hósdagur 15. februar 2018síða 23

FRÍGGJADAGUR 16. FEBRUAR 2018 SOSIALURIN 20 23 verður standardiserað, og øll galdandi mál vera definerað í mun til ein danskan standard. Lán til skipabygging Ein grein hevur ein serligan boðskap, tá ið hugsað verður um teir praktisku møguleikarnar at seta nakað nýtt á stovn. Stjórnin vil geva lán til at keypa fiskiskip: “De der paa Færøerne ville drive Fiskerierne i det Store, og til almindelig Brug indføre bedre Virkningsmaader end de hidtil brugelige kunne vente, at dem dertil skal vorde forundt særdeles Understøttelse efter Omstændighederne. ” Longu árið eftir, í 1791, søktu 3 mans, Samuel og Johan Egholm og Peder Hansen (Skipar Hansen) um 900 Rbd. til at keypa skip fyri3. Teir keyptu eina galeasu De trende Brødre, sum var 23 ½ kommercelestir. Men gakk - eingin fríhandil kom. Hví ikki? Fríhandil skuldi eftir “Forordning 1790” koma í 1796. Men hann kom ikki. Søgufólk hava higartil havt ymsar frágreiðingar. Mortensen4 hevur hesa meting av støðuni: “Onkur kundi hildið, at tílíkt tilmæli um avtøku av kongaliga einahandilinum varð fagnað við gleði av føroyingum. Nú kundi umsíðir tykjast at fara at lýsa fyri betri tíðum. Men hvar finna vit orð fyri slíkari gleði? Ongastaðni.” Mortensen endurgevur eina adressu frá umboðum í Eysturoynni. Teir biðja Kaptain Born um at leggja hetta mótmælið fyri kong. Hetta var undirskrivað í 1789, tað er áðrenn nevndararbeiðið var byrjað. Jakobsen5 hevur eina langa frásøgn um klagur, sum hava verið um ymist í Tinganesi. Tí undrar tað hann, at tá ið tilboðið um fríhandil kom, so vóru landsins íbúgvar ímóti. Debes6 nevnir, at eysturoyingar hava mótmælt, og sigur: “Nú vóru krígstíðir – byrjanin til napoleons-kríggini – sum gjørdi Føroyasiglingina vandamikla, og ringar tíðir sum heild.” Tó, Danmark var ikki uppi í nøkrum kríggi7 millum 1720-1801, men førdi ein neutralitetspolitikk, sum landið fekk fyrimun av. Tíðin kallaðst tann florisanta8 periodan. Tað, sum avgjørdi lagnuna hjá fríhandilslógini, var hvørki ringar tíðir, kríggj ella ein adressa frá eysturoyingum. Tað var eitt bræv, sum higartil ikki hevur verið frammi, skrivað av sorinskrivaranum vegna “Samtlige Færøernes Almue.” Sorinskrivarin Lauritz Olsen skrivar “Til Kongen” Tá fyribilsskipanin hevði verið í gildi í 5 ár, var komið fram til 1795, og komandi nýggjár skuldi fríhandilin taka við. Men á umreisuni hjá sorinskrivaranum at halda várting í 1795 bøna íbúgvarnir hann um at skriva til kong, so fríhandilsætlanirnar verða steðgaðar. Brævið9, sum sorinskrivarin Olsen setur saman, er bæði klárt og upplýsandi um støðuna. Eg meti, at hetta bræv ‘Til Kong’, sum ikki hevur verið frammi fyrr, hevur verið avgerandi fyri at útseta fríhandilin. Inngangurin ljóðar soleiðis: Thorshavn i Færøe den 14. august 1795. Til Kongen Samtlige Færøernes Almue har ved Tingenes Holdelse i Aar anmodet mig ved aller-underdanigst Ansøgning, at ansøge for dem, at den Handel som nu drives for Kongelig Regning heri Landet, fremdeles maatte vedblive, og ingen frihandel i dets Sted indføres, saasom de befrygter ved saadan Forandring deres Ødelæggelse og Undergang. – Man kann út frá hesum siga, at vártingini úttalaðu seg, og øll vóru samd. Vártingini vóru tann mest representativi stovnur, sum var tá. Tey úttala seg sum: “Samtlige Færøernes Almue. “ Í brævinum til Kong greiðir sorinskrivarin eisini frá, hví støðan er, sum hon er, og hvat ið eigur at verða gjørt, fyri at fáa landið á føtur aftur. Tey 5 punktini, sum hann nevnir og viðger, eru hesi: Agerdyrkningens forbedring, Indbyggernes formering, Hegns Opførelse, Jordæblernes Avling, Uldens fordelagtigere Forarbejdelse. Hann endar við eini samanfating, har hann gevur eitt boð uppá, hvønn kapital tað fer at krevja, 30 til 40 000 Rdl, tá man fer undir fríhandil. Havast kann í huga, hvussu torført tað hevði verið hjá føroyingum at tikið lut í fríhandli tá. Brævið frá Sorinskrivaranum endar soleiðis: Allernaadigste Konge! Kort! Uden Landet i forveyen, som vidst er muelig, bringes i den Forfatning, at det behøver mindre Provianter tilført, er det ulykkeligt med Frihandel. – Paa foranførte Grunde beeder jeg eenstemmig med samtlige Færøernes Almue, at de for nærværende Tiid for Frihandel maae være forskaanede, men derimod at den som nu maae vedblive, indtil Landet maatte kunde blive tilveye bragt bedre kræfter, til i dette Fald at modtage Forandring. – Een allernaadigst Bønhørelse forventes, Allerunderdanigst af L: Olsen Kongur svarar Hetta bræv frá Lauritz Olsen, sorinskrivara, meti eg at vera tann avgerandi steinin, sum forðaði fyri fríhandli í 1796, tí kongur tók undir við hesi áheitan úr Føroyum og útsetti fríhandilin fyribils. Rentukamarið skrivar10 ‘efter allerhøyeste Befaling’:“Paa Grund … af Indbyggernes allerunderdanigst indgivne Ansøgning om, at Handelen der i Landet maatte fremdeles drives for Hans mayestæts Regning…” Í hesum umfari kom sostatt eingin fríhandil í 1796 orsakað av fólksins umbøn til kongs. Keldur: Debes, H.J. 2000: Føroya Søga 2. Tórshavn pp 20-51 in: Fróðskaparrit vol 61 Jakobsen, J. 1966: Poul Nolsøe, Lívssøga og irkingar. 2. útg. Tórshavn Johansen, H.C.191: Danmark i Tal, pp 11-164 In Danmarkshistorie, bind 16. København Mortensen, A. 1955: Yvirlit yvir søgu einahandilsins, pp 7-76 in Joensen 1955. Tórshavn. Nolsø P.J. 1963: Føroya Siglingarsøga Bd 1. 1000-1856. Tórhavn Ikki prentað: Forordning 1790: “Forordning om den nye Interim Indretning med Handelen paa Færøerne for 5 Aar”. Frederiksberg Slot 13. August 1790. <History.fo> RA-3: Rigsarkivet: “Allerunderdanigst Forestilling angaaende Udfaldet af den Færøiske Handel”, Den færøeske Handelskommission. Kopibog1790A – 1815 B, sag nr 1 og 5 RA-5: Rigsarkivet: “Til Kongen”, Rentekammeret. Afskrifter af eller koncepter til forestillinger vedr. Færøerne og Grønland, lnr 373.12, RA-6: Rigsarkivet: “Hans Kongelige Mayestæt til Danmark og Norge, Præsidiet, Deputerede og Tilforordnede i Rentekammer- Collegio”.Rentekammeret.1773- 1848. Afskrifter af eller koncepter.