mánadagur 12. februar 2018síða 16

Mánadagur 12. februar 2018 · Nr. 18 16 Sosialurin Hugskot og viðmerkingar – send sms til 225000 Christian Lamhauge Holst: FÓTBÓLTUR Tróndur Arge Hann er spælarin, sum víkjur frá hinum. Tað er eitt ella annað øðr­ vísi við Christian Lamhauge Holst. Hann er týpan, sum gjarna lesur og fordjúpar seg í evni, sum tú kanska ikki setur í samband við fót­bólts­ spælarar. – Eg minnist ikki altíð so væl landsdystirnar fyri tað, sum hendi inni á vøllinum. Eg minnist heldur okkurt av tí, sum hendir uttan­fyri vøllin, sigur Christian Lamhauge Holst. Hann býr niðri, har hann er lærari og venjari á Sten­hus Kostskole og Holbæk Sports­aka­ demi. Ein skúli og ítróttarskúli fyri ung, sum ganga í framhaldsdeildini. Hann er í Føroyum, fyri at vísa skúl­an fram og fortelja um tilboðið tey hava har. Í tí sambandi er hann gestur í Fótbólts­panelinum, sum er sending á Rás2 hvønn fríggjadag klokkan 16. Hann líkist sær sjálvum og er lítið broytt­ur, frá tá hann 11. oktober í 2015 bleiv skiftur út á seinasta sinni á landsliðnum. Føroyar taptu 3-0 fyri Rumenia, og misti sam­ stundis ein av teimum góðu lands­ liðs­spælarunum gjøgnum tíðirnar. -Eg havi ikki angrað, at eg gavst. Eg sakni ikki at spæla fótbólt og føldi, at tíðin var komin at gevast. Tá eg fortaldi tað fyri Lars Olsen, lands­liðs­venjaranum, segði hann, at tað var fínt, tí so slapp hann frá tí í framtíðini, fortelur fyrrverandi før­ oyski landsliðsspælarin á donsk­um. Hann er blíður í tónanum, men sam­stundis avgjørdur á nøkrum økjum. Hóast hann endurhoyrir og endursær tvey av málunum, ið hann skoraði fyri føroyska lands­ lið­ið, so kemur hugurin at spæla ikki aftur. Tað sníkur heldur ongin iðran um, at hann gavast ov tíðliga, tá landsliðið nú spælir fótbólt, sum hevði passað honum væl. Brádliga landsliðsspælari Christian Lamhauge Holst spælir í triðjbestu deildini í Danmark við Lyngby í seinnu hálvu av 2003, tá táverandi landsliðsvenjarin, Hen­ rik “Store” Larsen ringir. Hann spyr um framrættaði miðvallarin hevur hug at umboða Føroyar í altjóða fót­bólti. Mamman er før­oysk, so røtur­nar loyva tí. Tað er lands­ dystur á Hampton Park í Glas­gow í Skot­landi um tríggjar vikur. -Eg minnist at eg sat á bonki­ num, tá eitt stórt orkestur spældi skotska tjóðsangin og 40 túsund áskoðarar sungu við. Tá var eg glaður fyri føroysku røturnar hjá mammu. Eg eri ótrúliga fegin um, at hava fingið møguleikan at uppliva slíkar løtur á føroyska landsliðnum, for­telur útlærdi lærarin við einum eyð­mjúkum tóna. Hann kemur á vøllin seinastu fýra minuttirnar í 3-1 tapinum fyri Skot­landi, men tað gongur rúm tíð, áðrenn tekniski sterki Lamhauge- maður­in vinnur sær fast pláss í hópinum. Í 2007 er landsliðið í kreppu, meðan tað gongur væl í Lyng­by. Boð eru nú aftur eftir honum. -Tað er eitt landsliðið, sum hevur tað torført tá, men eg fái fast pláss. Tvær av góðu upplivingunum eru móti Italia, har Rógvi Jacobsen skor­ar í báðum dystunum, sigur Christian L. Holst. Grikkaland stendur eftir Tá prátið fellur inn á størstu løtur­ nar, so eru tveir dystir, ið Christian L. Holst hevur hug at framhevja. -Tað eru serliga sigarnir móti Grikkalandi. Tann í Grikkalandi er serligur, tí tá fingu vit endiliga tað stóra úrslitið, sjálvt um Grikkaland var í knæ. Undan dystinum í Havn høvdu grikkar hug at siga við okk­ um á hotellinum, at teir taptu fyrra dystin við vilja, tí teir vildu sleppa av við venjaran, men at nú skuldu teir vísa okkum, sigur Christian L. Holst og leggur afturat: -Tí var tað fantastiskt at vinna 2-1 á Grikkalandi á Tórsvølli fram­ man­fyri øllum áskoðarunum. Hann skoraði seks mál á lands­ lið­num. Tvey í undan­kapp­ingum. Tað fyrra í 1-1 javnleikinum móti Norður­írlandi á Svangaskarði í 2010, meðan tað seinni í 4-1 tapinum fyri Finnlandi á Tórsvølli í 2014. Hini fýra vóru í venjingardystum. Tvey móti Estlandi og tvey móti Gibraltar. Droymir um føroysk talentir í Danmark Christian Lamhauge Holst er út­ lærdur lærari og hevur A-prógv sum fótbóltsvenjari. Tí passar hann væl til leiklutin sum lærari og venjari á Stenhus Kostskole og Holbæk Sportsakademi. Hann ynskir at fáa ungar føroyskar spælar­ar til Danmarkar at spæla á hægri stigi. -Tankin um at hjálpa føroyskum talent­um at koma viðari til Dan­markar, hevur altíð tiltalað meg. Her hevur tú møguleikan at spæla á einum hægri stigi enn í Føroyum, tú venur nakrar ferðir um vikuna á skulanum, og nakrar ferðir við Hol­bæk ella onkrum øðrum felagi, sigur Christian L. Holst. Hann kemur sjálvur at virka, sum eitt slag av vegleiðara og ráð­ geva hjá føroysku spælarnum, ið velja at royna hesa leiðina. -Eg eri jú hálvur føroyingur, ella føroyingur. Eg vil gjarna hjálpa ungum føroyskum fótbólts­spælar­ um, at fáa ein fótbóltstilveru í Dan­ mark, sigur Christian Lam­hauge Holst at enda. trondur@sosialurin.fo TAKKSAMUR FYRI FØROYSKU RØTURNAR Tað sigur fyrrverandi føroyski landsliðsspælarin, sum í hesum døgum er í Føroyum. Hann spældi 50 landsdystir fyri føroyska landsliðið, men tað lá ikki altíð í kortunum, at hann skuldi umboða Føroyar yvirhøvur. Nú greiðir hann frá fyrsta dystinum og hevur sett sítt besta landslið