mánadagur 12. februar 2018síða 20

Mánadagur 12. februar 2018 · Nr. 18 20 Sosialurin Hugskot og viðmerkingar – send sms til 225000 HONDBÓLTUR Steypahondbóltur: GRØNT, GULT, SVART OG GRØNT Tróndur Arge – Høllin á Hálsi Tað er lagt upp til tvær spennandi og møguliga hart spælandi steypa­ final­ur komandi vikuskiftið. Hjá kvinn­um var ongantíð nakar ivi um, at VÍF og Kyndil fóru at vinna seg í finaluna. Liðini liggja greitt á odda í landskappingini. Tey eru klass­ar betri enn hini, og tí er tað eisini gott at ikki møttust fyrr enn í finaluni. Hjá monnum stóð meiri á, tí báðar hálvfinalurnar vóru tættar. Hoy­vík­ingar vinnu samanlagt við fimm málum á Neistanum, men tað var ikki fyrr enn seinasta korteri­ num, at avgerðin fall. H71 skal møta kyndilsmonnum í finaluni. Kyndil hevði ein leiðslu upp á trý mál við til Vestmanna í gjár. Tað gekk leingi javnt á, áðrenn Kyndil seinastu minutt­irnar sett prikkin yvir i’ið. Perter Krogh er aftur H71 vann fyrru hálvfinaluna 27-25, eftir at Neistin mátti spæla uttan týdn­ingarmikla Rasmus Søby, ið mátti av vøllinum við skaða. Hann var á vøllinum í nýggja partinum av høllini á Hálsi, tá Neistin gjørdi skjótt av og legði seg á odda 3-0. Soleiðis bleiv leiðslan hjá hoy­ vík­ingum vaska burtur upp á fáar minuttir, og liðini kundu spæla frá null. Tað gjørdi mun, at Rasmus Søby nú fekk spælt, men gleðin var stokk­ut. Stóri høgri bakkurin mátti av aftur vøllinum miðskeiðis í fyrra hálv­leiki. Hann kom bara á vøllin aftur í løtum. H71 skifti nógv út og tóktist vil vilja at spæla við nógvari breidd, fyri síðani at kunna seta trumfin á í seinna hálvleiki. Tað eydnaðist, men tað var serliga takka verið Peter Krogh. Eitt skifti skorar hann átta av níggju málum, tá H71 fer frá at vera aftan­fyri 12-10, til at verða á odda 18-16. Her var eisini okkurt skot, ið hann brendi, har onnur loysn hevði verið betri, men talan var um eitt ein­mans­avrik hesa løtuna. Eg veit ikki heilt hvat hendi har. Eg haldi at eg byrji at hugsa um hvar eg skjóti, tí málverjin hjá teimum er ov klókur til, at tú bara skjýtur uttan at hugsa. Tað er stórur munur á, um tú hevur skor­ að tvey mál ella brent tvey skot. Í fyrra hálvleiki brendu vit, men so mást tú bara verja væl. Í seinna hálv­leiki fingu vit hol á málverjn hjá teimum. Tá skori eg eisini tvey mál upp í slag, sum geva spæligleði og mót upp á meir, sigur Peter Krogh, sum heldur at spæligleði var munurin á fyrra og seinna hálv­ leiki. Vit sóu ikki út sum nakrir hond­ bólts­spæalrar, ið høvdu hug at spæla hondbólt. Tað broyttu vit í seinna hálvleiki. Vit fingu meiri gleði í spælið hjá okkum, sigur før­ oyski landsliðsspælarin. Hann er ikki so nógv fyri at tosa um mótstøðuliðið, tí hann heldur tað er týdningarmest at hugsa um H71. Tað er líkamikið hvørjum vit møta í finaluni. Um tað er KÍF, VÍF ella Kyndil. Nú skulu vit heim at arbeiða víðari við okkara spæli, sigur Peter Krogh, sum skoraði nígg­ju mál í dystinum. Kyndil helt leiðsluni Í hinari hálvfinaluni megnaðu kyndils­menn at halda leiðsluni frá fyrru hálvfinaluni, tá teir vunnu við trimum málum. Í Vestmanna megn­ar VÍF ongantíð at fáa um báð­ar endar. Tað er sjáldan fleiri mál á muni og at enda vinnur Kynd­ il aftur við trimum. -Vit skifta nógv út, men VÍF spæl­ir nógv við somu spælarum. Tí skiftu vit eisini nógv og royndu at renna við teimum. Tað sást eisini seinastu tjúgu minuttirnar, har orkan hjá teimum fór undan. Teir hava spælarar, sum eru væl fyri, men tú klárar ikki at spæla ein heilan dyst við fullari ferð, sigur Julian Johansen, venjari hjá Kyndli, ið heldur fyri, at H71 er stór­ favorittur undan steypa­finalu­ni. -Teir hava góðar spælarar á øll­ um plássum, men vit fara at royna tað vit kunnu, hóast vit eru undir­ tipp­aðir. Vit skulu spæla upp til okkara besta, meðan teir ikki skulu spæla upp til sítt besta. So hava vit ein kjans, sigur venjarin hjá Kyndli, sum eisin heldur at tað er upp á tíðina, at mansliðið hjá Kyndli er í finalu­ni aftur: -Nú hava vit staðið vaktir og selt nokk av pylsum til steypa­finalur­ nar, so nú vilja vit sleppa at spæla, sigur Julian Johansen. trondur@sosialurin.fo Kyndil hevur vunnið seg í bæði mans og kvinnufinaluna í steypakappingini í hondbólti, meðan VÍF kvinnurnar og menninri hjá H71 eisini eru við. Hjá kvinnunum var ongin spenningur, meðan tað stóð nógv á í hálvfinalunum hjá monnum Vit sóu ikki út sum nakrir hondbóltsspæalrar, ið høvdu hug at spæla hondbólt. Tað broyttu vit í seinna hálvleiki. Vit fingu meiri gleði í spælið hjá okkum