hósdagur 8. februar 2018síða 28

FRÍGGJADAGUR 9. FEBRUAR 2018 SOSIALURIN 17 28 TRÓNDUR ARGE – HOYVÍKSHØLLIN T ríggjar av teimum fýra fyrru hálvfinalunum í steypa­kappingini í hond­bólti vóru í gjár. Hjá kvinn­un­um vísti VÍF og Kyndil hví tey liggja fremst í landskappingini. Kyndil vann 31-19 á H71 í høllini í Hoy­vík, meðan VÍF vann 28-18 á VB í Vági. Hjá monnum er stórur spenn­ ingur undan seinnu hálvfinaluni mill­um H71 og Neistan. Hoy­vík­ ingar vunnu 27-25 í einum spenn­ andi og hendingaríkum dysti, sum bleiv merktur av at Neistin mátti spæla uttan Rasmus Søby megin­ partin av dystinum. Hin hálv­ finalan hjá monnum er millum Kyndil og VÍF. Fyrra hálvfinalan verður spæld hóskvøldið, eftir at blað­ið fór til prentingar. Kyndil streyk avstað Uppgerðin er longu avgjørd aftaná 11 minuttir. Kyndil er greipuvinnari og stórur favorittur móti ungu gentunum hjá H71, sum tó hava sett sær fyri at halda lív í uppgerðini til seinnu hálvfinaluna. Men tá er Kyndil longu á odda 8-0. Turið Arge Samuelsen hevur skotið fimm av málunum og Kyndil spælir upp til sítt besta. Tær revsa øll mistøk og verja væl. -Vit verja væl og málverjin stend­ur væl hesa løtuna. Hon tekur øll skotini sum koma frá Mariu Weyhe, meðan vit fáa steðgað restini. Verja er høvðusorsøkin til góðu byrjanina, meðan álopið spælir við fullari ferð, sigur Marianna G. Eystberg, sum skoraði seks mál fyri Kyndil. Eftir hetta gekk javnt á. Liðini skoraðu at kalla skiftivís og tað end­aði við 11 málum á muni. Tað vil siga, at H71 bara tapti trý mál eftir fyrstu løtuna, men tað var ikki bara tí Kyndil slappaði av. -Tað er ein blanding av báðum. Vit spæla við eitt sindur minni ferð, meðan fleiri av spælarunum hjá teim­um bjóða seg fram, so tað ikki bara er ein ella tvær, sum koyra á, sigur bakkurin hjá Kyndli. Í H71 høvdu tey ikki væntað so nógv av hálvfinalunum, men vón­ aðu at klára at halda spenn­ing­in til seinnu hálvfinaluna. -Vit eru nøgdar við tríggjar fjórð­ ingar av dystinum, men tann fyrsti parturin er forferdiligur. Eg veit ikki hvat hendir hesa løtuna, men tað hendi eisini seinast við spældu móti teimum. Tá fingu vit held­ur ikki bóltin í málið, hóast vit koma til nakrar nøkunlunda kjans­ir, sigur Maria H. Weyhe, sum skorar ikki færri enn 12 mál fyri H71. Liðini spæla seinnu hálv­finalu­ na leygardagin á Hálsi. Tað er lítil ivi um, at tað verður VÍF og Kyndil í finalu­ni – ella skal nógv broytast. H71 betri kort á hondini Undan dystinum var nærum ógjør­ ligt at peika á ein favoritt. Neistin liggur fremst á stigatalvuni, men H71 – nú við Peter Krogh – hevur roynd­irnar av at vinna. Dysturin er bara nakrar fáar minuttir gamal, tá Neist­in missur størsta trumfin. Rasmus Søby, sum óiva er besti einstaki spælarin hjá Neistanum, má av vøllinum. Hann tekur sær til bak­ lærið og fer út á bonkin. Hann hevur fingið eitt forstrekking í bak­lærið, og er ivasamur til komandi dyst. Eftir umstøðunum er tað ókey. Vit kundu havt javnað, men enda við at tapa við tveimum. Tað er tungt, men tá hugsað verður um at Ras­mus Søby má av vøllinum, og vit mugu umskipa allan taktikkin er tað í lagi, sigur Tróndur Krage­ steen, sum skoraði átta mál fyri Neist­an. Hann viðgongur, at Rasmus Søby hevur stóran týdning fyri liðið, og at tað hevði gjørt góð­an mun, um hann er við í retur­dysti­num sunnudagin. Stóri spælarin hjá H71 var Hilmar Leon Jakobsen. Hann skor­ aði níggju mál og átta tað seinasta av teimum í seinasta sekundinum. -Eg hugdi upp á klokkuna. Tá vóru fimm sekund eftir, so eg mátti bara smekka til. Tíbetur fór bólt­urin í málið, sigur Hilmar Leon Jakob­sen og leggur afturat: -Tað er týdningarmikið, at vit vinna í dag. Vit hava spælt tveir dystir javnar í hes­um kappingarárinum, so einki er avgjørt enn, sigur lands­liðs­spæl­ ar­in í Hoyvík. Teitur Joensen, viðmerkjari á Rás2, heldur fyri at H71 nú hevur mun­in, men at tað verður ótrúliga tætt. TRONDUR@SOSIALURIN.FO ÍTRÓTTUR: Hondbóltur Tað er at kalla ongin ivi um, at tað verða VÍF og Kyndil, sum koma í finaluna hjá kvinnum. Liðini vunnu við 10 og 11 málum í fyrru hálvfinalunum í gjár, men tað er enn stórur spenningur millum H71 og Neistan hjá monnum VÍF OG KYNDIL Í FINALUNI Steypahondbóltur: Vit eru nøgdar við tríggjar fjórðingar av dystinum, men tann fyrsti parturin er forferdiligur. Eg veit ikki hvat hendir hesa løtuna, men tað hendi eisini seinast við spældu móti teimum. Tá fingu vit heldur ikki bóltin í málið, hóast vit koma til nakrar nøkunlunda kjansir Eftir umstøðunum er tað ókey. Vit kundu havt javnað, men enda við at tapa við tveimum. Tað er tungt, men tá hugsað verður um at Rasmus Søby má av vøllinum, og vit mugu umskipa allan taktikkin er tað í lagi