mánadagur 5. februar 2018síða 14

Mánadagur 5. februar 2018 · Nr. 15 14 Sosialurin Hugskot og viðmerkingar – send sms til 225000 Tróndur Arge Jóhan Troest Davidsen hevur í vetur valt at skifta aftur til barn­ dóm­sfelagið við Løkin. Eftir seks ár í høvðusstaðnum við HB, hevur hann valt at fara aftur til NSÍ. Lands­liðs­miðverjin er júst blivin 30 ár. Hann hevur nógv góð ár eftir. Hann tekur sær væl av kroppinum og hevur ein sunnan hugbruð til fót­bólt. Runavíkingurin hevur spælt 35 lands­dystir, verið partur av einum av bestu árgangunum í føroyskum fót­bólti, har NSÍ eisini átti nógvar góð­ar spælarar. Sum ungur er millum teir bestu og hann hevur fram­vegis aldur til unglingar, tá hann verður úttikin til landsliðið á fyrsta sinni. Jóhan Troest David­ sen hevur eina lutfalsliga flotta yrkisleið eftir føroyskum máti­ stokki, men tað var ein tíð, tá hann ætlaði sær nógv meir enn NSÍ, HB og A-landsliðið. Til Everton sum ungur “Eg var tvørur og tað nyttaði einki at siga nakað við meg. Eg hevði sett mær fyri, at fara til Everton.” Orð­ini eigur nú 30 ára gamli Jóhan Troest Davidsen. Hann er gestur í Fótbólts­panelinum, sum er á Rás2 hvønn fríggjadag millum klokkan 16 og 17. Runavíkingurin er sum altíð blíð­ur og fryntligur. Hann er klárur yvir, at hann verður spurdur um sína avgerð, at fara til Everton sum 16 ára gamal. Hetta er í eini tíð, har føroyskir spælarar hava stórar dreym­ar. Eitt nú er Ingi Højsted í Arsenal, meðan spælarar sum Jákup á Borg og Jón Rói Jacobsen hava verið til royndarvenjingar í Liver­pool. Serliga Jákup á Borg metir í dag, at um hann spældi kort­ ini rætt, so fekk hann sáttmála við felag­ið tá. Tað eru fleiri, ið royna at fortelja unga runavíkinginum, at Everton kanska ikki er eydnan, hóast talan er um eitt stórt felag. Víst verður á, at hann við at skifta til eitt minni felag ger, at hann kann fáa lættari við at fáa spælitíð í framtíðini. Tað heldur ljóshærdi miðverjin lítið um. -Eg helt sjálvur at eg var tann besti. Tað er ein Jóhan Troest David­sen við stórum sjálvsáliti, ið tekur avgerð um at fara til Everton. Har var einki at gera., sigur Jóhan Troest Davidsen í triðjapersóni um seg sjálvan. Spurdur um hann í dag heldur at betri ráðgeving hevði hjálpt hon­um, so er hann púra greiðir í máli­num. -Nei, eg var tvørur og tað nytt­ aði einki at siga nakað við meg. Eg hevði sett mær fyri, at fara til Everton, sigur Jóhan Troest David­ sen og flennur. Fótbóltshugurin blívur vekk Jóhan Troest Davdsen flytur til Liver­pool, har Everton er frá. Býur­ in er tá ikki at rokna sum nøkur perla í Evropa – ikki ein gongd í norðuronglandi, har Manchester er at rokna sum metropolurin. -Tað var ein kollvelting fyri, at skula búgva í einum húsi saman við fleiri øðrum spælarum, sum einki annað mál høvdu í lívinum enn at blíva fótbóltsspælarar. Og ta bleiv tað kempa fyri hvønn dag, fortelur før­oyski landsliðsspælarin, sum tá er um 16-17 ár í tí hálva øðrum ári­ num hann er í Everton. Hann býr millum annað í húsi saman við James Vaughan, sum er ynsgti málskjúttin í Premier League søguni, og Victor Anichebe, ið hevur spælt 131 dystir í Premier League. -Teir vóru teir stóru dreingirnir í húsi­num. Tað vóru teir, sum be­ stemm­aðu hvat vit aðrir skuldu halda, fortelur Jóhan Troest David­ sen. Til venjing verður eisini lagt nógv fyri, men spælihátturin passar ikki til føroyska miðverjan, ið dámar væl at spæla bóltin. -Eg slapp ikki at gera tað sum mær dámdi best. Eg skuldi bara brúka kroppin og skuldi inn at berjast. Eg var eisini tann minsti av okkum miðverjunum. Spakuliga misti eg meg sjálvan vekk og skuldi verið givin í Everton nógv fyrr enn eg gjørdi. So hevði eg kanska givið fót­bóltinum ein kjans afturat og havt yvirskot til tað, fortelur Jóhan Troest Davidsen. Hann leggur afturat, at spælarin, sum kemur heim aftur í Everton, er verri enn spælari, sum fór avstað fyri hálvu øðrum ári síðani. Rakið er broytt Síðani hava Christian Mouritsen (Man­chester City) og Jóan Símun Ed­mundsson (Newcastle) spælt ung­dómsfótbólt í stórum feløgum í Evropa. Í báðum førum hevur leiðin tikið teir aftur til føroyskan fótbólt. Jóan Símun Edmundsson hevur síðani vunnið seg fram í donskum fót­bólti, har hann í dag spælir við OB í Superliguni í Danmark, meðan Christian R. Mouritsen hevur spælt við HB og B36 í Føroyum, umframt eitt rend til Ísland. Tað tykist tó sum rákið við at fara til eitt stórt felag sum ungur er farið. Tað er torført at meta um, um tað er tilætlað, men hyggja vit at spælar­unum, ið fara av landinum í løtuni, so er talan um smærri feløg. Tað eru í dag ungir spælarar í feløg­um sum FC Midtjylland, Molde, Florø og Sandess, meðan Andrias Edmundsson er frávikið. Hann spælir í Sunderland. Vit hava eisini sæð spælarar sum Meinhard E. Olsen, René S. Joensen, Hákun Ed­mundsson og Hall Hansson verið eitt skifti í Vendsyssel, sum spælir í næst­bestu deildini í Danmark. Hvat kunnu vit læra? Tað er ilt at siga, um tað finst eitt rætt og eitt skeivt svar. Eisini um tað finnast rættar og skeivar av­ gerðir, tí tú kanst ongantíð royna hina loysnina samstundis. Í hesum føri­num heldur Jóhan Troest David­sen, at tað var ein feilur at fara til eitt stórt felag sum ungur før­oy­ingur. Vit hava eisini sæð, at fleiri spælarar hava verið uttanlands sum ungir, fyri síðani at koma aftur til føroyskan fótbólt at venda, og so fara víðari aftur. Her eru Hallur Hansson og Jóan Símun Ed­mundsson nokk bestu dømini. Vit hava ikki sæð tað seinasta til Jóhan Troest Davidsen enn. Hann er 30 ár, heldur sær væl og hevur gott fótbóltshøvd. Men vit kunnu longu nú læra av støðuni hjá hon­ um í Everton. At síggja til, so er lær­ dómurin farin víðari. trondur@sosialurin.fo FÓTBÓLTUR Stórfeløg ikki altíð eydnan: EIN FEILUR AT FARA TIL EVERTON Tað sigur Jóhan Troest Davidsen, sum 16 ára gamal í 2004 skifti tilveruna í NSÍ út við Premier League felagið, Everton. Lopið var ov stórt og partarnir høvdu hvørsín hugburð til fótbólt. Eydnan hevur ikki víst seg verið stórfeløg, fyri føroyskar fótbóltsútisetar