbestu donsku deild­ini hetta vikuskiftið. Donsku leikararnir á før­ oyska landsliðnum, Nicklas Selvig og Peter Krogh, hava tó verið í dysti. Nicklas Selvig kom ikki á máltalvuna í 29-21-sigrinum hjá TMS Ring­sted, men Peter Krogh skeyt í síðstu viku eitt mál fyri Skive fH 32-25-tapi. Hinir báðir føroyingarnir í deild­ ini, Rói Berg Hansen í FIF og Jónas G. Djurhuus í HØJ, spæla ímóti hvørjum øðrum týskvøldið kl.19.00 føroyska tíð. Jóhan á Plógv Hansen og lið­felagarnir í Bjerringbro- Silkeborg vóru fyri einum vónbroti av einum tapi, tá ið teir leygardagin óvæntað taptu 31-30 á heimavølli ímóti Nordsjælland Håndbold. Heima­liðið var annars á odda 14-10 í hálvleikssteðginum. Ein góður uggi fyri Jóhan var tað helst, at hann skeyt trý av málunum – tað mesta síðani hann fyrr í hesum mánaðinum spældi sín fyrsta dyst eftir drúgva skaðan. Bjerringbro-Silke­ borg er á triðja plássi seks stig aftanfyri oddaliðið Skjern og fýra stig aftanfyri numm­ar tvey, ið er GOG. HM-finala í kvinnu­ hond­bólti varð spæld í gjár, har tær yvirlegnu norsku kvinnur­nar nærum sjálvsagt vóru í finaluni, har tær hittu Frak­land. Púra óvæntað var tað Frakland, sum vann finalu­na við tveimum málum – 23-21. Hetta var aðruferð í søguni, at Frakland gerst heims­meistari hjá kvinnum. Fyrru ferð var í 2003. TV2- frá­søgumaðurin kallaði hetta fyri eina fullkomna sensa­tión. - Ein taktiskur sigur í heimsflokki, legði ser­frøðingurin Bent Nye­ gaard afturat. Noreg hevði annars vunnið seg fram­við teimum argastu kapp­ingar­ neytunum, Russlandi og Svøríki, á vegnum til finalu­ na. Føroyingar danskir steypavinnarar