mánadagur 5. februar 2018síða 22

Mánadagur 5. februar 2018 · Nr. 15 22 Sosialurin Hugskot og viðmerkingar – send sms til 225000 Vikan ið fór 33 ára gamli høgri bakkurin hjá føroyameistarunum í Víkingi, Gert Hansen, boðar frá, at hann gevst við at spæla fótbólt. Orsøkin er, at hann hevur ilt við at sleppa av við ein skaða í knænum. TB/FCS/Royn fær styrk úr Serbia, haðani 27 ára gamli Ibrahim Arifovic er komin til Føroya og hevur gjørt sáttmála. Hann er lámur og kann spæla bæði vinstri bakkur og vinstri vongur. Stjørnan leingir um samstarvið við danska venjaran, Per Klarup, og rumenska málverjan, Raluca Ungureanu, soleiðis at tey bæði eisini vera at síggja í Klaksvík komandi kappingarár. Tað er søguligur dagur í Vági, har nýggja marghøllin er liðug og verður tikin í nýtslu. Hetta er fyrsta innandura fótbóltshøll í Føroyum og verður mett sum frambrot í føroyskum ítrótti. FC Midtjylland og eitt turkiskt felag bjóða upp á Jóan Símun Edmundsson, sum verður sáttmálaleysur í summar, men núverandi felag hansara, OB, velur ikki at taka av. TB setir nýggjan høvuðsungdómsvenjara í starv. Hann eitur John Petersen, er úr Danmark og er 34 ára gamal. Hann hevur verið venjari í 17 ár og hevur seinast havt venjarastarv í Køge. Hálvfinalistarnir í steypahondbólti eru funnir. Teir eru VÍF, H71, Kyndil og VB hjá kvinnum, og Neistin, Kyndil, VÍF og H71 hjá monnum. ...við ítróttinum 5 SKJÓTIR - Bartal Eliasen (ÍF) um at FBF hevur flutt allar fýra hálvfinalurnar til KÍ-høllina - Dermot Gallagher, dómaraserfrøðingur hjá Sky, eftir Liverpool-Tottenham í gjár Vit liva í einum dreymaheimi, um vit vænta, at dómarar skulu døma alt rætt, men tær báðar avgerandi støðurnar í dystinum í dag avgreiddi dómaratoymið púra rætt Hetta, sum er farið fram nú, eigur at verða tikið upp. At flyta hana yvir í KÍ-høllina er so billbýtt, tí hon er nógv verri at spæla í enn Badmintonhøllin Fimm skjótir spurningar til føroysk ítróttarfólk... Navn: Gunnva Jacobsen Aldur: 18 Yrki: Badminton Royn tína vitan um ítróttin her og nú! Svarini standa niðast til vinstru, men royn teg nú fyrst 1. Suðurkorea 2. Everton 3. Armenia 4. Scott Harrington 5. Ole Einar Bjørndalen 6. 17 7. Peter Krogh 8. Uni og Hannis Wardum 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1 Í hvørjum landi er vetrar-OL í ár? 2 Hvørjum enskum felagi hevur Jóhan Troest Davidsen spælt við? 3 Úr hvørjum landi er Henrikh Mkhitaryan? 4 Hvussu eitur fyrrverandi enski Neista-venjarin, ið júst er uppsagdur í Kina? 5 Hvussu eitur norski skíðarin, ið hevur vunnið flest heiðursmerkir í vetrar-OL? 6 Hvat nummar hevur Hallur Hansson í AC Horsens? 7 Hvussu eitur danski H71-stórskjúttin, ið júst er afturkomin úr Skive? 8 Hvussu eita tvíburðarnir á myndini, ið er kent dómarapar í føroyskum hondbólti? Myndin hesa vikuna: Hey Gunnva! Hvussu hevur gingist hjá tær í Reykjavík International Games? - Hey! Tað hevur gingist væl. Eg havi spælt nógvar tættar og spennandi dystir. Saman við Sissal Thomsen vann eg gull í tvímansleiki U19, og saman við Bartal Poulsen fekk eg silvur í blandaðum tvímansleiki U19. Í einmansleiki vann eg eisini silvur í U19. Hvussu hava føroysku avrikini annars verið sum heild? - Føroyingar hava klárað seg sera væl til hesa kappingina í øllum árgangunum. Vit hava tikið nógv heiðursmerki við heim, og Føroyar hava verið væl umboðaðar. Hvussu er støðið í hesari kappingini, og fáa tit nógv burturúr? - Støðið samsvarar væl við støðið í Føroyum. Tað eru nógvir tættir og góðir dystir at síggja í høllini. Tað er sera mennandi at luttaka í slíkari kapping og spæla ímóti øðrum leikarum. Hvussu ofta venur tú badminton? - Eg venji fýra ferðir um vikuna badminton í høllini. Eisini eri eg umleið 2-3 ferðir um vikuna í Burn. Hvat er næst á skránni hjá føroyskum badmtinton? - Fyri ungdómslandsliðið verður tað Yonex Cup í Berlin, sum verður spælt á páskum. Senior landsliðið fer møguliga at luttaka í EM-undankapping, men annars arbeiða vit fram ímóti oyggjaleikunum, sum verða í 2019. Doug Pederson, venjari hjá Philadelphia Eagles, tekur ímóti Vince Lombardi-steypinum eftir Super Bowl-sigurin ímóti New England Patriots gjáranáttina