hósdagur 8. februar 2018síða 19

FRÍGGJADAGUR 9. FEBRUAR 2018 SOSIALURIN 17 19 Tilfar til á leið 8 vantnbakkilsi • 2,5 desilitrar av vatni • 125 gramm av smøri  • 125 gramm av hveitimjøli • 3 stór egg Góð ráð til væleydnaði vatnbakkilsi Jórun Lassen Mørkøre, bakari, greiðir frá, at tá vatnið og smørið er kókað, er umráðandi at koyra mjølið í við tað sama og røra væl saman. Síðani skulu eggini í eitt og eitt. Tá tað verður rørt saman brúkar hon ikki pískirís men sleiv. Hon greiðir frá, at deiggið skal verða eitt sindur tjúkt, men ikki alt ov tjúkt. Hóast tað óivað ber til at brúka skeið, tá deiggið verður koyrt á platuna, so er best at brúka ein sproytiposa, heldur hon. Jórun Mørkøre staðfestir, at tað er av alstórum týdningi ikki at lata lúkuna á ovninum upp, áðrenn vatnbakkilsini eru liðugt bakaði. Verður lúkan upplatin, so søkka vatnbakkilsini saman. Kakumann úr vatnbakkilsum Ynskir tú at gera ein kakumann, ístaðin fyri at gera fastalávintsbollar, so er mannagongdin tann sama, men tíðin í ovninum er longri. Hesin skal baka á leið í 40-45 minuttir. Tá hann er ljósabrúnur er hann liðugur. Mannagongd Set ovnin á 200° Koyr vatnið í eina grýtu, og fá tað upp á kók Koyr smørið í vatnið og smelta tað Síla mjølið niður í vatnið, tá tað kókar – so slepst undan, at klumpar eru í deigginum Rør vatn, smør og mjøl saman, meðan grýtan enn stendur á kókiplátuni. Tað er umráðandi, at man skundar sær eitt sindur at røra mjølið í. Ansa eftir, at tað er væl rørt saman. Deiggið skal vera blankt og sleppa grýtuni Lat síðani deiggið køla av í 15 minuttir Rør síðani eitt egg í deiggið í senn. Tað er sera umráðandi, at tað verður rørt væl, áðrenn tað næsta eggið verður koyrt í. Deiggið skal ikki verða ov bleytt, og tað kann verða nokk við minni enn trimum eggum, men hendan uppskriftin plagar at passa væl Rør síðani deiggið saman við eini sleiv, so deiggið samlast Koyr deiggið í ein sproytiposa ella í ein frystiposa og klipp eina hjørnið av Tak eina bakiplatu við bakipappíri á og sproyta á leið 8 vatnbakkilsir á platuna. Minst til, at vatnbakkilsi ganga og vaksa í ovninum, so lat gott pláss vera ímillum hvørt Vatnbakkilsi er kart, tá tað er gyltið og ljósabrúnt. Tað skal ikki verða ov myrkt. Fylla HVÍT SJOKOLATA OG HINDBER Í PÍSKAÐUM RÓMA Tilfar: Rómi Hindber Hvít sjokoláta Mannagongd: Píska róman, mosa hindberini og rør tey í róman Smetla ta hvítu sjokulátina í vatnbaði og smyr eitt sindur á vatnbakkilsini Fyll vatnbakkilsini við hindberskúmi Pynta við turkaðum hindberum NUGGAKREM Tilfar: 100 gram av nugga 1 ¼ dl av róma 2 ½ dl av róma Florsukur omanyvir Mannagongd: Koyr Nugga og róma í eina grýtu og smelta tað saman Koyr síðani blandingina í eitt ílat við loki, og set tað kalt í nakrar tímar Tá tað er kalt verður tað pískað saman, soleiðis at tað verður til tjúkt krem Písa róman og koy í ein sproytiposa Fyll vatnbakkilsini við nuggakrem, og sproyta róman í. Stroy síla florsukur omanyvir TIPP: Vanligt er við sjokolátaglasuri omaná vatnbakkilsini, og at fylla tey við kakukremi, súltutoy og róma. Hóast tað smakkar væl, so eru nógvir ymiskir møguleikar, og best er at royna seg fram við tí, sum man dámar best TIPP: Vatnbakkilsini skulu køla av í fimm til 10 minuttir, áðrenn tey verða fylt við róma, kakukremi og øðrum góðum TIPP: Baka bara ein platu við vatnbakkilsum í senn. Er ov nógvur bakstur í ovninum í senn, so verður tað ov fuktigt og tað kann oyðileggja deiggið