mánadagur 29. januar 2018síða 13

13 Mánadagur 6. januar 2014 · Nr. 2 Sosialurin Mánadagur 29. januar 2018 · Nr. 12 Hugskot og viðmerkingar – send sms til 225000 STUTTSØGD Føroyskir rógvarar hava gjørt um seg í DM í inniróðri, og so hava føroyingar eisini gjørt um seg í øðrum ítróttum. Eitt nú í judo, har tað bleiv til eina bronsu í Íslandi Pætur Albinus BORÐTENNIS Leygardagin skipaði Borðtennis­ sam­band Føroya fyri árligu topp 12-kappingini, har 12 teir frems­ tu leikararnir á føroyska styrkis­ lista­num dystast. Kappingin var í høll­ini í Trongisvági, har úrslitið gjørd­ist: 1. Fríði Jensen (TBF), 2. Pæt­ur Albinus (TÓR), 3. Kai Roest (TBF), 4. Sveinur Mortensen Nolsøe (TÓR), 5. Durita Fríðadóttir Jensen (TÓR), 6. Anna Mikkjalsdóttir (TBF), 7. Vagnur Kjærbech Nolsøe (TBF), 8. Tórur Eið Eliasen (TÓR), 9. Rói Hjalta­son (TÓR), 10. Helgi Ólavson (TBF), 11. Sólja Djurhuus (TÓR), 12. Høgni Heinason (TÓR). FLOGBÓLTUR Menninir hjá Fleyr megnaðu í gjár at koppa oddaliðnum í meistara­ deild­ini hjá monnum, Mjølnir. Talan var um ein rættiliga sannførandi 3-0-sigur til Fleyr ímóti einum skerd­um Mjølnir-liði. Settúrslitini vóru 25-16, 25-23, 25-17. Dystur var eisini í Sørvági, har ÍF vann 3-1 ímóti SÍ. Settúrslitini vóru 25-16, 23- 25, 21-25, 20-25. Mjølnir er framvegis odda­lið í meistaradeildini við 20 stig­um. ÍF er nummar tvey við 18 stigum, Fleyr hevur 16 stig og aftast er SÍ við seks stigum. Eisini hava tveir dystir verið í meistaradeildini hjá kvinnum. Odda­liðið, Fleyr, hevði heima í Gunda­dals­høllini vitjan av KÍF, og her gjørdist tað til ein ruddiligan 3-0-heimsigur. Settúrslitini vóru 25-23, 25-22, 25-12. Hin dysturin var í høllini í Trongisvági, har TB megnaði at vinna 3-1 ímóti Mjølnir. Har vóru settúrslitini 28-26, 25-14, 23-25, 25-21. Støðan í meistara­deild­ ini hjá kvinnum er tann, at Fleyr er greitt oddalið við 21 stigum, meðan Mjølnir er nærmasti eltari og hevur 14 stig. KÍF er nummar trý við 11 stigum. HONDBÓLTUR Áki Egilsnes gekk á odda og var greið­ur toppskjútti, tá ið hann og lið­felag­arnir í KA Akureyri í gjár vunnu stórt 31-12 ímóti Mílan. Støð­ an í hálvleikssteðginum var 13-7. Áki Egilsnes skeyt átta av málunum. KA er oddalið í næstbestu íslendsku deildini, tó at teir einans eru eitt stig frammanfyri grannaliðið, Akur­eyri. Jónas G. Djurhuus var við og skeyt eitt mál, tá ið HØJ í gjár var um reppið at leggja fót fyri odda­liðnum í næstbestu donsku deild­ini, TMS Ringsted. HØJ var á odda 13-12 í hálvleikssteðginum, men TMS Ringsted fekk vent dysti­num til tepran 25-24-sigur. Ein annar føroyingur var í dysti í hesari deildini hetta vikuskiftið, nevniliga Rói Berg Hansen, sum ikki kom á máltalvuna hjá FIF í 29- 23-tapi ímóti Ajax København. TMS Ringsted er framvegis greitt odda­ lið við átta stigum niður til nærm­ astu eltararnar, har Odder við einum skaddum Helga H. Hoydal í hópinum er á einum deildum øðrum plássi. JUDO Føroysk judofólk hava um viku­ skiftið luttikið í Reykjavík Island Games (RIG), og har gjørdist tað til eitt føroyskt heiðursmerki. Tað var Silja Johannesen, sum vann bron­su í bólkinum fyri kvinnur und­ir 70 kilo. Silja hitti eina ís­ lendska kvinnu í bronsufinaluni. Silja kastaði íslendsku kvinnuna tvær ferðir til Wasa-Ari, og harvið hevði Silja vunnið dystin og bronsu­heiðursmerki til Føroyar. Eisini Petur Sigurð Johannesen og Bárður Hentze Lenvig vóru við í bronsufinalum í ávikavist undir 100 kilo og undir 66 kilo, men teir báð­ir taptu sínar dystir og fingu tískil eingi heiðursmerkir. INNIRÓÐUR Føroyskir rógvarar hava um viku­ skift­ið luttikið í DM í inniróðri, sum í ár var fyriskipað í Gladsaxe- høll­ini í Søborg. 12 føroyingar lut­tóku, harav átta kappaðust í ung­linga­bólkunum. Tey fyrstu at kappast vóru teir fýra eldru rógvar­arnir. Her gjørdist úrslitið tvey gull heiðursmerki og tvey silv­ur heiðursmerki. Sarita Kristina Han­sen og Jón Nónklett vunnu gull í ávikavist veteran bólkinum fyri kvinnur 30 – 39 ár lættvekt og veteran bólkinum fyri menn 40-49 ár tungvekt. Bergur Dam Jensen og Toni Dam vunnu silvur í ávikavist veter­an bólkinum fyri menn 30-39 ár lættvekt og 50-59 ár tungvekt. Før­oyski útisetin á danska lands­ lið­num, Sverri Sandberg Nielsen, vann DM í 'åben klasse' við tíðini 5:50:7. Hann hevur áður fleiri betr­ að um sítt egna danska met, men tað eydnaðist ikki hesaferð. Metið er 5:49:2. Tey átta ungu, sum vóru bul­ ur­in í føroyska róðrarhópinum til DM, stóðu seg eisini sera væl. Her gjørdist talan um gull til bæði Sunnevu Lamhauge Leo, Emmu Lang­gaard Nagurset og Nikobu í Gong, sum róðu í bólkunum Junior C II piger 13 ár, Junior C piger 14 ár og Junior B piger 16 ár. Helgi Olsen vann silvur í bólkinum Junior C drenge 14 ár og Unnur Wenningsted á Tórgarði vann bronsu í bólkinum Junior C piger 14 ár. Hjá Kristiannu Skarpheðinsdóttir og Elin Døgg Súna­dóttir gjørdist talan um ávika­ vist eitt fjórða pláss og eitt sætta pláss í bólkinum Junior B II piger 15 ár. TENNIS Triðju ferð hon var í einari Grand Slam-finalu, eyndaðist tað leygardagin loksins donsku tennis­ drotningini, Caroline Wozniacki, at vinna fyrstu Grand Slam- kappingina. Hetta var í Australian Open, har hon í finalu­ni vann 7-6, 3-6, 6-4 ímóti rum­en­sku Simonu Halep. Hetta var 43. ferð, at Wozniacki luttók í einari Grand Slam-kapping, og fyri kapp­ingar­ sigurin vinnur hon sær eisini sætið sum nummar eitt í heiminum, har hon ikki hevur verið síðan 29. janu­ ar 2012. Helst besti mannligi tennis­ spælari í søguni, Roger Federer, vann í gjáramorgun sín 20. Grand Slam-kapping, tá ið hann vann finaluna í Australian Open 6-2, 6-7, 6-3, 3-6, 6-1 ímóti Marin Cilic úr Kroatia. Hetta var sættu ferð, at 36 ára gamli sveisarin vann Australian Open, og 20 Grand Slam-kappingar er nógv tað mesta, ið nakar hevur vunnið. Næstflestar hevur spanski Rafael Nadal vunnið. Hann hevur vunnið 16. Peningaupphæddirnar í tennis eru størri enn nakrantíð, og fyri sigurin í gjár fær Roger Feder­er heili 19,4 milliónir krónur. Wozniacki fekk somu upphædd. Fleiri heiðursmerkir í Danmark Silja Johannesen vann bronsu í Reykjavík (mynd: Sofus Debes Johannesen)