hósdagur 4. januar 2018síða 22

FRÍGGJADAGUR 5. JANUAR 2018 SOSIALURIN 2 22 FISKIVINNU­SKIPANIN ER NÚ FARIN AT VIRKA Á nýggjárinum var nýggja lógin um fyrisiting av sjófeingi sett í gildi og fleiri skip eru farin til fiskiskap eftir nýggju lógini ÁRNI GREGERSEN T að tók langa tíð og tað var stríggið, men 1.januar fór lógin um fyrisitng av sjófeingi at virka. Lógin avloysti gomlu lógina um vinnuligan fiskiskap og hevur fleiri broytingar við sær. Tær fyrstu sóust longu tá ið rættindfini at fiska skuldu skrivast ú, so skipini sluppu til fiskiskap eftir nýggjár. Nú eru veiðuloyvini burtur og í staðin fyri fáa rættindahavararnir loyvi at fiska. Sjálv fyrisitingin av hesum tók nakrar dagar, men nú hendan vikan gongur móti endanum hava tey flestu fingið loyvini at fara til fiskiskap. Vørn útskrivar loyvini og har hava tey arbeitt við fullari ferð. Tey hava raðfest eitt sindur efir, hvør skjótast skuldi avstað. Línuskipini eru farin á Flemish Cap og uppsjóvar­ skip­ini eru eisini farin avstað. H esi hava øll fingið loyvir, eins og heimaflotin hevur fingið tey. Viðvíkjandi smærru bátunum og hava eisiniteir flestu fingið loyvini, men Vørn hugdi eitt sindur eftir, hvørjir bátar hava fiskað og so latið teimum loyvini fyrst. Broytingarnar Broytingarnar, sum eru nevndar omanfyri eru í stóran mun av fyrisitingarligum slag nú. Aðrar broytingar fara eisini at henda í ár, men tað verður so við og við. Rættindini skulu seljast á uppboði, men tann kunngerðin er ikki gjørd enn . Væntandi verður hon lýst seint í januar. Ein annar partur, sum kanska ikki hevur fingið so stóra umrøðu er, at flestu manningarfeløgini skulu gera nýggjar sáttmálar við reiðararnar. Fiskimannafelagið liggur í beinleiðis sáttmálaloysi, með­ an onnu manningarfeløg hava longt sáttmálarnar til 1.mei. Lógin um fyrisiting av sjófeingi kann gott fara at hava stóra ávirkan á sáttmálasamráðingarnar. Síðani slupptíðina hevur tað verið soleiðis, at umleið 40 prosent av virðinum av veiðuni er fallið til manningina, meðan reiðaríni hava havt 60 prosent eftir. Manningarfeløgini rokna sjálvandi við, at teirra partur ikki minkar, men tað kann gott vera, at reiðararnir far at krevja, at manningarparturin minkar nakað. Onkrar útrokningar vísa, tá ið nú keyp av rættindum á uppboðssølui og veiðugjald annars verða ein partur av útreiðslunum hjá skipounum, so verður minni eftir til reiðaríið. Nú verður tað ikki longur so, at gjaldið fyri rættindini á uppboði kann krevjast av óbýttum. Nú er hetta ein partur, sum reiðarin skal gjalda einsamallur. Hesi viðurskiftini fara at ger, at manningin fr at hava meira eftir enn reiðarin, tá ið borið verður saman við teir sáttmálar, sum eru galdandi í dag. Tað fer at gera, at sáttmálasamráðingarnar millum reiðarar og manningafeløini helst verða rættuliga harðar. Skal standa sína roynd Politisku samráðinganar um nýggju lógina vóru ógvuliga harðar og stundum eisini hvassorðaðar. Vinnan var so at siga ímóti øllum broytingum. Men nú er lógin sett í gildi og flestu vinnulívsfólk, sum vit hava havt samband við siga, at nú má lógin standa sína roynd. Vinnan hevur ongar ætlanir at arbeiða ímóti lógini, men vil heldur royna hvussu alt virkar – og so kanska heldur meira aktivt at arbeiða ímóti at fáa gjørt tað sum ikki riggar nóg væl umaftur. Politiska skipanin og landsstýrismaðurin við fiski­vinnu­ málum hevur sagt, at er okkurt sum ikki virkar eftir ætlan so er vilji sjálvandi til at gera broytingar. Vinnan hevur eisini eyguni eftir smálutum í nýggju skipanini og hvussu alt virkar. Langfararskpini, sum veiða í Barentshavinum, við Flemish Cap og uppsjóvarskipini tykjast at kunna fiska nú og tað sama ger seg galdandi fyri heimaflotan. Broytingin við, at eitt felag ella persónur fær rættindini ger eisini, at nú avger tann, sum fær rættindini hvusu tye verðabrúkt og við hvørjum skipi fiskurin verður veiddur. Ein treyt er, at manningin er lønt eftir føroyskum sáttmála. Tað skal rærrindahavarin vátta, ´ðarenn skipini fáa loyvi at fiska. FISKIVINNUSKIPAN Leys størv á Landssjúkrahúsinum Starvsfólk til køkin Umsóknarfreist 16.januar 2018 Intro í intern medicin Umsóknarfreist 12.juni 2018 Sjúkrarøktarfrøðingur til farloyvisstarv á B&U, Psykiatriski depilin Umsóknarfreist 8. Januar 2018 Sjúkrarøktarfrøðingur til B8 Umsóknarfreist 7. Januar 2018 Intro í ortopædkirurgi Umsóknarfreist 8. Januar 2018 Verkætlanarfólk til Fyrisitingina Umsóknarfreist 5. Januar 2018 Leiðandi sjúkrarøktarfrøðingur til Bráðdepilin Umsóknarfreist 18. Januar 2018 Sjúkrarøktarfrøðingur til P50, farloyvisstarv, endurlýsing Umsóknarfreist 19. Januar 2018 Sjúkrarøktarfrøðingar til B7 Umsóknarfreist 19. Januar 2018 Les meira og sí fleiri størv á www.ls.fo PROKLAMA Øll, sum hava krøv í búnum eftir Herdis Vilhelmina Olsen, Kálvalíðvegur 2, 370 Miðvágur, fødd tann 6. apríl 1923, deyð tann 15. november 2017, og fyrr deyða hjúnarfelaga Joen Emil Olsen, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Petur Even Djurhuus, Yviri við Strond 4, 100 Tórshavn, vísandi til sks. nr. 412/2017, saman við frumriti av teimum skjølum, sum krøvini eru grundað á. FØROYA SKIFTIRÆTTUR, tann 14. december 2017. PROKLAMA Øll, sum hava krøv í búnum eftir Kirsten Valgerda Nordendal, Lýðarsvegur 19, 650 Toftir, fødd tann 5. august 1924, deyð tann 3. november 2017, og fyrr deyða hjúnarfelaga Hartvard Martin Nordendal, verða við hesum biðin um innan 3 mánaðar frá kunngerð av hesi lýsing at boða frá og skjalprógva krøv síni fyri undirritaða skiftirætti. Tikið er ikki við skuld. Krøv skulu gerast upp pr. deyðsdagin, og sendast til advokat Petur Even Djurhuus, Yviri við Strond 4, 100 Tórshavn, vísandi til sks. nr. 406/2017, saman við frumriti av teimum skjølum, sum krøvini eru grundað á. FØROYA SKIFTIRÆTTUR, tann 15. december 2017.