týsdagur 13. februar 2018síða 6

Mikudagur 14. februar 2018 · Nr. 19 6 Sosialurin Hugskot og viðmerkingar – send sms til 225000 Dreymurin hjá Lailu gongur út Esla, sum verður nýggjur handil á Tvøroyri, verður partur av Samkeyp. Skrivstovuútgerð, ítrivstilfar og leikur verður eisini partur av konseptinum Vilmund Jacobsen Gongst alt eftir vild, letur nýggj­ ur handil upp á Tvøroyri um stutta tíð. Handilin verður í hølunum, har John D. Hammer áður helt til. Tað eru tær báðar, Laila A. Niel­ sen og unnustan, Eva S. Berg, ið hava gjørt av at royna seg í handis­ lív­inum. Tær eru fyri stuttari tíð síðan flutt­ar heim til Føroya at búgva. Á heimasíðuni hjá Tvøroyrar komm­unu vita tey at siga, at Laila A. Nielsen hevur drúgvar royndir innan handilsvirksemið, og nú síð­ an hon kom heim, hevur hon starv­ ast á Torginum í Vági. Eva S. Berg er lærari í Tvøroyrar skúla og fer at halda fram við tí, samstundis sum hon fer at vera nógv í handlinum, tá hon ikki er upp­tikin í skúlanum. Hjá Lailu A. Nielsen hevur hetta verið ein dreymur nærmast frá barns­beini av. Handilin, sum fer at eita Esla, verður partur av Samkeyp og fer at leggja seg eftir at veita alt innan kolonialtilfar. Tær báðar fara eisini at halda fram við at selja skrivstovuútgerð og fara haraftrat at selja nakað av ítrivs­tilfari og leikum. Nýggi handilin verður opin allar sjey dagar í vikuni frá klokkan 09 til 22. Laila A. Nielsen og Eva S. Berg hava keypt sær vørubil og fara at bjóða útkoyring av vøru um alla oynna hvønn dag. - Vit fara eisini at hava nøkur heilt serlig vikutilboð, sum vit eitt nú fara at lýsa við á Facebook, siga tær báðar við heimasíðuna hjá Tvør­oyrar kommunu. Tær báðar eru eisini í ferð við at innrætta eitt kafé-horn í handl­in­ um, so fólk kunnu seta seg niður og fáa sær ein kaffimunn, meðan tey brúka ókeypis internet, ið verður á staðnum. SJÓGVURIN SKAL VERA TÍN VINUR OG IKKI FÍGGINDI Tað sigur rumenarin, Doru Tiberiu á Torvlaðnum, sum hevur verið fulltíðar útróðrarmaður í eini 14-15 ár og sum nú liggur klárur við bátinum á Eiði at fara á Norðhavið við snellu Vilmund Jacobsen Doru Tiberiu á Torvlaðnum hevur verið hvørt ár á Norðhavinum í vár­tíðini í egnum báti við snellu síð­an 1995, og seinastu 14-15 árini hevur hann verið fulltíðar útróðr­ ar­maður. Hann er eisini nevndarlimur í Suðurstreymoyar Útróðrarfelag, har Mortan Johannesen, Mortan hjá Andriasi í Hvannasundi, er for­ mað­ur. Í síðstu viku sigldi hann bátin úr Havn og norður til Eiðis, og nú ligg­ ur hann klárur at fara fyrsta túrin á várleiðirnar norðanfyri. Báturin er ein Stigfjord, 30 føtur langur, og í honum hevur Doru fimm snellur, harav hann fyri tað mesta fiskar við teimum fýra. - Alt eftir, hvussu tað viðrar í vártíðini, plagi eg at fáa einar 17-20 dagar. Í fjør royndist fiskiskapurin rímiliga væl, tó at tað viðraði illa tað mesta av tíðini. Dagarnir gjørdust tó einir 15-17. Dagarnir, sum roynd­ ust hampiligir til veður hjá mær í fjør, vóru hin fyrsti - og hin seinasti, sigur útróðrarmaðurin. Spennandi várróður Doru Tiberiu á Torvlaðnum vísir á, at skalt tú fáa nakað burtur úr vár­ róðrinum, noyðist tú viðhvørt at leggja eitt sindur fyri. - Ofta er tað soleiðis, at tú antin fert avstað í keðiligum líkindum - ella tú endar dagin við sjaskveðri. Tek­ur tú bara teir bestu dagarnar, gerast dagarnir fáir, og lítið kemur burt­ur úr vártíðini. Útróðrarmaðurin, sum roynir við snellu alt árið, hevur rímiliga góð­ar vónir um snellufiskiskapin í vár, tí ábendingar eru um, at fiskur verður at fáa. - Vit ráða ikki yvir, hvussu nógv­ ur fiskur er í sjónum, og vit ráða enn minni yvir veðrinum. Men, eins og undanfarin ár, eri eg spentur til vár­róðurin, sum nú stundar til, sigur hann. Daggamal fiskur Doru Tiberiu á Torvlaðnum sigur seg vóna, at útróðrarmenn fara at fáa líkinda prís fyri norðhavstoskin í vár, og at keyparar fara at geva tann prís fyri fiskin, sum hann veru­liga hevur uppiborið. - Tað hava verið ár, har vit, sum koma við daggomlum og næstan liv­andi útróðrarfiski, hava fingið tvær og tríggjar krónur minni fyri kilo enn skip, sum koma við fiski, ið er eina viku til tíggju dagar gamal. Tað kann ikki vera rætt. Eg haldi, at ikki minst ediligi snellu­veiddi toskurin, sum kemur av Norð­hav­ in­um, eigur at fáa besta prísin. Útróðrarmaðurin fýlist á, at prís­irnir á toskarognum eru so lágir, sum alt bendir á, at teir eru í dag. Á uppboðssøluni hjá Fiska­ markn­aði Føroya í vikuni fóru toska­rogn fyri átta krónur fyri kilo í miðal. - Tað var tann tíð, tá prísurin á toska­rognum í Føroyum var fleiri ferðir so høgur, og um dagarnar síggja vit í Danmark, at prísirnir liggj­a omanfyri 100 krónur fyri kilo. So, skulu vit snakka um at taka alt til lands við og at meirvirka, noyð­ ast keypararnir at taka seg sam­an og geva ein betri prís fyri rá­vør­una, sigur Doru Tiberiu á Torv­laðn­um. Havið sum vinur Útróðrarmaðurin, sum hevur sín­ ar røtur úr Rumenia, men sum gjørd­ist fulltíðar útróðrarmaður í Før­oyum, vísir á, at tað er ógvuliga um­ráðandi, at útróðurin fær tær sømd­ir og teir veiðimøguleikar, sum hesin parturin av fiskivinnuni hev­ur uppiborið. - Tað er ofta umborð á teimum smærru bátunum, at ungu dreing­ irnir fyrstu ferð sleppa at royna seg. Síðan fara nakrir teirra umborð á størru skip og at enda á Vinnu­há­ skúl­an at nema sær eina sjó­vinnu­ útbúgv­ing. Verð­ur hetta fyrsta liðið, sum útróð­ur­in er, skorið burt­ ur, missa ungu dreing­irn­ir sam­ bandið við sjógv­in og ger­ast kanska ong­antíð fiskimenn. Doru Tiberiu á Torvlaðnum er sannførdur um, at ein útróðr­ ar­maður og fiskimaður annars noyð­ist at vera nærlagdur, og tað er um­ráð­andi, at viðkomandi skilir náttúr­una. - Skulu vit halda fram at fiska, mugu vit ikki missa sambandið við sjógvin og náttúruna. Sjógvurin skal vera tín vinur og ikki fígg­indi. So, einfalt er tað, sigur útróðr­ar­ mað­urin, sum vónar at fáa sín fyrsta dag á Norðhavinum ein av fyrstu døgunum. - Skulu vit halda fram at fiska, mugu vit ikki missa sambandið við sjógvin og náttúruna, sigur útróðrarmaðurin, Doru Tiberiu á Torvlaðnum, sum her stendur við einum stórum og ediligum norðhavstoski Tað er her í bygninginum, har John D. Hammer áður helt til, at handilin Esla verður