mánadagur 29. januar 2018síða 23

23 Mánadagur 6. januar 2014 · Nr. 2 Sosialurin Mánadagur 29. januar 2018 · Nr. 12 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... Flytingarvindeygað í teimum flestu útlendsku deildunum, letur mikukvøldið á midnátt aftur. Við føroyskum eygum, er støðan serliga spennandi um Jóan Símun Edmundsson og Gilla Rólantsson Sørensen, sum helst báðir fara at skifta feløg. André Olsen Mikukvøldið á midnátt letur flytingarvindeygað aftur í teimum flestu europe­isk­um kappingunum. Van­liga hevur útlendska flyt­ing­ar­ vin­deygað ikki stórvegis týdn­ing fyri føroyskan fót­bólt, tí tað er sjáldan, at føroyskir leikarar vera fluttir runt millum út­lendsk feløg í endanum av flyt­ing­arvindeyganum. Men í ár er øðrvísi. Stór útlit eru nevni­liga fyri, at tveir før­oyskir landsliðsleikarar kunnu flyta feløg á seinasta degi. Jóan Símun Edmundsson og Gilli Rólantsson Sørensen hava báðir sáttmálar, ið skjótt ganga út við teirra feløg, og sum skilst røkist fyri, at í øllum førum annar av teimum fer at skifta felag áðrenn mikukvøldið. Stórur áhugi fyri Jóan Símuni Fyri eini viku síðani, var ann­ars ikki væntandi, at Jóan Símun Edmundsson skuldi skifta úr OB. Men hósdagin broyttist støðan hjá føroyska landsliðsáleyparanum brád­liga. Eftir at samráðingarnar um nýggjan sáttmála ikki bóru á mál mikukvøldið í seinastu viku, boðaði OB hósdagin frá, at Jóan Sím­un Edmundsson ikki skuldi við besta liðnum hjá OB á venjingarlegu hesa vikuna, sum liður í fyri­reik­ingunum til komandi hálv­ár í Superliguni. Jóan Sím­un Edmundsson er tí einsa­mallur eftir í Danmark úr fyrsta liðs hópinum hjá OB, og venur í løtuni við U19 liðnum hjá felagnum. Sum skilst verður arbeitt dúg­liga við, at Jóan Símun Edmunds­son kann finna sær eitt nýtt felag, áðrenn flyt­ingar­ vindeygað letur aftur mikukvøldið. Føroyski landsliðsáleyparin verður settur í samband við skifti til fleiri lond. Bæði donsk, norsk og svensk feløg eru sum skilst áhugaði í Jóani Sím­ uni Edmundsson, og eitt skifti longur burtur kann heldur ikki útihýsast. Um­boðs­maðurin hjá Jóan Símuni Edmundsson hevur nevniliga fleiri leikarar í øðrum europeiskum londum – so sum Hollandi og Belgia – og tí kann eitt skifti hartil hugsast. Gilli á veg úr Brann Eisini røkist fyri, Gilli Rólants­son Sørensen fer at skifta felag í vikuni. Brann kunngjørdi fyri stuttari tíð síðani ghanesiska spælaran, Gilbert Koomson, sum ger, at Brann nú hevur ein út­lending ov nógv í hópinum, í mun til tað, ið teir hava loyvi til. Sáttmálasamráðingarnar hjá Gilla Rólantsson Sør­ensen um nýggjan sáttmála við Brann, hava leingi drigið út, og tað tykist mestsum heilt víst, at Gilli Rólantsson Sørensen ikki fer at leingja sáttmála við Brann, men heldur fer at finna sær annað felag. Í samrøðu við norsk­ar miðlar í seinastu viku, úttalaði Gilli, at hann sam­ráddist við donsk og ensk feløg. Tí er væl hugsandi, at Gilli fer at skifta til danskan ella enskan fótbólt innan hósdagin. Kann opna fyri føroysk feløg Fyri føroysk feløg, er tað eisini áhugavert tá útlendska flyt­ ingarvindeygað letur aft­ur. Føroyska flyting­ar­vin­deygað letur ikki aftur somu tíð, og tí kann tað lata hurðarnar upp hjá før­oysk­um feløgum, at fáa fatur í útlendskum leikarum. Í fjør gjørdi HB sær dælt av tí, tá teir heintaðu Daniel Elly Pedersen, Martin Bergvold og Aleksandar Stankov úr donskum fótbólti. andre@sosialurin.fo Tórsvøllur má gerast – ordiligt Tað er so nemt at sita uttanfyri og hava eina meining. Serliga tá tað ikki eru tínir egnu pengar, og tú ikki skal gjøgnum eitt politiskt system, fyri at koma á mál, men eg undrist onkuntíð á, hví vit ikki bara byggja ordiligt – fyrstu ferð. Nú er nýggja “stórhøllin” á Hálsi útbygd. Tað er kærkomið og heilt vís ein betring í mun til tað, sum var áðrenn. Men tú skal ikki brúka hugflogið nógv, fyri at koma til eina enn betri loysn. Bara fyri at taka tveir lítlar trupulleikar. Við at byggja upp í annan endan, so verður trupulleikin við breiddini í høllini ikki loystur. Hetta hevur verið ein trupulleiki í fleiri ár, tá tað kemur til altjóða krøv. Heldur ikki sleppur bussurin ordiliga til, um tað skal verða akkurát sum ordiligt. Hinvegin, so slapp bussurin heldur ikki ordiliga til í høllini, sum Føroyar spældu í til HM undankappingina í hondbólti í Bolzano í Italia. Mín taki er bara, at um vit hugsaðu stórt frá byrjan, so stóð ein nýggj multihøll á Hálsi, sum kanska enntá hevði ein minni háls. Ein høll við nógv fleiri eginleikum og sum kundi húsa enn fleiri vøllum og ítróttargreinum. Hevði tað kostað meir? Ja! Men hevði tað gagna fleiri í longri tíð? Ja! Onkur hevur hildið fyri, at tað er ørt at byggja vestara partin á Tórsvølli út fyri yvir 100 milliónir krónur. Eg haldi, at vit fyri næstan fyrtsu ferð í longri tíð hyggja at einum stórum bygningsverki, sum nettup verður gjørt ordiligt. Tað var ørt byrja upp á Tórsvøll, uttan at halda seg til ein størri ætlan, so sloppu vit undan 20 árum uttan tak, og taka gamla Tórsvøll niður, fyri at byggja nýtt uppaftur. Eg haldi tað er rætt at byggja ordiligt, tí vit vinna í longdini. Eg giti, at tá Tórsvøllur stendur liðugur, so spyrja vit ikki hvat hann kostaði, tí hann kemur at gagna fótbóltinum so væl. Men kanska er tað bara eg? trondur@sosialurin.fo Fótbóltur: FLYTINGAR­ VINDEYGAÐ LETUR AFTUR Í VIKUNI