hósdagur 28. desember 2017síða 42

Fríggjadagur 29. desember 2017 26 Sosialurin Brot og bitar úr árinum, ið fór Liljan søgd úr starvi Liljan Weihe verður søgd úr starvi sum tíðinda­leiðari í Kringvarpi Føroya. Johnny í Grótinum, stjóri í Kringvarpinum, metir, at tíðindaleiðaran við illoyalum atburði móti stovninum hevur skatt umdømið hjá stovninum og álitið á leiðsluna á ein slíkan hátt, at avgerð er tikin um at loysa hana úr starvi . Timburhandlar hava avlop Teir sjey timburhandlarnir hava seinastu fimm árini havt eitt samlað avlop uppá 80 milljónir krónur áðrenn skatt, og tá skattur er goldin, er talan um eitt avlop uppá 66 milljónir krónur. Tað vísir greining, sum Vinnan hjá Sosialinum hevur gjørt. Verður hugt eftir marknaðarpørtum sæst, at Bygma Balslev er nógv tann størsti timburhandilin við einum marknaðarparti uppá 41 prosent. Tá talan er um avlop er marknaðarparturin hjá Bygma Balslev enn størri heili 47 prosent. Desember: Havnarmaðurin Bartal í Gongini hevur júst verið í India, har pápi hansara doyði. Tað bleiv ongin vanlig jarðarferð Tað er eitt vanligt gerandiskvøld í Hoyvík. Familjan situr øll við nátt­ verðaborðið, tá ið telefonin brád­ liga ringir. – Eg síggi, tað er eitt indiskt tele­fonnummar sum ringir, so eg skundi mær at taka telefonina. Pápi mín hevur seinastu 18 árini búð í India, sigur Bartal í Gongini. Hann tekur telefonina, men tað einasta hann hoyrir er grát og ein persón, sum sigur inn ímillum: Bartal, Bartal, Bartal. Bartal í Gongini skilir, at tað er Jayant, sum er í telfonini og at okk­ urt álvarsamt er hent. – Jayant hevur verið um pápa mín, tey árini hann hevur verið í India, men vit fáa ikki gongd á nakra samrøðu. Knappliga fer tele­ fon­sambandið millum Føroyar og India bara, sigur Bartal í Gongini. Øll sita bara sum Kánur og skilji ikki hvat er áfatt. Har var bara eitt at gera og tað var at ringja upp­ aftur. Nú fæst eitt sindur meira skil á, men framvegis er talan um eitt knortlut samskifti. Jayant sigur: When are you coming? Babba is no longer here. Hetta er tó til at skilja. Eivindur í Gongini er farin, brádliga deyður í songini. Bartal í Gongini tekur eina skjóta avgerð. Bíleggur ferðaseðlar úr Føroyum og víðari til Goa í India. Hann fer ikki einsamallur avstað, men hevur mammu sína, Katrin í Gongini, við sær. Koma til India Beiggi Jayant, Arvin, er eftir teim­ um á flogføllinum og koyrir tey heim – ein túrur sum tekur ein tíma. Ferðin hevur verið long og strígg­in, so farið verður beinan vegin til songar. Mikudagurin verð­ ur mest brúktur til hvíld eftir langa flúgvitúrin og sálarligu møðina eftir at hava fingið at vita, at pápin er deyður og liggur í einum líkhúsi í India. – Hósmorgunin fara vit á løg­ reglu­støðina. Vit bíða leingi, men vit noyðast at hava tol, tí ymisk skjøl skulu skrivast áðrenn vit sleppa at síggja babba, sigur Bartal í Gong­ini. Eivindur í Gongini stendur und­ ir børu í einum líkhúsi, sum eit­ur “One Stop Center.” Tá ið tey koma hagar, noyðast tey aftur at bíða eftir at sleppa at síggja líkið. Hitin er nógvur – um 33 stig. Lík verða koyrd aftur og fram, meðani tey bíða, og lukturin er ikki serliga te­ spi­ligur. Endiliga koma teir við lík­ in­um og koyra tað inn í eitt hús. – Deymurin er ringur, men eg skal inn at eyðmerkja líkið av babba, so eg havi onki val. Tá ið tað er gjørt, skal eg skriva undir eina løg­reglufrágreiðing. Løgreglan hev­ur skrivað alt sum er hent og eg skrivi undir. Tá ið tað er hent, koyra vit í hýruvogni heimaftur til Baga, sig­ur Bartal í Gongini. Tá ið hetta er yvirstaðið, fara hann og mamman at fáa sær ein bita, meðan tey bíða eftir at nøkur fólk koma úr Føroyum. Systrarnar hjá Bartali, Barbara og Gyðja og tvey vinfólk hjá Eivindi í Gongini. Ein dagur verður brúktur til at vera sam­an og minnast Eivind í Gongini, sum júst er farin. Jarðarferðin Sunnudagin er jarðarferðin. Bartal í Gongini og Jayant fara til “One Stop Center”-líkhúsið eftir líkinum. Aftur eru tað skjøl, sum skulu skriv­ast undir, men so kunnu teir eisini fáa líkið við sær. Tað verður lagt í ein líkbil, sum skal koyra tað, meðan Bartal í Gongini koyrir aftaná við skutara. – Eitt sindur undarligt. Fyrst koyrir líkbilurin, sum ein slíkur plag­ar at koyra, men tá ið komið er eitt sindur á leið, setir hann ferðina upp og yvirhálar eina rúgvu av bilum, so skutarin hevur torført at fylgja við. – Men at enda koma vit til staðið, har lík verða brend. Mamma, systrarnar og vinfólkini hjá babba sita har og bíða, tá ið vit koma fram, sigur Bartal í Gongini. Eisini familja og vinfólk hjá Eivindi í Gongini í India eru komin til staðar. Líkið verður lagt á eina børu og so á eitt eldstað. - Vit leggja øll fyrst blómur og so greinar á likið og siga babba eitt seinasta farvæl. Síðani hendir tað, sum fyri okkum er heilt óvanligt , sigur Brtal í Gongini. Eitt sindur av bensini verður stoytt á líkið og so skal festast í. - Jayant og eg fáa ein fakkil, og Brendi pápa sín á báli Vilja strika samkynd hjúnaband Tað verður framvegis eitt høvuðsmál hjá Miðflokkinum at broyta hjúnabandslógin aftur, so at samkynd hjúnalag aftur verður bannað. Og tað verður eitt krav, tá ið samráðingar verða aftur um samgongu. – Sjálvandi ber tað til. Hendan samgongan broytti lógina og tað er púra einki í vegin fyri at ein komandi samgonga broytir hana aftur, sigur Jenis av Rana, formaður í Miðflokkinum. Nýskipan samtykt Umsíðir verður fiskvinnunýskipanin samtykt í løgtinginum. 18 atkvøður eru fyri og 15 ímóti, tá ið uppskotið kemur til endaliga atkvøðugreiðslu. Uppskotið hevur fylt sera nógv í føroyskum politikki seinastu tvey árini, og tað hevur fleiri ferðir staðið nógv á hjá samgonguni, sum hevði ilt við at semjast um uppskotið. Stórur tørvur á jólahjálp Tá freistin at søkja um jólahjálp var úti, hevði Barnabati fingið umsóknir um jólahjálp frá 255 barnafamiljum. Talan er um einar 50 umsóknir færri enn í fjør. Nógv tann størsti parturin av umsóknunum er frá barnafamiljum, sum eru í fátækaváða. Í ár hava 218 barnafamiljur í fátækaváða søkt um jólahjálp frá Barnabata. Tilsamans er talan um 800 fólk, harav 367 eru børn í aldrinum 0-13 ár, og 88 eru ung frá 14-17 ár. Umsóknirnar eru frá familjum kring alt landið. DES 2017 Mær dámar væl tað lítla samfelagið. Sum heild eru fólk skilagóð og konstruktiv, men um okkurt hjartasuff kemur, taki eg tað ikki illa upp. So tosa vit um tað og fara víðari, og eg havi ongar trupulleikar við at hyggja fólk í eyguni aftaná. Jóhan Christiansen, borgarstjóri í Eysturkommunu Tingini kunnu síggja sera ljós út, men so dettur tað niður fyri í seinastu løtu. Men tú mást fara eftir øllum kjansum, tí tað kann vera, at onkur teirra blívur til nakað. Hóast tú verður avvístur og vónbrotin við hvørt, mást tú ikki missa mótið, men fara víðari. Dánjal Rói Olsen, yrkistónleikari í London