mánadagur 5. mars 2018síða 22

Mánadagur 5. mars 2018 · Nr. 27 22 Sosialurin Hugskot og viðmerkingar – send sms til 225000 Vikan ið fór Føroyski landsliðsleikarin, Sonni Ragnar Nattestad, hevur ilt við at fáa spælitíð í Molde BK og verður útleigaður til Aalesund í næstbestu norsku deildini. Judo Føroyar setur nýtt venjarapar at taka sær av føroyska landsliðnum. Tað er danski Roland Vogt, ið nú myndar hetta venjaraparið saman við tí her heima so kenda Petur Sigurði Johannesen. Aleksandar Djordjevic verður settur í starv sum venjari hjá KÍ-kvinnum. Sjey ferðir áður hevur hann vunnið FM-heitið við teimum. Hann tekur við eftir navnabróðurin, Aleksandar Jovevic. Tað verður kunngjørt, at HM-steypið í fótbólti kemur á vitjan í Føroyum. Hetta verður tann 24. mars, har eisini fyrrverandi franski heimsmeistarin, Christian Karembeu, verður við á ferðini. Tórður Thomsen ger sáttmála við NSÍ, har boð verða eftir honum alt fyri eitt til stórsteypadystin, av tí at bæði Símun Rógvi Hansen og Andras Gango dragast við skaðar. Víkingur vinnur stórsteypadystin ímóti NSÍ á Tórsvølli. Dysturin endar við 1-1-javnleiki, men í brotssparkskappingini draga verandi føroyameistararnir longra stráðið. 07 Vestur styrkir seg beint undan kappingarbyrjan og skrivar sáttmála við serbiska Nikola Krcmarevic og ukreinska Kyrylo Silich. ...við ítróttinum 5 SKJÓTIR Jørgen Niclasen, leikandi SÍ-venjari, um steypagullið Gary Neville um avrikini hjá Ramsey, Xhaka og Özil í Carabao Cup-finaluni ímóti Man City Eg havi onkuntíð skemtað við, at tá ið SÍ hevur tapt eina steypafinalu, so var tað tí spæliloyvið hjá mær ikki var upp á pláss. Tað var bara skemt. Men dreymurin hevur verið har, og í dag gekk hann út. Alt, sum fjepparar vilja síggja, er at tú rennur so skjótt sum tú megnar, men teir ganga runt á vøllinum. Á Wembley. Skomm. Stór skomm. Fimm skjótir spurningar til føroysk ítróttarfólk... Navn: Torkil Veyhe Føddur: 28 Yrki: Súkklari Royn tína vitan um ítróttin her og nú! Svarini standa niðast til vinstru, men royn teg nú fyrst 1. Víkingur 2. Dia Midjord 3. B36 4. Ægir 5. Italia 6. Anna Sunadóttir Hansen 7. AS Monaco 8. Jann Benjaminsen 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1 Hvør vann stórsteypadystin í fótbólti í fjør? 2 Hvussu eitur venjarin hjá kvinnulandsliðnum í hondbólti? 3 Hvat var fyrsta føroyska felagið, ið Adeshina Lawal spældi við? 4 Hvussu eitur svimjifelagið í Klaksvík? 5 Hvat land vann HM í mansfótbólti í 2006? 6 Hvør bleiv ársins leikari í føroyskum kvinnuflogbólti í 2017? 7 Hvørjum fronskum stórfelag hevur Arsène Wenger verið venjari hjá? 8 Hvussu eitur NSÍ-arin við bóltinum á myndini? Myndin hesa vikuna: Hvussu hevur fyrsta tíðin í Team VIRTU verið? - Lærurík. Tað er ein annar máti at takkla kappingar. Ambitióninar eru stórar, so tað verður væntað nógv av einum. Men tað hevur eisini við til at flyta meg nógv longu nú, so eg gleði meg til restina av árinum. Hvønn leiklut hevur tú á liðnum? - Tað er ymiskt hvønn leiklut man hevur. Tað er alt eftir hvussu ruturnar eru og hvussu væl koyrandi man er. Tær fyrstu kappingarnar havi eg havt fríar teymar at søkja eydnuna í byrjanini (útbrot), og hevur tað ikki eydnast, so havi eg verið við til at hildið alt samlað, so vit kunna koyra fyri okkara skjóta mann. Tað koma nakrar kappingar seinni á árinum, sum passa mær væl, og tá skal eg hava formtop. Helst fái eg møguleikan at royna meg sum tann, ið skal koyrast fyri. Var tað ein trupul avgerð at skifta frá ColoQuick-CULT? - Tað er altíð ringt at skifta frá einum staði, har man trívist, men her vóru møguleikarnir størri og eg havi betri liðfelagar, sum gevur betri hjálp, og man er við at koyra um sigurin oftari, umframt at vera til størri og fleiri kappingar. Tá alt kom til alt, so var avgerðin ikki so trupul kortini. Sum ungur, væntaði tú at tú fórt at røkka so langt sum súkklari? - Tað hevur altíð verið ein dreymur, ja, men eg kann ikki siga eg væntaði tað fór at eydnast. Eg havi allatíð roynt at gjørt mítt besta og flutt meg so nógv sum møguligt ár fyri ár, men eg havi ikki havt nakran ordiligan forgangara, ið er komin líka langt og sum eg havi kunna spurt um ráð. So tað hevur altíð verið gjørt sambært bestu sannføring uttan at vita hvat neyðuga arbeiðið hevur verið. Eftir at eg flutti niður kom eg at arbeiða við góðum fólki, og eftir tað byrjaði eg eisini av álvara at síggja møguleikan at koma longri innan súkklingina - helst enn longri enn eg eri nú, men man kundi bara ynskt, at man kom í gongd við neyðuga arbeiðið fyrr. Hvat krevst fyri at koma upp á eitt slíkt støði? - Støðugt arbeiði og disciplin eru lyklaorðini. Tað krevur, at man allatíðina flytur mørkini og venur regluliga hóast tað eru nøkur tíðarskeið, ið eru minni spennandi. Ein ávís mongd av talenti er eisini neyðug. Fiorentina-fjepparar uttanfyri leikvøllin minnast liðskiparan, Davide Astore, sum sunnumorgunin brádliga andaðist