mánadagur 8. januar 2018síða 13

13 Mánadagur 6. januar 2014 · Nr. 2 Sosialurin Mánadagur 8. januar 2018 · Nr. 3 Hugskot og viðmerkingar – send sms til 225000 STUTTSØGD Fyrrverandi evropameistari skal vera við til at menna badminton í Føroyum. Stuttsøgdu ítróttartíðindini hesaferð gera eisini eitt legg út í heim, har nýggja ítróttarárið so smátt er farið á rull Pætur Albinus FÓTBÓLTUR Danska ítróttarsambandið skipaði leygarkvøldið fyri út­nevn­ingum av ársins ítróttar­fólkum og øðrum í donskum ítrótti, og her vórðu eisini kosnir ársins fótbólts­spælarar í árinum 2017. Hjá monnum var tað ikki óvæntað Tottenham- spælar­in, Christian Eriksen, ið varð kosin ársins leikari. Hetta var fjórðu ferð, at hann fekk hendan heiðurin. Hinar ferðirnar var í 2013, 2014 og 2015. Í 2016 var tað Leicester-málverjin, Kasper Schmeichel, ið varð kosin árins leikari. Hjá kvinnunum var tað Pernille Harder, ið varð kosin ársins leikari. Hetta var triðja árið á rað og fjórðu ferð tilsamans, at hon fekk heiðurin. BADMINTON Badmintonsamband Føroya skrivaði fríggjadagin undir sáttmála við danska venjar­ an, Sune Gavn­holt, ið kom­ andi tvey árini skal mynda lands­liðs­ven­jara­toym­ið sam­an við verandi venjara­ num, Aritra Nandy. Sune Gavn­holt er 34 ára gamal og býr í Århus saman við konuni og tveimum børn­ um. Hann er fulltíðar bad­ min­ton­venjari í Ikast IF Bad­minton. Hann hevur sjálv­ur eisini nógvar royndir sum yrkisbadmintonleikari. Hann hevur verið millum 10 teir bestu í Danmark og millum 100 teir bestu í verðini. Harafturat hevur hann luttikið í eini ørgrynnu av altjóða kappingum. Sune hevur verið danskur meistari 5 ferðir og evropeiskur meistari 4 ferðir sum ung­ dóms­leikari. - Vit hava arbeitt við hesari ætlanini í nakrar mán­ aðir, og eru vit sera fegin og spent at kunngera navnið á nýggja landsliðsvenjaranum. Við Sune Gavnholt, sum ein part av lands­liðs­venjara­ toymi­num, fara vit at seta ferð á menningina av før­ oysk­um badminton. Hetta verður gjøgnumført við, at lands­liðið fer at hava fleiri savn­ingar her heima og í Dan­mark, og samstundis at gerast sterkari í kappingum, sum luttikið verður í, sigur formaðurin í BSF Erik Engelbrecht Thomsen. Danska ítróttar­sam­ band­ið hevur saman við Jyllands­posten útnevnt ársins ítróttarfólk 2017 í Danmark. Hetta varð gjørt á gallaveitslu í Hern­ing leygar­kvøldið, har bad­min­ ton­spælarin Viktor Axelsen fekk heiðurin sum ársins ítróttar­fólk. 24 ára gamli Axel­sen gjørdist í august í fjør heimsmeistari við at vinna 2-0 í finaluni ímóti kinesisku legenduni, Lin Dan. Hetta var fyrstu ferð í 20 ár og einans triðju ferð yvir­høvur, at ein danskari gjørdist heimsmeistari í ein­ mans­leiki hjá monnum. HONDBÓLTUR Næstbesta deildin í donsk­ um hondbólti fór av bakka­ stokki um vikuskiftið, har odda­liðið, TMS Ringsted, ið hevur danan á føroyska lands­liðnum, Nicklas Selvig, við í hópinum, vann 30-25 á útivølli ímóti Skive fH. Støðan í hálvleikssteðginum var 14-13 til TMS Ringsted. Nicklas Selvig skeyt tvey mál fyri teir grønu, sum nú eru á fyrsta plássi og heili fimm stig frammanfyri liðið á øðrum plássi, Randers HH. Hetta var einasti dysturin hetta vikuskiftið, so hinir føroy­ingarnir í deildini spæla sín fyrsta dyst í 2018 kom­ andi viku­skifti. Danska hondbólts­lands­ liðið hjá monnum fekk eina góða upptakt til EM, sum byrjar í Kroatia fríggja­ dagin. Frammanfyri 12.000 áskoðar­um í Golden League- finalu­ni í París eydn­aðist tað nevni­liga donsku monn­ un­um at vinna ímóti heims­ meistar­unum úr Frak­landi. Tað var Rasmus Lauge, sum við einum máli í evstu løtu tryggjaði Danmark ein 29-28-sigur eftir at støðan í hálv­leikinum annars var javn­leikur 15-15. TENNIS Danska tennisdrotningin, Caroline Wozniacki, fekk eina góða byrjan upp á nýggja árið, tá ið hon í WTA- kapp­ingini í Aucklandi í Ný Sæ­landi spældi seg heilt fram í finaluna, har hon tó tapti ímóti Juliu Görges úr Týsk­landi. Úrslitið í finaluni gjørd­ist 6-4, 7-6. 27 ára gamla Caroline Wozniacki hevur tað javnan trupult við at finna finalur, og hetta var WTA-finala nummar 51, ið hon tapti. Eftir annað pláss­ ið í Auckland, har hon annars var styrkismett sum numm­ ar eitt, klintrar hon heilt upp á 2. plássið á heims­styrki­s­ lista­num. Næsta uppgáva hennara verður í Melbourne, har grand slam-kappingin Australi­an Open byrjar um eina viku. Australian Open fær eftir øllum at døma ein trupul­ leika við ovurnógvum hita í ár. Ein hitabylgja hev­ ur rakt landið meint, og í tenniskappingini Syd­ney International, sum er farin í gongd og er upp­hit­ingar­ kapping til Australian Open, eru í ávísum støðum máld 47 hita­stig. Hetta er tann mesti hitin í landinum síðan 1939. Á tennisvallunum hevur hitin verið áleið 43 hitastig, men tað hevur kenst sum 50 hitastig. Tað hevur eitt nú havt við sær, at Kristina Mladenovic í sínum fyrsta dysti í kappingini mátti gevast vegna hitaslag. Roger Federer gekk á odda, tá ið Sveis um viku­ skift­ið tryggjaði sær sigurin í Hopman Cup, ið er ein tennis­kapping ímillum lond. Liðfelagi hjá 36 ára gomlu tennis­legenduni í hesari kapp­ingini var Belinda Bencic, og tey bæði vun­nu finaluna ímóti Týsk­landi, har spælararnir vóru stór­talent­ ið Alexander Zverev og fyrr­ verandi heimseittarin hjá kvinn­um, Angelique Kerber. Roger Federer vann 6-7, 6-0, 6-2 ímóti Alexander Zverev, men síðani vann Angelique Kerber 6-4, 6-1 ímóti Belindu Bencic og javnaði til 1-1. Í av­ gerandi dystinum vunnu Feder­er og Bencic tó bland­ aða tvímansleikin 4-3, 4-2 og tryggjaðu Sveis fyrsta Hop­ man Cup-steypið síðani 2001, tá ið Roger Federer eisini var oddamaðurin. Nýggjur landsliðsvenjari í badminton F.v.: Sune Gavnholt, venjari, og Erik Engelbrecht Thomsen, formaður