hósdagur 28. desember 2017síða 4

FRÍGGJADAGUR 29. DESEMBER 2017 SOSIALURIN 150 4 Pakkar til russisk sjófólk Í nógv ár hava føroyingar latið russum, sum eru í Føroyum og sum sigla um okkara leiðir, jólapakkar, og tað er Árni Dam, sum trúliga hevur tikið sær av at samskipa jólapakkarnar. - Russar eru ógvuliga glaðir og takksamir fyri pakkarnar, sum teir hava fingið í Føroyum. Teir halda jól 6. januar, og soleiðis er tíð enn til at lata russiskum sjófólki eina jólagávu í ár. Maria í Akrabyrgi, stjóri í Faroe Agency, sigur, at tað hevur rørt mong russisk hjørtu, at teir hava fingið jólapakkar úr Før­oyum, tá teir um jólini eru so langt burtur frá sínum kæru heima. - Øll, sum eru so beinasom og vilja lata russiskum sjófólki ein jólapakka, kunnu leggja pakkan ella pakkarnar inn á skrivstovuna hjá Faroe Agency Yviri við Strond í Havn. Stjórin í Faroe Agency sigur, at tey, sum vilja lata jólapakka, men sum ikki vita, hvussu tey skulu bera seg at, kunnu ringja á tlf. 351990 ella á tlf. 231999. Vikan ið fór Sæð á Facebook: Í fótbóltskappingini fyri sjómenn verður ikki loyvi at fiska 19 and 20 got into a fight. 21. Smyril Line hevur keypt Hotel Hafnia Rúni Djurhuus, Petur Slyne og Bárður Brimvík keypa p/f Wenzel. Pedagogarnir valdu av avlýstu verkfallið á jólum Hotel Streym í Havn keypir grannaognina at brúka til hotel Pedagogfelagið og Fíggjarmálaráðið eru farin aftur til semingsborðið Tollaksmessa MEST NÝTTA ORÐIÐ HESA VIKUNA ...uppá ein minutt krónur – tað er vikulønin hjá Paul Pogba, miðvallaranum hjá Manchester United. Hann tjenar mest í Premier League. 2.431.781 Meðan hini norðurlondini nevna dagin lítla jólaaftan, kalla føroyingar og íslendingar 23. desembur fyri Tollaksmessudag. Dagurin er uppkallaður eftir Tollakki Tórhallsson, sum var íslendskur biskupur. Hann doyði 23. desembur 1193. FRÍGGJADAGIN 3-8 m/s Lot til andøvsgul av norðri, 3 til 8 m/s. Samdrigið og okkurt vátaslettings- ella kavaæl. Hitin millum 3 kuldastig og 3 hitastig. LEYGARDAGIN 3-8 m/s Lot til andøvsgul av eystri, 3 til 8 m/s. Sólglottar, men møguliga okkurt vetraræl. Hitin millum frostmarkið og 5 hitastig. GAMLAÁRSKVØLD 10 m/s Upp í stívt andøvsgul av eystri, um 10 m/s. Yvirhøvur skýggjað og stundum regn, vátaslettingur ella kavi. Hitin millum 1 og 5 hitastig. NÝGGJÁRSDAG 8-13 m/s Andøvsgul upp í ein strúk av landnyrðingi, 8 til 13m/s. Yvirhøvur skýggjað og stundum regn, vátaslettingur ella kavi. Hitin millum frostmarkið og 5 hitastig. Útlendsk tíðindafólk á nýggjárshald í Vági Nýggjárshaldið í Vági er uttan iva tað størsta og kendasta nýggjárshaldið í Føroyum. Hvørt ár leita hundraðtals fólk sær til Vágs á nýggjárinum at uppliva hetta forkunnuga tiltak á ársins síðstu nátt. Seinastu árini hevur eisini vaksandi áhugi verið fyri Nýggjárshaldinum í Vági uttanfyri landoddarnar og eisini í útlendskum miðlum. Nýggjárshaldið í Vági hevur sum verða man fleiri ferðir verið umrøtt í norðurlendskum miðlum, og fyri 4 árum síðani var Nýggjárshaldið í Vági eisini umrøtt í CNN, tá mynd, sum Reidar Joensen tók, varð víst í CNN. Eisini freelance myndafólk hava verið í Vági á nýggjárinum, drigin av stórslidna tiltakinum – t.d. Alexander Böethuis, sum tók myndina omanfyri í 2015/2016. Í ár hava fleiri útlendskir journalistar og myndafólk eisini boðað frá, at tey koma til Nýggjárshaldið í Vági. Millum hesi er amerikanskur journal­ istur og myndamaður/films­maður, sum m.a. ætlar at skriva grein til New York Times um Nýggjárshaldið í Vági. New York Times hevur umleið 9,3 milliónir lesar av dagligu útgávuni og er størsta avís í USA og 18. mest lisna avís í Heiminum. Nýggjárshaldið í Vági fær eisini vitjan av fronskum journalisti og myndamanni, sum hevur skrivað greinar til stóra franska blaðið Le Monde. Le Monde telist millum størstu avísir í Fraklandi. Eisini hesin hevur ætlanir um at fáa greinar um og myndir frá Nýggjárshaldinum í Vági í fleiri ymiskar miðlar. Visti tú? Jákup Mikkelsen og Magni Laksafoss hava mest fráveru í tinginum?