mánadagur 26. februar 2018síða 15

15 Mánadagur 6. januar 2014 · Nr. 2 Sosialurin Mánadagur 26. februar 2018 · Nr. 24 Hugskot og viðmerkingar – send sms til 225000 - Hygg eftir Gylfi Sigurdsson. Hann fór av landinum tíðliga og hevur ment seg so hvørt. Men tá tú hyggur eftir honum, so mást tú eisini minnas til, at hann er nógv tann best lønti spælarin á íslendska lands­liðnum. Hann er tó tann, sum møtir fyrst til venjing og fer síðst avstað. Hann ansar eftir sær sjálv­ um, roykir ikki og drekkur ikki, sigur Heimir Guðjónsson og leggur afturat: -Tá tú hevur slíkar fyrimyndir, so er lættari hjá yngri spælarum at koma longri og síggja hvat skal til. Ísland hevur eisini havt aðrar fyri­myndir og tað hjálpir heilt víst kom­andi ættarliðunum, sigur nýggi venjarin hjá HB. Bilsin av sjálvbodna arbeiðinum Í tíggju ár endaði FH altíð millum trý tey bestu liðini í Íslandi. Tað hevur hjálpt felagnum og um­ støðunum, sum eru eitt sindur betri enn hjá eitt nú HB. - FH hevur í fleiri ár spælt í Evropa og tað eru komnir nógvir pengar inn. Tað ger millum annað, at umstøðurnar við vølli og øðrum eru betri í FH enn í HB. Men sjálvt eftir íslendskum mátistokki, so eru umstøðurnar hjá HB í Gunda­ dali góðar. Eitt sum eg havi heft meg við í HB, er hvussu nógv fólk hjálpa til sjálvboðin. Tað sært tú ikki á sama hátt í FH. Tí haldi eg eisini, at spælararnir skulu virða tey fólkini, sum eitt nú koma at gera morgunmat til morgun­venj­ ing­ar­nar, sigur Heimir Guðjónsson. HB hevur í uppstartinum havt tvær morgunvenjingar, har liðið fer á vøllin klokkan hálvgun sjey. -Øll árini eg var í FH vandu vit um morgunin. Um tú vilt klára teg væl, so mást tú venja nógv og væl. Í longdini koma hasar venjingarnar at hjálpa liðnum. Tað er lættari venj­ing við bólti og eitt sindur av taktikki. Spælararnir tykjast at dáma tað, sigur nýggi venjarin hjá HB. Hann heldur fyri, at tað er mun á dygdunum hjá spælarinum í FH og HB. -Stóri munurin er dygdin á spælar­unum. Í FH høvdu vit 20 til 22 góðar spælarar. Í HB mugu vit nú royna at fáa ein breiðan og sterkri hóp. HB hevur eisini fleiri ungar spælarar sum eru á veg. Tað eru betringar at hóma síðani vit byrjaðu at venja í januar, men enn hava vit langt á mál. Liðið skal skipast betri og tað taktiska skal upp á pláss. Um eg skal siga tað í einum orði, so er tað “ókey”, sigur Heimir Guðjónsson, ið nú skal gera nógv av arbeiðinum, sum hjálpar­ venjararnir gjørdu fyri hann í FH. - Eg njóti at vera á vøllinum og vera venjari. Tað er ein sunn broyt­ ing, at eg í HB má gera nógv av ar­ beiði­num, sum hjálparvenjarnir í FH gjørdu fyri meg. Eg misti kanska eitt sindur av njótilsinum av at vera venjari. Skulu hava tveir spælarar afturat HB hevur higartil fingið tilgongd av Brynjar Hlöðversson, men tað verður væntandi ikki tann einasti ís­lendski spælarin, ið kmeur til HB til hetta kappingarár. - Vit mugu styrkja liðið, men tað er torført at finna góðar spælarar. Brynjar er ein spælari, sum eg kendi væl. Eg síggi hann sum ein spælara, ið HB hevur brúk fyri. Vit hava brúk fyri einum miðverja og ein­um miðvallara, sigur Heimir Guðjónsson og leggur afturat: - Vit hava tosað við spælarar, men higartil er tað ikki blivið til nakað. Eftir mínari meining skal ein spælari, sum HB tekur heim, byrja inni. Teir skulu ikki sita á bonki­num og tí skulu teir verða góðir, sigur nýggi venjarin hjá HB. Í FH spældi hann við eini 4-3-3 upp­stilling, har liðið leggur dent á at hava bóltin. Hann við­gong­ur, at tað ikki altíð letur seg gera, ella er besta loysnin, men tað grund­hug­ burð­urin undir spæli­stíli­num hjá hon­um. -Vit skulu kappast við Víking, NSÍ, KÍ og B36 um topp fýra. Vón­ andi klára vit tað, sigur Heimir Gujóns­son at enda. trondur@sosialurin.fo FÓTBÓLTUR -Føroyskur fótbóltur hev­ur brúk fyri fleiri fót­ bólts­hallum. Í Íslandi kanst tú siga nógv, millum annað um venj­ing­ ina, men í mín­um huga­ heimi eru tað fót­bólts­hall­ ir­nar, ið hava gjørt munin. -Eg haldi meg síggja, at føroyskur fótbóltur á rættari kós og vilja gjarna verða ein partur av tí