mánadagur 26. februar 2018síða 14

Mánadagur 26. februar 2018 · Nr. 24 14 Sosialurin Hugskot og viðmerkingar – send sms til 225000 Tróndur Arge Tað var in.fo, sum fyrst setti Heimir Guðjónsson í samband við eitt venjarastarv í Føroyum. Tað ljóðaði, at hann var ávegis at sam­skifta við Víking, sum hevði spælt móti FH í Champions League. Høvðus­ per­són­urin avsannaði tíðindini í íslendskum miðlum, men stóð fáar dagar seinni í SMS og samskifti við leiðslu­na hjá HB. - Tað byrjaði við, at eg møtti um­ boðs­manninum, Jákupi í Stóru­ stovu. Hann var í Íslandi og er um­boðs­maður hjá Sonna Ragnar Nattestad og Gunnari Nielsen, sum spældu við FH. Soleiðis komu vit at kennast. Hann setti seg í sam­ band við meg og spurdi um eg var áhugaður at blíva venjari hjá HB. Í novembur í fjør komu eg og dam­ an til Føroyar, at vitjan HB. Fólk tóku væl ímóti okkum og við vóru ovfarin av landinum. Tað var eisini áhuga­vert, at HB er eitt stórt felag við 22 meistaraheitum, men sum ikki hevði staðið seg so væl seinastu árini, fortelur Heimir Guðjónsson á enskum. Tað ljóðar so ónorðurlendskt, at sam­skifti ikki er á íslendskum, tá Før­oyar og Ísland nú eru so tætt knýtt­ar á heimskortinum og í sinni, men tað er ein forkláring. -Ongin skilur mítt íslendska her. Eg tosi so skjótt á íslendskum, at ongin hevði skilt hvat eg segði, um vit tosaðu á íslendskum, sigur Heimir Guðjónsson og flennur. Eftir tíggju ár sum venjari hjá FH var tíðin komin til at royna okkurt nýtt. -Eg havi verið í Íslandi tað mesta av mínum lívi. Tá eg fekk tilboðið frá HB, tosaðu eg, daman og familj­ an hjá mær um, at tað kundi verið gott at roynt okkurt nýtt og liva onkra aðrastaðni, sigur nýggi venjarin hjá HB. Kendi HB Heimir Guðjónsson kendi væl til HB og føroyskan fótbólt, áðrenn tók av at blíva venjari her. -Ja, eg kendi til HB áðrenn. Eg var í Føroyum í 2007 sum hjálpar­ venjari hjá FH. Vit skuldu spæla móti HB í Champions League undan­kappingini. Eg og mál­mans­ venj­arin fóru so at hyggja eftir HB, sum spældi í Sumba, sigur íslendski venj­arin og fortelur víðari. -Vit komu við flúgvaranum, leigaðu bil og koyrdu umborð á bát­in. Tað var ein áhugaverd ferð. Har hugdu vit so nærri at liðnum. So­leiðis kendi eg til HB áðrenn, sigur hann. FH spældi móti Víkingi í Champ­ ions League farna summar. Tá fekk hann eisini høvi at síggja før­oysk­an fót­bólt nærri. -Eg sá eisini Víking spæla móti Trepca í Champions League. Eg hugsaði at teir vóru væl skip­ aðir, vardu væl og sterkir upp á deyðbóltar. Teir høvdu eisini góðar spælarar sum Sølva Vatn­hamar og Atla Gregersen, ið er lands­liðs­ spælarar. Vit vistu eisini tá, at hetta bleiv ein torfør uppgáva, tí Víking­ ur er eitt lið við nógvum royndum, for­telur venjarin. Fyrri dysturin í Íslandi endaði við javnleiki 1-1, meðan FH vann 2-0 á Tórsvølli. Serliga fyrra málið í seinna dystinum umstrítt, tí talan var um heldur ivasamt brotsspark. -Samanlagt haldi eg, at FH var tað betra liðið, men tað tók langa tíð at bróta Víking niður í seinna dysti­num. Málið kemur ikkki fyrr í seinasta korterinum. Øll eru ikki samd um brotssparkið. Eg tosaði aftaná við spælaran, sum fekk brots­sparkið. Hann segði, at tað var kontakt og tí fór hann niður. Hatta er slíkar støður, har tað onkuntíð verður dømt, meðan tað aðrar tíðir ikki verður dømt, sigur Heimir Guðjóns­son. Ein serlig støða tók seg upp til fyrra dystin. Filip Djordjevic hevur leik­bann, halda tey í Víkingi, men í FH vita tey, at tað skulu trý gul kort til. Tí vil Heimir Guðjónsson tryggja sær, at Víkingur ikki hevur rættað feilin. -Eg bað Gunnar Nielsen kanna um teir framvegis hildu at hann hevði leikbann, tí Filip Djordjevic er ein góður spælari, sigur Heimir Guðjónsson við einum skálkabrosi. Føroyar hava brúk fyri eini fótbóltshøll Íslendski venjarin hevur verið í Føroyum síðani januar. Út frá tí hevur hann gjørt sær nakrar tankar um føroyskan fótbólt í mun til íslendskan fótbólt. -Føroyskur fótbóltur hevur brúk fyri fleiri fótbóltshallum. Í Íslandi kanst tú siga nógv, mill­ um annað um venjingina, men í mínum hugaheimi eru tað fót­bólts­ hallirnar, ið hava gjørt munin. Nú hava tit eina fótbóltshøll í suður­ oyn­ni, so eg vænti at tað kemur ein nýggj onkran aðrastaðni skjótt, sig­ur Heimir Guðjónsson og leggur afturat: -Føroyska landsliðið hevur eisini brúk fyri, at fleiri spælarar spæla uttanlands. Hyggur tú eftir íslandska landsliðnum, so sært tú ikki spælarar úr íslndsku deild­ini á landsliðnum. Tað er týdn­ingar­ mikið at fáa spælarar av landinum, um føroyska landsliðið skal koma víðari. Eg haldi meg síggja, at føroyskur fótbóltur á rættari kós og vilja gjarna verða ein partur av tí, sigur 48 ára gamli venjarin. Hyggi eftir Gylfi – tað er hugburðurin Íslendskur fótbóltur hevur ment mangan spælara, ið hevur klárað seg væl sum yrkisspælara úti í Evropa. Her eru allar søgurnar ikki sólskins­søgur. -Tað kemur ann upp á spælaran og hvussu hann taklar at fara av landinum. Vit hava eisini dømir um spælarar, sum eru farnir av landi­num sum 15 ára gamlir, men koma aftur sum 18 ára gamlir og eru niður­brotnir. Aðrir eru farnir og hava klárað seg væl. Tað kemur ann upp á spælaran og baklandið. Tað eru ikki altíð fótbóltsevnini, ið eru av­gerandi, men mentala styrkin, sigur Heimir Guðjónsson og nevnir Gylfi Sigurdsson. Heimir Guðjónsson: Tað sigur nýggi venjarin hjá HB, sum frammanundan hevur verið venjari hjá FH í 10 ár. Hann letur væl pørtum av føroyskum fótbólti, men ásannar eisini at HB er nakað aftanfyri FH í breidd. – Hygg eftir Gylfi Sigurdsson, sigur hann um prátið um yrkisfótbólt FÓTBÓLTUR - Vit skulu hava ein miðverja og ein miðvallara -Ongin skilur mítt íslendska her. Eg tosi so skjótt á íslendskum, at ongin hevði skilt hvat eg segði, um vit tosaðu á íslendskum -Ongin skilur mítt íslendska her. Eg tosi so skjótt á íslendskum, at ongin hevði skilt hvat eg segði, um vit tosaðu á íslendskum EG VIL ROYNA OKKURT NÝTT