hósdagur 21. desember 2017síða 26

FRÍGGJADAGUR 22. DESEMBER 2017 SOSIALURIN 149 26 TRÓNDUR ARGE F yrr í hesum mánaðinum bleiv Cristiano Ronaldo kunngjørdur sum vinn­ari av Ballon d’Or bólti­ num. Hann vann heiðurin framman­fyri Lionel Messi, sum bleiv nummar tvey. Hetta er fimtu ferð, at Cristia­no Ronaldo vinnur gylta bóltin. Hann hevur vunn­ið eins nógvar og kapp­ ingar­neytin úr Argentina og FC Barcelona. Seinastu tíggju árini hava teir báðir vunnu gylta bóltin. Leingi sá út til, at Lionel Messi fór í søguna sum tann meiri vinnandi av teimum, men her hevur Cristiano Ron­al­do av álvara svarað aftur seinastu tvey árini. Hann hevur vunnið tvey Cham­pions League heiti, tveir gyltar bóltar, La Liga, World Club Cup og Super Cup í bæði Spania og Evropa. Hann setur persónlig met fyri at kalla hvørt máli hann skorar, men tað er eisini ein sann­leiki, at nú eru næstan bara málini eftir hjá 32 ára gamla portugisanum. Tí er hann á øðrum plássi hjá Sosiali­num. Ballon d’Or 2017 7. desembur kunngjørdi France Football, franska tíðar­ritið, ið rekur og skipar fyri Ballon d’Or, at tað var Cristiano Ronaldo, sum vann heiðurin hesaferð. Av­ myndaður við Eiffel torni­ num í bakgrundini, sæst lið­skiparin hjá Portugal halda gylta bóltinum í aðrari hondini, meðan hann við hinari hondini vísir á, at hetta er tann fimti av sínum slag. Cristiano Ronaldo var eisini favorittur at vin­ na bóltin hesaferð. Real Madrid vann La Liga, Champ­ions League og stór­ steypa­dystirnar í bæði Spania og Evropa. Cristiano Roanldo er blivin ímyndin av góðu gongdini hjá Real Madrid seinnu árini, eins og Lionel Messi var tað fyri FC Barcelona í tíðini und­ir millum annað Pep Guardiola. Tað passar nokk meiri um Cristiano Ronaldo fyrr, enn tað ger nú. Í dag er Cristi­ ano Ronaldo meiri stjørn­an á jólatrænum, heldur enn grundarlagið undir konga­ felag­num. Tá tað er sagt, so er jólastjørnan krúna á verki­num, sum fær alt at ganga upp í eina hægri eind. Tað, sum Cristiano Ronaldo avrikaði í avgerandi um­før­unum í Champions League farna kappingarár, er einki minni enn fantastiskt. Tí verður ongin, ið atkvøður fyri honum bríkslaður fyri tað, men restina av kapp­ ingar­árinum setti hann ikki stórvegis dám á stóru dystir­nar. Tað bleiv sum so heldur ikki kravt av honum, tí Real Madrid vann tað, sum vinnast skuldi. Alíkavæl, so fær Lionel Messi fyrsta plássið frá Sosialinum, men her er týdn­ingarmikið at skilja, at Cristiano Ronaldo fær eitt greitt annað pláss, umframt at hann fekk fyrsta plássið frá Sosialinum, tá hann í 2016 somuleiðis vann Ballon d’Or. Lionel Messi er betri Í ásetingunum til at atkvøða fyri Ballon d’Or stendur, at tað eru nøkur fyrilit, sum tey í atkvøða skulu hava. Millum annað skal vekt leggjast á liðsigrar, avrik í stórum dyst­ um, hava samlaðu yrkis­leið­ ina í huga, umframt atburð. Hetta gav Cristiano Ronaldo at­kvøðurnar í fjør, men í ár er øðrvísi, hóast mestingin er tann sama. Eins og í fjør, so er met­ ingin at Lionel Messi í størri mun setur sín dám á dystir­ nar við sínum egin­leik­um. Øll tøl innan hvítu linjurnar siga eisini, at Lionel Messi er meiri íblandaður spælinum. Dribblingar, avlevering, upp­ legg og mál. Ein av størstu dystunum í hesum árinum var El Clasico í Madrid, tá Lionel Messi totalt sat á øllum dysti­num. Uttan Neymar Jr, sum tá hevði leikbann, tók bóltsnillingurin sakina í egnar hendur og vísti øllum heiminum, at hann er í ser­flokki, meðan Cristiano Ronaldo ikki stóð sterkur í myndini, tá liðið rundan um hann ikki stóð sterkt. Í árinum, sum atkvøðast skal fyri, hevur Lionel Messi skorað 48 mál í 54 dystum, ellivu fleiri enn Cristiano Ronaldo, lagt upp til fleiri mál, og hevur mangan eitt fót við í uppspælinum, tá Barce­lona fer í álop. Lionel Messi hevur eisini í hesum kappingarárinum víst, at hann er væl fyri og hev­ur nærmast bjargað Barce­lona úr kreppuni, sum lið­ið kom í, eftir at Neymar Jr bleiv seldur til PSG. Liðið hevur 11 stig niður til Real Madrid í La Liga undan El Clasico í morgin. Tó at Barce­lona hevur spælt ein dyst fleiri. Atkvøðan til Lionel Messi er ein atkvøða fyri tí spælara­num, sum á størst mun hevur sett sín dám á altjóða fótbólt farna árið – sæð yvir alt árið. Heiður til Buffon Lionel Messi og Cristiano Ron­aldo eru í einum flokki fyri seg. Tað er langt niður til triðja plássið, sum mangan hevur verið brúkt til at heiðra tann besta av restini, ella at geva einum serligum spælara viðurkenning. Hesa ferð fellur triðja pláss­ið til legendariska mál­ verj­an hjá Italia og Juven­t­ us, Gianluigi Buffon. Hann verður 40 ár í komandi mán­ aði. Hetta hevur nokk ikki v e r i ð hansara besta ár, men hetta er í ávísar mátar ein lívtíðsheiður, at hann fær triðja plássi. Tá er vert at viðmerkja, at Juventus vann Seria A og kom í Champions League við millum annað sterk­um verjuspælið, har Gian­luigi Buffon stóð sterk­ ur í myndini. Hetta minnir kanska eitt sindur um, tá Ryan Giggs vann heitið sum ársins spælari í Premier League í 2009. Tað var ikki hansara besta ár og helst vóru onkrir, sum vóru betri enn hann, men her spældi átekningin um, at írokna yrkisleiðina við, inn. Eisini stendur Gianluigi Buffon ovarliga á listanum yvir spælara, hvørs atburður er fyrimyndarligur. Neymar Jr Tað var hørð kapping um tey seinastu plássini. Her kann argumenterast fyri teir flestu, men valið fall á Neym­ ar Jr úr Paris Saint-Germain, og N’Golo Kanté úr Chelsea. Tað er altíð eitt kjak um hvat er ein góður fótbólts­ spælari, um ein áleypari hevur størri týdning enn ein mál­verji, og so framvegis. Á hes­um listanum er tað blivið pláss fyri eitt sindur av hvørj­um, so tú kundi sagt, at atkvøðurnar hesa ferð eru nakað fordeildar millum bólkar­nar. Neymar Jr hevur í hes­um árinum sprongt øll met, sum heimsins dýrasti fót­bólts­ spælari. Tað er væl ein orsøk ÍTRÓTTUR Cristiano Ronaldo er vinnari av gylta Ballon d’Or bóltinum fyri fimtu ferð. Hann hevur nú fingið Lionel Messi aftur, og hevur staðfest, at hann ikki er liðugur sum fótbóltsspælari á toppinum – men Lionel Messi fekk føroysku atkvøðurnar REAL MADRID OG RONALDO BEST – MESSI BETRI Ballon d’Or: Cristiano Ronaldo við gylta bóltinum í hondini