hósdagur 22. februar 2018síða 36

Vinnublaðið hjá miðlahúsinum 8 februar 2018 23 Longu 1.juni verða fyrstu rognini lat­in í kør á nýggju smolt­ støð­ini hjá Bakka­ frost á Strond Árni Gregersen Talan er um eina smoltstøð, sum tá ið hon stendur liðug verður heimsins størsta. Bakkafrost er í ferð við at byggja eina smoltstøð á Strond í Borð­oynni, sum slær øll met. Hon er meira enn tríggjar ferðir so stór, sum smoltstøð­ in hjá sama felag á Viðareiði. Talan er um eitt ógvusligt byggj­ arí, sum byggifelagið Articon stendur fyri. Á nýggju smoltstøðini eru 21.000 fer­metrar undir taki og gólv­vídd­in inni er 26.000 fermetrar. Har­um­ framt eru nakrir bygningingar afturat, sum ikki enn eru taldir uppí samlaðu vídd­ina. Longdin á bygninginum, tá ið hann verður liðugur, verður 310 metr­ar. Skal tað samanberast við okk­urt, so er tað tvær ferðir so langt, sum Norr­øna og næstan tríggjar ferðir longdina á Tórsvølli. Ógvusliga støddin á smoltstøðini á Strond hongur fyrst og fremst sam­an við nýggjastu vitan innan al­ ing. Tað gongur út uppá at ala laksin á landi, til hann í minsta lagi vigar 500 gram. Tað ger, at fiskurin er í sjónum í mun­andi styttri tíð. Tað góða við tí er, at vand­in fyri sjúkum er munandi minni og lúsaplággan eisini minkar nógv. Hetta við at hava fiskin longri á landi er byrjað fyri nøkrum árum síð­ ani. Tað vísir seg at rigga væl, og allar ali­fyri­tøkurnar arbeiða við hesum. Ein annar stórur fyrimunur er, at minni sjóøki verður brúkt til alingina, jú størri fiskurin er, tá ið hann verður settur út. Hetta hevur týdning, tí flestu ali­ øki í landinum eru brúkt, so nógv sum til ber. Stór vatnmongd At ala á landi hevur sjálvandi nakrar av­bjóðingar við sær. Fyrst og fremst skal ómetaliga nógv vatn til, tí fiskurin á landi svimur frá fyrsta degi, tá ið hann kemur í kør­ini sum rogn, í feskum vatni. Støð­in á Strond krevur eisini ómetaliga nógv vatn, men alt verður gjørt fyri at brúkta vatnið verður end­ ur­nýtt so væl, sum til ber. Tað verður reinsað væl og virð­i­ liga áðrenn tað verður brúkt fyrstu ferð, men eftir at tað er brúkt eina ferð, verður tað reinsað aftur og brúkt fleiri ferðir. Metingarnar nú eru, at støðin fer at brúka um 80 rúmmetrar av vatni um tím­an og tað er ikki nógv í hes­ um sambandi. Eitt annað, sum mangan verður nevnt í sambandi við aling, er tað sum dálkar í sambandi við alingina. Fóð­ur, sum ikki verður etið og skarn frá fiskinum. Heimsins stør